Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

ଓଡିଆ ଶିଶୁ ଗପ

Children

2  

ଓଡିଆ ଶିଶୁ ଗପ

Children

ଆକବର ବିରବଲ - ୭୯

ଆକବର ବିରବଲ - ୭୯

3 mins
7.3K


ଜାହାଁପନା, ଆପଣ ତ ପ୍ରଥମ ଚାନ୍ଦ! - ୨

ବିରବଲ ହସି ହସି କହିଲେ, ମୋ ମୁଖରେ ତ ସଦାସର୍ବଦା ସତ୍ୟ ପ୍ରକାଶ ପାଇଥାଏ । ଅପ୍ରିୟ କହି ସୁଖ ପାଇବାଠାରୁ ଦୁଃଖ ମଧ୍ୟ ମୋର ନିମନ୍ତେ ସୁଖପ୍ରଦ ହୋଇଥାଏ । ବାସ୍ତବ ବିଚାରରେ ଆପଣଙ୍କୁ ପୂର୍ଣ୍ଣିମାର ଚାନ୍ଦ ଓ ଆମ୍ଭ ସମ୍ରାଟଙ୍କୁ ଦ୍ୱିତୀୟାର ଚାନ୍ଦ ଭାବରେ ବର୍ଣ୍ଣନା କରୁଅଛି । ଯାହା ଜଗତରେ ସତ୍ୟ ତାହା ହିଁ ମୁଁ ଏଠାରେ ପ୍ରକାଶ କରୁଛି ।

ବିରବଲଙ୍କ ମୁଖରୁ ବାଦ୍ଶାହାର ଏପରି ପ୍ରଶଂସା ଶୁଣିବା ମାତ୍ରକେ ସେ ବହୁତ ଆନନ୍ଦରେ ବିରବଲଙ୍କୁ ପୁନଶ୍ଚ କିଛି ଉପହାର ଦେଇ ବିଦାୟ ଦେଲେ ।

ଏବେ ବିରବଲ ବହୁ ଧନରତ୍ନ ସହିତ ନିଜ ରାଜ୍ୟକୁ ଫେରିଗଲେ । ସେ ଫେରିବା ସମୟରେ ଅନେକ ଧନରତ୍ନ ଧରି ଫେରିଆସିଲେ । ତାହା ଦେଖନ୍ତେ ବିରବଲଙ୍କର ସ୍ତ୍ରୀ ତାଙ୍କୁ ପଚାରିଥିଲେ ଯେ ତୁମ୍ଭର ଏତେ ଗୁଡାଏ ଧନରତ୍ନ କେଉଁଠାରୁ ପାଇଲ ।

ବିରବଲ କହିଲେ – ତମେ କ’ଣ ଜାଣି ନାହଁ ଯେ ବେଳେବେଳେ ପଣ୍ଡିତମାନଙ୍କର ଭାଗ୍ୟରେ ଚନ୍ଦ୍ରଉଦୟ ହୋଇଥାନ୍ତି । ଠିକ୍ ତ ସେୟା ମୋ ଭାଗ୍ୟରେ ଜୁଟୁଥିଲା । ଏ ସମସ୍ତ ଧନରତ୍ନ କାବୁଲ୍ର ବାଦ୍ଶାହା ମୋତେ ପ୍ରଦାନ କରିଛନ୍ତି । କିନ୍ତୁ ଦେଖ ତୁମ୍ଭେ ଯେପରି ଏହି କଥାକୁ ଅନ୍ୟଠାରେ ପ୍ରକାଶ ନ କର ।

ବିରବଲ ଏହା ପରେ ଦିନେ ଦୁଇଦିନ ବେଶ୍ ଅଚିନ୍ତାରେ କଟାଇ ଦେଲେ । କଥାରେ ଅଛି, କୌଣସି ଗୋପନୀୟ କଥା ନିଜର ସ୍ତ୍ରୀଙ୍କ ନିକଟରେ ପ୍ରକାଶ କରିବା ପୁରୁଷଙ୍କ ଭଳି ମୂର୍ଖାମୀ ହୋଇଥାଏ । ଆସୁ ଆସୁ ତ ନିଜର ପୌରୁଷ ବିଷୟରେ ବିରବଲ ନିଜର ସ୍ତ୍ରୀଙ୍କ ନିକଟରେ ପ୍ରକାଶ କରି ଦେଇଛନ୍ତି । ସ୍ତ୍ରୀ ବି ଜାଣନ୍ତି ପୁରୁଷମାନଙ୍କ କଥାରେ ଏତେ ମାୟା ଏତେ କପଟ । ବିରବଲଙ୍କର ସ୍ତ୍ରୀ କିନ୍ତୁ ତାହା ପେଟରେ ପୂରାଇ ରଖିପାରିଲା ନାହିଁ । କଥା କ୍ରମଶଃ ସାହି ପଡିଶାର ସ୍ତ୍ରୀମାନଙ୍କ ପାଖରେ ପହଁଚିଗଲା । ଏହାଙ୍କ ମଧ୍ୟରେ ନବରତ୍ନ ପଣ୍ଡିତମାନଙ୍କ ସ୍ତ୍ରୀମାନେ ମଧ୍ୟ ଥିଲେ । ସେ ଯେତେବେଳେ ବିରବଲଙ୍କ ପ୍ରଶଂସାକୁ ହଜମ୍ କରି ପାରିଲେ ନାହିଁ, ସେମାନେ ନିଜ ନିଜ ସ୍ୱାମୀଙ୍କ ନିକଟରେ ପ୍ରକାଶ କରି ସେମାନେ ବିରବଲଙ୍କୁ ଉଚ୍ଚାସନ ଦେଇ ନିଜ ସ୍ୱାମୀମାନଙ୍କୁ ତିରସ୍କାର କଲେ ।

ବିରବଲଙ୍କୁ ଛାଡି ଅନ୍ୟ ଯେଉଁ ଆଠଜଣ ପଣ୍ଡିତ ଥିଲେ ସେମାନେ ମନେ ମନେ ଚିନ୍ତା କଲେ, ଯେ, ଏକଥାକୁ ସମ୍ରାଟ୍ ଆକବରଙ୍କ ନିକଟରେ ପ୍ରକାଶ କରି ଦେଲେ ବିରବଲଙ୍କୁ ସମ୍ରାଟ୍ ଏକ ଉଚିତ୍ ପାନେ ଦେବେ ।

ଏହାପରେ ଆଠଜଣଯାକ ପଣ୍ଡିତ ଏକାଠି ହୋଇ ସମ୍ରାଟଙ୍କ ନିକଟରେ ପହଁଚି ଅଭିଯୋଗ ଆଣିଲେ ଯେ, ଜାହାଁପନା! ଆପଣଙ୍କ ଅନ୍ନ ଖାଇ ଆପଣଙ୍କୁ ଯଦି ବାହାର ରାଜ୍ୟରେ ଛୋଟ କରି ଦେଉ ତାହା କ’ଣ ଆମର ନମକହାରାମି ହେଲା ନାହିଁ । ଦେଖନ୍ତୁ ଜାହାଁପନା ବିରବଲ ଆପଣଙ୍କ ନମକ ଖାଇ କିପରି କାବୁଲ୍ ରାଜ୍ୟର ସମ୍ରାଟଙ୍କ ସ୍ତୁତିଗାନ କରିଛନ୍ତି, ସେଥିଲାଗି ବିରବଲଙ୍କୁ କାବୁଲ୍ର ସମ୍ରାଟ ଅନେକ ଧନରତ୍ନ ଦେଇ ବିଦାୟ କରିଛନ୍ତି ।

ପଣ୍ଡିତମାନଙ୍କ ଅଭିଯୋଗ ଅବଶ୍ୟ ସମ୍ରାଟ୍ ଆକବରଙ୍କ ନିମନ୍ତେ ବିଶେଷ ଅପମାନ ସୂଚକ ଥିଲା । ସେ ତହୁଁ ରାଗି ଉଠି ପ୍ରଶ୍ନ କଲେ ବିରବଲ କ’ଣ କରିଅଛି?

ପଣ୍ଡିତମାନେ କହିଲେ କାବୁଲ୍ ସମ୍ରାଟଙ୍କର ସ୍ତୁତିଗାନ କରିବା ସମୟରେ ତାଙ୍କୁ ପୂର୍ଣ୍ଣିମାର ଚାନ୍ଦର ଉପମା ଦେବା ସମୟରେ ଆପଣଙ୍କୁ ଦ୍ୱିତୀୟାର ଚାନ୍ଦ ଭାବରେ ଉପମା ଦେଇ ଅଛନ୍ତି ।

ଆପଣ ତ ଜାଣନ୍ତି କାବୁଲ୍ର ସମ୍ରାଟ୍ ଆପଣଙ୍କୁ ଆଡ ଆଖିରେ ସମ୍ମାନ ଦେଇ ନ ଥାଆନ୍ତି, ଆପଣଙ୍କ ରାଜ୍ୟର ପଣ୍ଡିତ ଯେତେବେଳେ ତାଙ୍କୁ ଏପରି ଉପାଧିରେ ଭୂଷିତ କଲେ ତେଣୁ କାବୁଲ୍ ସମ୍ରାଟ୍ ତାଙ୍କୁ ବହୁ ଧନରତ୍ନ ଦେବାରେ ଅସୁବିଧା ଆଉ ରହିଲା କେଉଁଠାରେ ଜାହାଁପନା?

ଏଥର ସମ୍ରାଟ୍ ଆକବରଙ୍କ ରାଗ ଚରମ ସୀମାରେ ପହଁଚିଗଲା । ତହୁଁ କ୍ରୋଧିତ ହୋଇ ସମ୍ରାଟ୍ ଦୁଇ ଚାରିଜଣ ଦୂତକୁ ଡାକି ଆଦେଶ ଦେଲେ ଯେ ଯେତେ ଶୀଘ୍ର ପାରୁଛ ତୁମ୍ଭେମାନେ ବିରବଲଙ୍କୁ ଧରି ଆଣି ମୋ ନିକଟରେ ହାଜର କରାଅ ।

ସମ୍ରାଟଙ୍କ ଆଦେଶ ପାଇବା ମାତ୍ରେ ଦୂତମାନେ ଖୁବ୍ ବ୍ୟଗ୍ର ହୋଇ ବିରବଲଙ୍କ ନିକଟରେ ପହଁଚିଲେ । ସେମାନଙ୍କର ଆଗମନର କାରଣ ପଚାରନ୍ତେ ସେମାନେ କହିଲେ, ଆପଣଙ୍କ ଉପରେ ସମ୍ରାଟ୍ ଆଜି ଖୁବ୍ କ୍ରୋଧିତ । ଆପଣ ଯଥାଶୀଘ୍ର ଆମ୍ଭ ସଙ୍ଗରେ ଚାଲନ୍ତୁ । ତାହା ନ ହେଲେ ଆମେ ଆପଣଙ୍କୁ ପୁଣି ବଳପୂର୍ବକ ଏଠାରୁ ଘୋଷାରି ଘୋଷାରି ନେଇଯିବା ନିମନ୍ତେ ସମ୍ରାଟଙ୍କର ଆଦେଶ ହୋଇଛି ।

ଦୂତମାନଙ୍କଠାରୁ ପ୍ରକୃତ ଘଟଣା ଜାଣିବାକୁ ଯେତେ ଚେଷ୍ଟା କରୁଥିଲେ ମଧ୍ୟ ବିରବଲ ପ୍ରକୃତ ତଥ୍ୟ ସଂଗ୍ରହ କରିପାରି ନଥିଲେ, କିନ୍ତୁ ମନେ ମନେ ସେ ଜାଣି ପାରିଥିଲେ ଏସବୁ କାର୍ଯ୍ୟ ମୋ ବିରୁଦ୍ଧରେ ଥିବା ସମସ୍ତ ପଣ୍ଡିତମାନଙ୍କର ।


Rate this content
Log in

Similar oriya story from Children