କେବେ ସଙ୍ଗୀତର ମୂର୍ଚ୍ଛନା ରେ ଆସ
କେବେ ପୁଣି
ରାତ୍ରିର ଅନ୍ଧକାରରେ
ସ୍ୱପ୍ନରେ ଆସି
କଥା ହୁଅ ମୋ ସହ !!
ତୁମ ପ୍ରତିଛବି ସଦା ମନେ ଆସ
ଉଠିଲେ ବସିଲେ ଶୋଇଲେ
ପ୍ରତି ମୁହୂର୍ତ୍ତରେ,
ତୁମେ ପାଖକୁ ଆସ।
ଶିଶିର ଭିଜା ଏ କୋମଳ କୁସୁମ
ସବୁପରା ତୁମପାଇଁ ମନ
ଫରୁଆରେ ତୁମ ପ୍ରତିଛବି
ପ୍ରିୟା ହେ ଭୁଲିବ ନାହିଁ!
ତୁମକୁ ପରା ଦେଇଦେଇଛି
ମୋର ଏଇ ଛୋଟିଆ ମନ।
ନିଝୁମ ରାତି ରେ
ମୁକ୍ତ ଆକାଶ ରେ
ଦେଖିଦିଏ ଯେବେ ଜହ୍ନ ।
ଚନ୍ଦ୍ରର ଅନ୍ତରରେ
ତୁମକୁ ଖାଲି ଦେଖେ
ମୋର ଏ ଅଭୁଝା ମନ ।
ତୁମେ ବନ୍ଧୁ ,ତୁମେ ସଖା ,ତୁମେହିଁ ପଥ ର ପଥିକ ,ତୁମେ ମୋ ଦିଗନ୍ତ ର ସାଥି ,କେବେ ଭାବିନି ତୁମକୁ ମୋ ପ୍ରିୟା ,କିନ୍ତୁ ନଦେଖିଲେ ଅବା ନକଥାହେଲେ ,ଲାଗେ କିଛି ଅଲଗା ଅଲଗା ।