ଦୋଷ ଟି କାହାର

ଅତି ନିବିଡ଼ ଯେ ବନ୍ଧୁତା ଆମର,

ତଥାପି ପ୍ରଭେଦ ଅନେକ ପ୍ରକାର l

ରୁଚି ଆମ ଦୁହିଁଙ୍କ ଏକାଭଳି ସିନା,

ବ୍ୟକ୍ତିତ୍ଵରେ ରହି ଆସିଛି ବିଭେଦ ।

ଅଲଗା ପରିଧିକୁ ଯାଏ ସିଏ ଚାଲି,

ଅପହଞ୍ଚ ତାହା ମୋ ପାଇଁ ବୋଲି ।

ଘଟଣା ବହୁଳ ଜୀବନଟି ତା'ର,

ଯେଉଁଠି ରହିଛି ସମସ୍ୟା ବିବିଧ ।

ହୁଏତ ସେ କିଛିଟା ଗର୍ବୀ ଅଭିମାନୀ,

ତୁଚ୍ଛା ରେ ବୋଲାଏ ନିଜକୁ ଯେ ଜ୍ଞାନୀ l

ଭାବିନିଏ ସେ ତ ଦୁନିଆ ଦେଖିଛି,

ବହୁ ଅଭିଜ୍ଞତା ହାସଲ କରିଛି l

ହେଲେ ପାରେ ନାହିଁ ପଢି ମନକୁ ମୋର,

କୁହ ତାହା ହେଲେ ଦୋଷ ଟି କାହାର?



             (ପ୍ରଜ୍ଞାସୁ ମହାନ୍ତି)