ખબર જ ન પડી
ખબર જ ન પડી
1 min
678
સંબંધો સાચવતાં સાચવતાં,
ક્યારે આ સંબંધોમાં જ ગૂંચવાઈ ગયાં,
ખબર જ ન પડી....
બીજાની ઈચ્છાઓ પૂરી કરતાં કરતાં,
ક્યારે પોતાની જ ઈચ્છાઓ ભૂલી ગયાં,
ખબર જ ન પડી...
લોકોને જવાબો આપતાં આપતાં,
ક્યારે પોતાના જ સવાલોમાં ગૂંચવાઈ ગયાં,
ખબર જ ન પડી...
બીજાને સમજાવતાં સમજાવતાં,
ક્યારે પોતેજ સમજી ગયાં,
ખબર જ ન પડી...
રમતો રમતાં રમતાં,
ક્યારે જિંદગીની રમતમાં ફસાઈ ગયાં,
ખબર જ ન પડી...
જિંદગી તો આવી જ છે એવું કહેતાં કહેતાં,
ક્યારે જિંદગી જીવી ગયાં,
ખબર જ ન પડી.
