జీవితం

 

 రానంది గడిచిన కాలం నేనెంత బ్రతిమాలినా!

పోనంది చేదు జ్ఞాపకం తరిమి తరిమి కొట్టినా!

ప్రాయం ఆగనంటూ ఉరకలు వేస్తుంది 

ఆశయాల సాధనలో ఆయువే ఆవిరయిపోతుంటే 

 బంధాలే బదులీయక బరువులవుతుంటే 

అభిమానం అంగట్లో అమ్ముడవుతుంటే 

అనురాగం అరువుకి అందివచ్చునా!

ఆప్యాయత వెచ్చిస్తే లభించునా!

 మమకారం మది అంతరాలలో 

మరుగున పడుతుంటే 

 కారుణ్యం కరువుకి కనుమరుగవుతుంటే 

 విలువలు వలువలు విడుస్తుంటే 

ఆనందం అందేనా.....

సంతోషం ఇంతేనా?