ଅଲୋଡା ଜୀବନ

ଅଲୋଡା ଜୀବନ

ଜୀବନର ଏ ଚଲା ବାଟରେ,

ଚାଲୁ ଚାଲୁ କେତେବେଳେ ମୁଁତ ।

ପଡିଗଲି ମରୁଭୁମି ସେ ଚୋରା ବାଲିରେ,

ପାଇଲିନି ସାହାଯ୍ୟର ହାତ ॥

କୁହନ୍ତି ସଭିଏଁ କରିଯାଅ ,

ଅବିଶ୍ରାନ୍ତେ କର୍ତ୍ତବ୍ୟ ନିଜର ।

ଆଶା ରଖ ନାହିଁ କେବେ ମିଳେ କିବା ଫଳ ,

ଲାଗେ ମୋତେ ମୁଁ ଏକ ନିଷ୍କର ॥

ବେଳେବେଳେ ଲାଗେ ଦୁଃଖ ପୁଣି ,

ଧର୍ଯ୍ୟ ଧରି ଚାଲେ ପଡି ଉଠି ।

ସାହସକୁ ମଜବୁତ କରେ ଜାଣି ଜାଣି ,

ନିୟତିର ଖାଇ ଲମ୍ବା ଲାଠି ॥

ବେଳେବେଳେ ଭାବେ ପୁଣି ,

ଗଲି ହାରି ଜୀବନ ସଂଗ୍ରାମେ ।

ଆପଣାର ହୋଇଗଲେ ପର ଯେ କାହିଁକି ,

ରହିଲାକି ଭୁଲ ମୋର କାମେ ॥

ସମୀକ୍ଷା କରେ ନିଜକୁ ,

ଏକାନ୍ତରେ ବସି ଦିନେ ଦିନେ ।

ପାଏନା ମୁଁ ଖୋଜି ଖୋଜି ଅଡୁଆ ଖିଅକୁ ,

ମନ ମୋର ତଥାପି ନମାନେ ॥