STORYMIRROR

Midhun babu

Classics Fantasy Others

4  

Midhun babu

Classics Fantasy Others

జీవితం అనుభవాలు

జీవితం అనుభవాలు

1 min
390



జీవన ప్రవాహంలో 

నలిగి నలిగి 

ఎన్ని మూర్చనలు పోయి 

ఆ నవ్వును సంతరించికుందో?

ఆ దేహం 


ఎడతెరిపి లేని 

కష్టాల జడివానకు అడ్డు నిలిచి

ఎన్ని ప్రాణాలకు 

ఆసరా అయిందో?

ఆ చిరునవ్వు


దుఃఖ తరంగాల వరిపిడికి 

గాయపడిన ఆ దేహాన్ని

చొక్కాలో దాచేసిన 

 మందహాసానికి తెలుసో లేదో 

అలసిన ఆ కన్నులతో పలికిస్తున్న

ప్రేమామృత పరిభాషలు 


మరలిపోయిన వసంతాలకు వెరవక

తరలివచ్చే శిశిరాలకు బెదరక 

>పాలిపోయిన ఆ పంటి మెరుపుకు 

తెలుసేమో? 

దాచేసిన కష్టాల కరచాలనాలు 


మాసిన గడ్డం మాటున దాచేసిన 

గాయాల సలపరింతలు 

అతను నిలబడిన 

ఆ నేలకు తెలుసేమో? 


 చీకటి మజిలీలను దాటి

 తీరం చేరిన ఆ జీవన నౌకకు

 తెలిసేమో? 

స్థితప్రజ్ఞతకు 

అతనో నిలువెత్తు రూపమని 

ఎన్నో అనుభవాలను నిక్షిప్తం చేసుకున్న 

నెరిసిన ఆ జుట్టుకు తెలుసేమో?

అనుభవాల ఆస్తిపరుడు అంటే ఇతనని

        


Rate this content
Log in

Similar telugu poem from Classics