ବନ୍ଧୁଗଣ ! କହିଲେ, ବାହାଘର ବେଳେ ଚିଠା କରି ଚୁଲିରୁ ଛୁଞ୍ଚି ଯାଏ ଉପହାର କହି ଯୌତୁକ ନେଲା ପରେ ବୋହୂଟା ଘର ଭାଙ୍ଗିଦେଲା କହିବା ଟା କଣ ଯଥାର୍ଥ ?

ବରା, ସିଙ୍ଗଡ଼ା ଖାଇବାଟା ମୋର ଲୋଭ ହେଲେ, ନୂଆ ଜାଗା ବୁଲିବାଟା ମୋ ଆତ୍ମାର ଭୋକ।

ମୁଁ କହିଲେ କଣ ହେବ ଯେ, ତୁମେ ବି ବୁଝିବା ଦରକାର ସବୁ ସ୍ବପ୍ନକୁ ସତ କରିବାର ତୁଛା ସ୍ବପ୍ନ ଦେଖାଇବା ବି ଏକ ନିଶା କାରବାର ।

ଭଗବାନ କିଏ କି? ଯିଏ ସର୍ବଦା ଆମର ମଙ୍ଗଳ କରନ୍ତି ନା ସିଏ ଯାହା ଉପରେ ଆମର ସବୁ ନିରାଶାର ଭାର ଲଦା ହୁଏ।

ନାରୀ; ବନାନ ଦେଖିଲେ ନର ଠାରୁ ଦୁଇଟି ମାତ୍ରାରେ ଅଧିକ । ଅଥଚ, ସମାନ ଅଧିକାର ପାଇଁ ଗୋଟିଏ ଯୁଗରୁ ଯୁଦ୍ଧରତ।

ତୁମେ ତ ଭାରି ସହଜରେ କହି ଯାଇଥିଲ ନୂତନ ଆରମ୍ଭ କରିବାକୁ । ହେଲେ, ଶୁଣୁଛି, ଏବେ ବି ତୁମେ ମୋ ପରି ଅତୀତର ହାତ ଛାଡ଼ି ପାରିନ ।

ବିଶ୍ଵ ତାପନ କହିଲେ ମୁଁ ଠିକରେ ବୁଝେନା । ହେଲେ, ତୁମକୁ ଦେଖିଲେ ମୋ ଆଖପାଖର ଉଷ୍ମତା ବଢିଯାଏ ।

ପ୍ରତିଟି ସନ୍ତାନର ଭୋକକୁ ବୁଝି ଭାତ ବାଢିବାର ଭାର ନେଇଥିବା ମା(ଆ)ଟି ପରା ଆମ ଭାରତ ।

ମନ୍ଦିର ବାହାରିଲେ ଖୁଚୁରା ମନେ କରି ଧରେ ଆଉ ଡାକ୍ତରଖାନା ଗଲା ବେଳେ ଚେକ୍ ଵୁକ୍। ତା ପରେ କଣ କହି ହେବ କି ଡାକ୍ତର ଭଗଵାନ ଙ୍କ ରୂପ ବୋଲି?!।