भविष्य

उगाच भविष्यात रमण्यापेक्षा

वर्तमानात जगून पाहू

कोणाकडे मागण्यापेक्षा 

कधी कुणाला देऊन पाहू

लोकांकडे लक्ष देण्यापेक्षा 

स्वतःच्या आत डोकावून पाहू

इतरावर विश्वास ठेवण्यापेक्षा 

आपल्यावर विश्वास ठेवून पाहू

हरल्यावर सतत रडण्यापेक्षा

जिंकण्याची आस धरून पाहू

'नाही जमणार' म्हणण्यापेक्षा

एकदा प्रयत्न करून पाहू

दुसऱ्याच्या मनातले ओळखण्यापेक्षा

स्वतःच्या मनातले जाणून पाहू

सगळं चांगलंच होणार आहे

आपण सुरूवात करून पाहू