ఆన్లైన్లో ప్రేమ జాడ

సినిమా ప్రపంచం అనే ఆన్లైన్ గ్రూప్ చాట్ లో డిస్కషన్ జరుగుతోంది. ఆ యాప్ లో ఎక్కువ మంది ఫాలోయర్స్ ఉన్న వివేక్ కొన్ని పాత సినిమాలకి సంబంధించిన ప్రశ్నలు అడుగుతున్నాడు.

అన్నిటికీ జ్యోత్స్న టక్కున జవాబు ఇస్తోంది. గ్రూప్ చాట్ ముగిసాక వివేక్ జ్యోత్స్న కు మెసేజ్ చేశాడు.

వివేక్ : హాయ్. మీతో మాట్లాడాలి అనిపించింది.

జ్యోత్స్న : దేని గురించి?

వివేక్ : అంటే..

జ్యోత్స్న : అడగండి ఇక. మీరెక్కడ ఉంటారు? స్కూలు, కాలేజీ, ఉద్యోగం..

వివేక్ : అంటే అన్నీ వద్దు కానీ.. కొన్ని చెప్పండి.. నాదైతే శారదా విద్యా మందిర్ స్కూల్ అండీ..

జ్యోత్స్న: కొంప తీసి నువ్వు D సెక్షన్ వివేక్ కాదు కదా..

వివేక్ : (కాస్త సిగ్గుతో) అవునండీ.. మీరు?

జ్యోత్స్న : గుర్తు పట్టు. ఈ పేరు ఒరిజినల్ కాదు కానీ.. నేనూ అదే స్కూల్. A section.. 

వివేక్ ఆ A సెక్షన్ లో అమ్మాయిల పేర్లు ఫేస్బుక్ గ్రూపులో చూసి చెప్తూ ఉన్నాడు.

జ్యోత్స్న కి తెలుసు తన చిన్ననాటి నేస్తం అతనే అని. మనసుకి దగ్గరై, ఇన్నాళ్ళూ మాటలకి దూరమైన అతణ్ణి నేరుగా కలవాలనే ఆమె పేరు చెప్పకుండా ఉంది.