ଲାଇବ୍ରେରୀ
ପ୍ରୋଫାଇଲ୍
ଅନ୍ତର ବେଦନା
ଅନ୍ତର ବେଦନା
1 min
1.0K
ଅନ୍ତର ବେଦନା ଅଟଇ ଅବ୍ୟକ୍ତ
ହୃଦୟ କନ୍ଦରେ ଥାଏ
ମନ କହେ ତାକୁ ମୁକ୍ତି ଦେବାପାଇଁ
ଓଠ ତାଲା ଦେଇ ଦିଏ।
ଦିକି ଦିକି ହୋଇ ଜଳୁଥାଏ ସଦା
ସେ ବେଦନା ଅହର୍ନିଶୀ
ଜଳାଇ ଜଳାଇ ଦୁଃଖ ଦେଇଥାଏ
କନ୍ଦାଇ ପାଏ ସେ ଖୁସି।
କହିଦେଲେ ଥରେ ମନଟା ହାଲକା
ହୋଇଯା'ନ୍ତା ମନେହୁଏ
ସାତତାଳ ପଙ୍କେ ରହିଛି ଫରୁଆ
ତାକୁ ଯେ ଖୋଲିବ କିଏ?
ହୋଇଯାଏ ଶେଷେ ଚିର ସହଚରୀ
ଅବିଛେଦ୍ୟ ଅଙ୍ଗ ପରି
କେମିତି ବର୍ଜିବି ବେଦନାକୁ ମୋର
ରକତେ ବହେ ମୋହରି।
*** ମିନାକ୍ଷୀ ସାମଲ ***
