ପ୍ରତିଟି ମଣିଷର ନିଜର ଏକ ଦୁନିଆ ଥାଏ, ଯେଉଁଠି ସେ ନିଜେ ନିଜର ସର୍ବମୟକର୍ତ୍ତା । ଯଦି ଏହା ଜଣେ ଲେଖକ ବା କବିଙ୍କ କ୍ଷେତ୍ରରେ ବିଚାର କରାଯାଏ, ତେବେ ତା' ଦୁନିଆ ଯେ କେତେ ରହସ୍ୟମୟ ଆଉ ରୋମାଞ୍ଚକର ତାହା ଅନୁଭବୀ ହିଁ ଅନୁଭବ କରିପାରେ । ସେଇଥିପାଇଁ ତ ପୃଥିବୀର ପ୍ରେତ୍ୟେକ ମଣିଷଙ୍କ ଭାବନା ପ୍ରତ୍ୟେକଙ୍କ ଠାରୁ ଭିନ୍ନ । ତା' ବାହାରେ ମଧ୍ୟ ମଣିଷ ଯେ ଏକ ସାମାଜିକ ପ୍ରାଣୀ ସେ କଥା ଭୁଲିବା ଉଚିତ ନୁହେଁ । ମଣିଷ ନିଜ ଭିତରେ ଯେତେ ଦୁନିଆ ନିର୍ମାଣ କଲେ ମଧ୍ୟ ବାସ୍ତବରେ ତାକୁ ସମାଜ ମଧ୍ୟରେ ହିଁ ବଞ୍ଚିବାର ଅଛି । ତେଣୁ ସେ ନିଜ ଦୁନିଆ ଭିତରେ ସମାଜର ପ୍ରତିଛବି ଦେଖେ, ତାକୁ ପରଖେ ଆଉ ରୂପ ଦିଏ ।

କହିବା ବାହୁଲ୍ୟ ଯେ, ପ୍ରତ୍ୟେକ ମଣିଷର ଜୀବନ ସମାଜ ସହ ଜଡ଼ିତ । ତେଣୁ ସମାଜକୁ ଲଙ୍ଘି ମଣିଷ ଯଦିଓ ଆଗକୁ ଯାଇପାରେ ତଥାପି ଶେଷରେ ତାକୁ ଫେରିବାକୁ ହେବ । ଯୁଗେ ଯୁଗେ ମଣିଷର ଭାବନା ଓ କଳ୍ପନା ଭିତରେ ଏ ସମାଜର ବିବିଧ ରୂପ ରହିଛି ଓ ରହିଥିବ । ତେଣୁ ଷ୍ଟୋରିମିରର୍ ନେଇ ଆସିଛି ଏକ ଅଭିନବ ଲିଖନ ପ୍ରତିଯୋଗିତା 'ମୋ ଲେଖା ମୋ ଦୁନିଆ' ।

ତେବେ ଆସନ୍ତୁ ନିଜ ଲେଖା ମାଧ୍ୟମରେ ନିଜ ଦୁନିଆକୁ ବାସ୍ତବର ରୂପରେ ସମସ୍ତଙ୍କ ସାମ୍ନାକୁ ଆଣିବା ।

ପ୍ରସ୍ଥାବନା :

ଏହି ପ୍ରତିଯୋଗିତା ଦୀର୍ଘ ୧ ମାସ ପର୍ଯ୍ୟନ୍ତ ଚାଲୁରହିବ । ଆପଣ ନିଜର ଦୈନନ୍ଦିନ ଜୀବନର ବିଷୟ ସବୁକୁ ନେଇ କବିତା ଓ କାହାଣୀର ରୂପ ଦେଇପାରିବେ ।

କିଛି ନିୟମ :

• ପ୍ରଦତ୍ତ ସମୟ ସୀମା ମଧ୍ୟରେ ନିଜ ଇଚ୍ଛା ମୁତାବକ ଲେଖା ଦାଖଲ କରିପାରିବେ ।
• ଦୈନିକ ଦାଖଲ କରିବା ବାଧ୍ୟତାମୂଳକ ନୁହଁ ।
• ଲେଖା ଦାଖଲର ସଂଖ୍ୟା କ୍ଷେତ୍ରରେ କୌଣସି ପ୍ରତିବନ୍ଧକ ନାହିଁ ।
• କେବଳ କବିତା (୧୫୦ ଶବ୍ଦରୁ ଉର୍ଦ୍ଧ୍ବ) ଓ କାହାଣୀ (୨୫୦ ଶବ୍ଦରୁ ଉର୍ଦ୍ଧ୍ବ) ହିଁ ଗ୍ରହଣୀୟ ।
• ଆପଣ ଚାହିଁଲେ ଉଭୟ କବିତା ଓ କାହାଣୀ ବିଭାଗରେ ସ୍ବତନ୍ତ୍ରଭାବେ ଅଂଶଗ୍ରହଣ କରିପାରିବେ ।
• ଦାଖଲ ହୋଇଥିବା ଲେଖା ସଂଖ୍ୟା ଓ ଏହାର ସମ୍ପାଦକୀୟ ମୂଲ୍ୟାଙ୍କନ ଭିତ୍ତିରେ ବିଜେତା ସ୍ଥିର କରାଯିବ ।
• ନିଜର ମୌଳିକ ଲେଖା ହିଁ ଦାଖଲ କରନ୍ତୁ ।
• ପ୍ରବନ୍ଧ ଗ୍ରହଣୀୟ ନୁହେଁ ।

ବିଭାଗ : କାହାଣୀ | କବିତା

ଭାଷା : ଓଡ଼ିଆ

ଯୋଗ୍ୟତା : ଯେକୌଣସି ବ୍ୟକ୍ତି ଭାଗନେଇପାରିବେ ।

ପ୍ରତିଯୋଗିତାର ସମୟସୀମା : ଏପ୍ରିଲ୍ ୦୫, ୨୦୨୧ ରୁ ମେ' ୦୫, ୨୦୨୧

ଫଳାଫଳ : ଜୁନ୍ ୨୦୨୧

ପୁରସ୍କାର :

ଶ୍ରେଷ୍ଠ ତିନିଜଣଙ୍କୁ ଟ୍ରଫି ପ୍ରଦାନ କରାଯିବ ।

ପରବର୍ତ୍ତୀ ଶ୍ରେଷ୍ଠ ପାଞ୍ଚ ଜଣଙ୍କୁ INR 250ର ସପ୍ ଭାଉଚର୍ ପ୍ରଦାନ କରାଯିବ ।

ସମସ୍ତ ଅଂଶଗ୍ରହଣକାରୀଙ୍କୁ ଇ-ମାନପତ୍ର ପ୍ରଦାନ କରାଯିବ ।

ଯୋଗାଯୋଗ :

ଇ-ମେଲ - pallabini@storymirror.com

ଫୋନ ନମ୍ବର - 8637256608

କୃତଜ୍ଞତା - ଏହି ପ୍ରତିଯୋଗିତାରେ ସାହାଯ୍ୟର ହାତ ବଢ଼େଇଥିବା ମୋ ଲେଖା ମୋ ଦୁନିଆ ସାହିତ୍ୟ ସଂସଦର ସମସ୍ତ ସଦସ୍ୟ ଓ ପରିଚାଳକ ଖୁସିରାମ ସାହୁ ମହୋଦୟଙ୍କୁ ଅଶେଷ ଧନ୍ୟବାଦ । ଏହା ବ୍ୟତୀତ ଚନ୍ଦ୍ରକାନ୍ତ ବିଶ୍ୱାଳ, ଭବାନୀ ଶଙ୍କର ନିଆଳ, ଭାରତୀ ରଥ, ଦୁର୍ଗାଶଙ୍କର ଦେ, ଅଜିତ କୁମାର ଭୋଇ, ସଂଗ୍ରାମ କେଶରୀ ସାମନ୍ତରାୟଙ୍କୁ ଆମ ପରିବାର ତରଫରୁ କୃତଜ୍ଞତା ଅର୍ପଣ କରୁଛୁ ।