ગઝલ - તું
ગઝલ - તું
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
23.6K
મારી દીવાનગીની ચર્ચા બધે થવાની,
કારણ તરીકે તું પણ મશહૂર થઈ જવાની !
તારી હરેક પળમાં મારી જૂએ નિશાની,
તો વાત યાદ કરજે સુગંધ ને હવાની !
મારી કથા વચાળે વિરામચિહ્ન માફક,
પ્રત્યેક વાક્યમાં તું, બસ તું જ આવવાની !
સ્મરણો ને સાંજ સાથે હું સૂર્ય જેમ સળગું,
પ્રાચી બની પ્રશંસા તો તું જ પામવાની !
સાગર બની હું ખભળું ને બર્ફ જેમ પીગળું,
ત્યારે જ તું સરિતા સુજલામ લાગવાની !