सब कुछ दूर है अब वक़्त बदल गया है, अपनी शहर में सब का चेहरा अजनवी लग रहा है।
-संजय
ପ୍ରତିଟି ମୁହୂର୍ତ୍ତ ଯୁଗ ପରି ଲାଗେ
ଦୁଃଖ ଆସି ପହଞ୍ଚିଲେ,
ରାତି ହୋଇଯାଏ ସପତ ରାତି ତ
ସରେ ନାହିଁ କେତେବେଳେ ।
-ସଞ୍ଜୟ
ଅନ୍ଧାର ଭିତରେ ଦୀପ ଶିଖାଟିଏ
ଖୋଜୁଥାଏ ଏ ମଣିଷ,
ଅନ୍ତର ଭିତରେ ଦୁଃଖ ଚାପି ରଖି
ମୁହେଁ ରଖିଥାଏ ହସ ।
-ସଞ୍ଜୟ
ସ୍ୱପ୍ନ ହିଁ ଦିଏ ଶକ୍ତି
ଦିଏ ନିରାଶା ଭିତରେ ଆଶାର ଆଲୋକ,
ଜୀବନକୁ ଭଲ ପାଇବାର ସ୍ୱପ୍ନ ଏକ ଅଦୃଶ୍ୟ ସନ୍ତକ ।
-ସଞ୍ଜୟ
ଲୋଡ଼ା ନାହିଁ ହାର ଫୁଲଟିଏ ଦିଅ
ହେବ ତାହା ଫୁଲ ମାଳ,
ସେଇ ମାଳେ ଗୁନ୍ଥା ତୁମ ଅନୁରାଗ
ରହି ଥିବ କାଳ କାଳ ।
-ସଞ୍ଜୟ
ଆଖିରେ ତୁମର ଲୁହ ଆସିଗଲେ ଆସିଯିବ ମୋ ପାଖକୁ,
ହସିବାର କଥା ଦେଇ ପାରିବିନି ଲୁହ ନେଇଯିବି ମୋ ଆଖିକୁ ।
-ସଞ୍ଜୟ
ହସ ନାମେ ନିତି ଲୁହ ପିଇ ପିଇ
ବଞ୍ଚିରହେ ଏଠି ଯିଏ,
ଜୀବନ ଯୁଦ୍ଧରେ ଅବଶ୍ୟ ବିଜୟ
ଲାଭ କରେ ପୁଣି ସିଏ ।
-ସଞ୍ଜୟ
ପ୍ରେମର ଭାଷା ତ ଏକ ଦୁନିଆଁରେ
ସଭିଏଁ ପାରନ୍ତି ବୁଝି,
ତୁମେ ବି ଜାଣିଛ ମୁଁ ବି ଜାଣିଛି
ତଥାପି ଅବୁଝା ଆଜି ।
-ସଞ୍ଜୟ
କାନ୍ଦିବାକୁ ଇଛା ଥାଇ ଯେବେ ପୁଣି
ଲୁହ ଆସେ ନାହିଁ ଆଖି,
ସେ ବେଦନା କଥା କହିବି ହୁଏନି
ମନ ରହିଥାଏ ସାକ୍ଷୀ ।
-ସଞ୍ଜୟ