ఐకమత్యం
ఐకమత్యం
కూర్చుకుంటే ఒకొక్క పదం అవుతుంది మహా గ్రంథం
ప్రతినిమిషం కలుపుకుంటే కాగలదు మహా యుగం
నాటుతూ పోతే ఒక్కొక్క చెట్టు ఏర్పడును మహారణ్యం
పేర్చుకుంటూపోతే ఇటుకపై ఇటుకను నిర్మించగలం పెద్ద భవనం
ఒడిసి పడితే ప్రతి నీటిబొట్టును కాగలదు మహా జలాశయం
కూడ పెడితే ఒక్కొక్క పైసా అదే కదా ధనాగారం
చేరవేస్తే ధాన్యపు గింజలను అవుంతదది ధాన్యాగారం
కలుపుకుంటే ఒక్కొక్క మనిషినీ అదే జనసంద్రం
కాదా ఐకమత్యం అన్నింటా కనపడేది మనకు,
అదే ఐకమత్యం అవసరం దేశ సమగ్రతకు
ముష్కరుల బారినుండి కాపాడుదాం దేశాన్ని
చొరబాటు దారులకు చెపుదాం తగిన బుద్ధిని
తరిమికొడదాం యత్నించేవారిని దేశనాశనానికి
చాటిచెపుదాం ఐకమత్యమే బలమని ప్రపంచానికి
ఏదైనా ఐకమత్యంతో సాధించగలమని నిరూపిద్దాం
ఒకేమాట, ఒకేబాటగా నిలిచి చాటుదాం మన ఐకమత్యం