ఉడుతలా..
ఉడుతలా..
చూసెనతను ఉడుతలను
వాటి పరుగులను
కళ్ళు కదుపుతూ
సవ్వడి వింటే చాలు
ఉరుకుల పరుగులు
మచ్చిక చేయ చెట్టెక్కబోయి
అవి చక్కిలిగింతలు పెడితే
నవ్వుతూ పట్టు సడలి
కింద పడబోయాడతను
ఇలా కాదని
వేరుసెనగ గింజలు కొన్ని
చెట్టు కింద ఉంచాడు
మెల్లిగా వచ్చి
ఉడుతలు వాటిని తింటూ
చుట్టూ తిరుగుతూ సందడి చేసాయి
అతని తల మీద ఎక్కి ఒకటి
చెవి లాగుతూ ఒకటి
అతను వాటిలా చెట్లు ఎక్కాలని
ప్రయత్నించడం మానలేదు
కాకపోతే ఈసారి
చెట్టుకు జాగ్రత్తగా తాడు కట్టి
నడుముకి కట్టుకున్నాడు
ఎక్కుతూ దిగుతూ
వాటితో పోటీ పడ్డాడు