ಕಾಗೆಯ ಕನ್ನಡಕ
ಕಾಗೆಯ ಕನ್ನಡಕ
1 min
3.0K
ಕೇಳು ಮಗು ಕೇಳು ಮಗು
ಕೇಳಿ ಕೇಳಿ ನೀನು ನಗು
ಕಾಗೆಯ ಕಥೆಯು ನೀ ಕೇಳು
ಹೊಟ್ಟೆ ಹಿಡಿದು ನೀನು ನಗು||ಪ ||
ಕಾಗೆಯು ಕನ್ನಡಕ ಹಾಕಿತ್ತು
ಕಣ್ಣಿಗೆ ಕತ್ತಲು ಕವಿದಿತ್ತು
ಕಾಡಲಿ ಕೂಗಿ ಹೇಳಿತ್ತು
ಕಾಡಿಗೆ ದೊರೆ ಎಂದಿತ್ತು ||1 ||
ಕಾಗೆಯು ಕೆರೆಯಡೆ ಹಾರಿತ್ತು
ಕುರಿಯು ನೀರು ಕುಡಿತಿತ್ತು
ಕೂಗಿ ಕೂಗಿ ಹೇಳಿತ್ತು
ಕಾಡಿಗೆ ದೊರೆ ಎಂದಿತ್ತು ||2||
ಕಾಗೆಯು ಕೋಳಿಗೆ ಹೇಳಿತ್ತು
ಕೋಳಿ ಹೆದರಿ ಓಡಿತ್ತು
ಕಾ..ಕಾ..ಎಂದು ಕೂಗಿತ್ತು
ಕಾಡಿಗೆ ದೊರೆ ಎಂದಿತ್ತು ||3||
ಕಾಗೆಯು ನರಿಗೆ ಹೇಳಿತ್ತು
ನೋಡು ನೋಡು ಎಂದಿತ್ತು
ನರಿಯು ಓಡಿ ಹೋಗಿತ್ತು
ಸಿಂಹಕೆ ಸುದ್ದಿ ತಿಳಿಸಿತ್ತು ||4||
ಸಿಂಹವು ಗರ್ಜನೆ ಮಾಡಿತ್ತು
ಕಾಗೆಗೆ ಗೋಳು ಹಿಡದಿತ್ತು
ಕೆರೆಯ ಕಡೆಗೆ ಹಾರಿತ್ತು
ಕನ್ನಡಕ ಕೆರೆಯಲಿ ಬಿದ್ದಿತ್ತು||5||