అంగీకారం
అంగీకారం
మనసులు ముడి పడిన జంటల పెళ్ళికి
పెద్దల అంగీకారం కావాలి
పెద్దలు కుదిర్చిన పెళ్లికి
వధూవరుల అంగీకారం కావాలి.
బిడ్డను ఈ లోకంలోకి తీసుకు రావడానికి
తల్లి అంగీకారం కావాలి
రేపు ఆ తల్లిని చూచుటకు ఆ బిడ్డకు
వాడి భార్య అంగీకారం కావాలి
టీనేజి పిల్లలకు మొబైల్ ఫోన్ కొనడానికి
తల్లిదండ్రులు అంగీకారం కావాలి
వాళ్ల ఫోన్ చూడటానికి తల్లిదండ్రులకి
ఆ పిల్లల అంగీకారం కావాలి.
చివరికి ఆ దేవున్ని దర్శించుకోవడానికి
కూడా పూజారి అంగీకారం కావాలి
అంగీకారం లేకుండా చేసే ఏ పని అయినా
ఈ జగత్తులో విపత్తు సృష్టిస్తుంది.