ସଂସ୍କାର

ନୂଆ ବାହା ହୋଇ ଆସିଥିବା ବୋହୂ ସହ କଥା ହଉ ହଉ ଶାଶୁ ମାଆ କହିଲା..ଆଜି ମୋ ଗୋଡ ବହୁତ ବିନ୍ଧୁଚି ଟିକେ ମୋ ଗୋଡ ମୋଡି ଦେବୁ ବୋହୂ ।

ବୋହୂ:- ମୁଁ ସକାଳୁ କାମ କରି କରି ଥକି ଗଲିଣି । ମୁଁ ଯାଉଛି ଶୋଇ ବାକୁ । ମୋତେ ବହୁତ ନିଦ ଆସିଲାଣି ।

ସ୍ବାମୀ ଚିଲେଇକି କହିଲା ।

ସ୍ବାମୀ:- ପ୍ରିୟା......... ଏମିତି କଣ କହୁଚ ...

ଏତିକିରେ ଶାଶୁ ଆରମ୍ଭ କରିଦେଲା..

ଶାଶୁ:-ଚାରି ଦିନ ହେଲା ଘରକୁ ଆସିନୁ... ଆଉ ଏମିତି କଥା କହୁଛୁ..

ତୋ ବୋପା ମା କଣ ସଂସ୍କାର ବୋଲି ତୋତେ କିଛି ଶିଖେଇ ନାହାନ୍ତି ।

ନୁଆବୋହୁ (ପ୍ରିୟା):- ଶୁଣ ବୋଉ ତୁମେ ତ ସଂସ୍କାର ମାଗି ନଥିଲ ନା..??

ଶାଶୁ:- ତୁ କଣ କହିବାକୁ ଚାହୁଁଛୁ ।

ପ୍ରୀୟା:- ହଁ ବୋଉ , ତୁମେ ମାନେ ଯୌତୁକ ରେ ଟିଭି, ଫ୍ରିଜ଼, ଗୋଡ୍ରେଜ଼, ଏସି, ଟଙ୍କା, ସୁନା ଗହଣା, କଂସା ବାସନ, ଖଟ ପଲଙ୍କ ଠୁ ଆରମ୍ଭ କରି ଘରର ସବୁ ସାମାନ ମଗାଇଲ , କିନ୍ତୁ ସଂସ୍କାର ତ ଲେଖି ନଥିଲ ।

ଆଉ ଏ ସବୁ ଜିନିଷ ଯୋଗାଡ଼ କରିବାରେ ମୋ ବାପା ତାଙ୍କର ନିଜ ଘର ବନ୍ଧା ପକାଇ ଦେଲେ, ମୋ ମାଆ ସବୁ ଗହଣା ବିକ୍ରି କରି ଦେଲା ବାପା ର ଜଣେ ସାଙ୍ଗ କିଛି ଆର୍ଥିକ ସହାୟତା କଲେ ଆଉ ଭାଇ କିଛି ଟଙ୍କା bank ru loan ଆଣିଲା । ବାସ୍ ଏ ସବୁ ରେ ମୁଁ ବି ମୋ ସଂସ୍କାର ବିକି ଦେଲି ।