ଭିକାରୀ

ଝିଅକୁ ପ୍ରଥମ ଥର ପାଇଁ ମନ୍ଦିର ନେଇ ଯାଇଥିଲି l ମନ୍ଦିର ସାମ୍ନାରେ ମାଳ ମାଳ ଭିକାରୀ l ଝିଅ ମନରେ ଅଜସ୍ର ପ୍ରଶ୍ନ l

       : ଏମାନେ ସବୁ କିଏ ବାବା?

       : ଭିକାରୀ

       : ଭିକାରୀ ମାନେ?

       : ଯିଏ ମାଗେ l ଦିଅ ଦିଅ ବୋଲି ହାତ ପତାଏ l

       ଝିଅ ବୁଝିଗଲା ପରି ମୁଣ୍ଡ ହଲେଇଲା ଓ ମୋ ସହ ମନ୍ଦିର ଭିତରକୁ ଗଲା l

       : ତୁମେ ସେଠି ହାତ ଯୋଡି, ଆଖି ବୁଜି କଣ କରୁଥିଲ ବାବା?

       : ଭଗବାନଙ୍କୁ ଆମ ପାଇଁ ସୁଖ, ଶାନ୍ତି ମାଗୁଥିଲି l

       : ତାହେଲେ ତମେ ଜଣେ ଭିକାରୀ?

      ମନ୍ତବ୍ୟ ଦେଲା ଝିଅ l ଚୁପ୍ ହୋଇଗଲି ମୁଁ l