హృదమేమి

చెలునకేమి ఇవ్వగలను..పడగ-లేని మనసుతప్ప..! 

హృదమేమి తెలుపగలను..వీడ-లేని సిగ్గుతప్ప..! 

వ్రాసుకోను విషయమేమి..దొరికేనట ప్రేమలోన.. 

వాదమేమి చేయగలను..దాచ-లేని ఉడుకుతప్ప..! 

ఆడుకోను చోటిచ్చిన..పుడమికెన్ని కృతజ్ఞతలొ.. 

గంధమేమి అలదగలను..మోయ-లేని ముద్దుతప్ప..!

మదినేలే దేవతయే..మాయమయ్యె కలలోలా.. 

లేఖలేమి వ్రాయగలను..పట్ట-లేని వలపుతప్ప..! 

ఒక తప్పని వెతుకులాట..బహుమతిగా దేనికటా.. 

అడుగులేమి వేయగలను..చూడ-లేని పరుగుతప్ప..! 

ఆశపడుతు మునిగితినే..పలురంగుల కడలిలోన.. 

చిత్రమేమి గీయగలను..విడిగ-లేని తెలుపుతప్ప..