పాఠశాల

మనచుట్టూ ప్రపంచమే చదువునేర్పు పాఠశాల 

మనసుపడిన రోగానికి మనఇల్లే వైద్యశాల 

క్రితంజన్మ అద్దానికి ఈజన్మే ప్రతిబింబం 

మంచిచెడులు మసలుతున్న మనబ్రతుకే కర్మశాల 

కనులుమూసి పాలుతాగు పిల్లిలాగ నడయాడకు

నువుచేసిన కర్మలతో నివశించే మర్మశాల 

ఆలుమగల అవగాహన కల్పించిన గృహసీమే

మంచిపనుల పుడకలతో కట్టుకున్న పర్ణశాల 

ప్రతిజీవీ పుట్టుకకూ అర్ధంవుండాలి "చల్లా"

పదుగురికీ పనికొచ్చే జీవితమే ధర్మశాల