முதல் வெற்றி குழுவாக

ஆலயம் உருவாக்கிய ஓர் அணி

அவ்வணியும் செய்தது ஆலயப்பணி 

குழுவாக குழுமிய நாட்கள் வாரத்தில் ஒன்று

அந்நாளும் விரைவாக நகரும் நேரத்தை வென்று

உரையாடலை விரும்புவோம் 

அவ்வப்போது வெறுப்போம்

அறிவுரைகள் வழங்குவோரால்

அறிவுரைகள் எங்களுக்கு புதிதல்ல

புதிதல்ல என்றாலும் கடைபிடிப்பது எளிதல்ல

எங்களின் எளிய எண்ணங்கள் அவ்வப்போது எடுபடாமல் போனதன் காரணம் 

அடக்குமுறையா 

அடக்குவது தான் முறையா 

அனைத்து நேரமும் ஆலயத்தில் இருக்க விரும்பும் மனமானது

திருப்பலியை மட்டும் தவிர்ப்பது தவறானது

ஆலயத்தின் உள்ளே இருந்து 

திருப்பலியில் பங்கெடுத்து

பக்தியில் தலை குனிந்து

பலர் முன் நிற்போம் தலை நிமிர்ந்து

முதல் போட்டியை எதிர்கொண்டோம்

இம்முறை ஆலயத்திற்கு வெளியே

வெளியே சென்றோம்

அனுபவத்தை கற்றோம்

இரண்டில் வென்றோம் 

இரண்டில் தோற்றோம் 

பயிற்சி போதாது என தேற்றினோம்

பயிற்சியே இல்லாததில் வென்றோம்

பலரால் பாராட்டப்பட்டோம்

பலம் போதவில்லை எங்களுக்கு

அனைத்து போட்டிகளிலும் வெல்வதற்கு 

வென்ற தருணம் வார்த்தையில் அடங்காது

வெட்டிக்கதையும் எங்களை விட்டு நீங்காது

இனிமேல் மாற எங்களால் இயலாது

மாற்ற நினைப்போரின் முயற்சிகளோ என்றும் அடங்காது

மாறுவோமா இல்லையா எங்களுக்கே தெரியாது

எதிர்கால இளைஞர்கள் அனைவரும் இப்போதே ஒன்றித்தால்

வரும் காலம் வரும் படை

வரலாற்றையே மாற்றும் அனைத்து பங்கிலும்

ஒன்றாய் இருங்கள்

நன்றாய் இருக்கும்

அவரவர்க்கு மட்டுமல்ல 

ஆலயத்திற்கும் 

முதல் வெற்றி குழுவாக

மகிழ்ந்தோம் அளவாக

தெரிந்தோம் புதிய பங்காக

தெளிந்தோம் ஓடை நீராக

தெரிவோமா கடின அணியாக

தெரிந்தாலே வெற்றி குழுவாக