શ્યામ રંગ સમીપે ન જાવું
શ્યામ રંગ સમીપે ન જાવું
1 min
258
મારી આજ થકી શ્યામ રંગ સમીપે ન જાવું,
જેમાં કાળાશ તે તો સો એક સરખું,
સર્વમાં કપટ હશે આવું.
કસ્તુરી કેરી બિંદી તો કરી નહી,
કાજળ ના આંખમાં અંજાવું.
કોકિલાનો શબ્દ હું સુણે નહીં કાને.
કાગવાણી શકુનમાં ન લાવું.
નીલાંબર કાળી કચુંડી ને પહેરું,
જમનાનાં નીરમાં ન નહાવું.
મરકતમણી ને મેઘ દર્ષ્ટે ના જોવા,
જાંબુ - વંતયાક ના ખાવું.
"દયા" ના પ્રીતમ સાથે મુખે નીમ લીધો,
મન કહે જે પલક ના નિભાવું.