ప్రణతి
ప్రణతి
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
2
మత్తేభవిక్రీడితములు //
1. ధనగర్వంబున దుర్గుణంబు కలిగెన్ దండించి నన్నేలుమా!
ఘనమౌ కర్మలు చేయకుంటి వరదా !కాఠిన్యమున్ జూపకో!
వినయంబించుక లేనిదాన నధిపా!బేలన్ బరీక్షింపకో!
ప్రణతిన్ వేడితి తప్పులెంచకు హరీ!పాపంబులన్ బాపుమా!//
2. అనయంబున్ భజియించి కొల్చితిని నా యాధార మీవే కదా!
కునుకున్ దీయక నీదు నామములనే కూర్మిన్ సదా పల్కితిన్
వెనువెంటన్ జనుదెంచు వాడవనుచున్ వేదాత్మ కైమోడ్చుచున్
మనమందున్ నిను నిల్పితిన్ మురహరీ!మన్నించి నన్ బ్రోవుమా!//
3. కుదురౌ బుద్ధియె లేకపోయెను హరీ!కోల్పోతి సర్వస్వమున్
మదిలో కల్మషభావనల్ పెరిగె నా మార్గంబు వేరాయె నన్
బదిలంబొప్పగ కాచువాడవనుచున్ భక్త్యాత్మనై వేడుచున్
బదముల్ బట్టితి జూపుమా కరుణ నా ప్రారబ్దముల్ ద్రుంచుచున్ //