Quotes New

Audio

Forum

Read

Contests


Write

Sign in
Wohoo!,
Dear user,
ଗଧ ଏବଂ ଧୋବାର କାହାଣୀ
ଗଧ ଏବଂ ଧୋବାର କାହାଣୀ
★★★★★

© ଓଡିଆ ଶିଶୁ ଗପ

Children

3 Minutes   7.6K    9


Content Ranking

ଅତି ପୁରା କାଳର କଥା । ଗୋଟିଏ ନଗରୀରେ ଶୁଦ୍ଧପଟ ନାମକ ଏକ ଧୋବା ବସ ବାସ କରୁଥିଲା । ଧୋବାଟି ଘରେ ଗୋଟିଏ ଗଧ ପାଳିଥାଏ । କିନ୍ତୁ ଗଧଟିକୁ ତା’ର ଆବଶ୍ୟକତା ଅନୁଯାୟୀ ଖାଦ୍ୟ ଯୋଗାଇ ପାରୁ ନଥାଏ । ଯାହାଫଳରେ ଗଧଟି ଦିନକୁ ଦିନ ଅତ୍ୟନ୍ତ ଦୁର୍ବଳ ହୋଇପଡିଲା । ଦିନେ ଶୁଦ୍ଧପଟ ଜଙ୍ଗଲ ମଧ୍ୟଦେଇ ଯିବା ସମୟରେ ଗୋଟିଏ ମଲା ବାଘ ଦେଖିଲା । ମନେମନେ ଏକ ଉପାୟ ଚିନ୍ତା କଲା । ସେ ଭାବିଲା ବର୍ତ୍ତମାନ ମୁଁ ଯଦି ଏହି ବାଘର ଦେହରୁ ଛାଲଟିକୁ ବାହାର କରି ନେଇପାରିବି ଓ ତାକୁ ନେଇ ଗଧର ପିଠି ଉପରେ ପକାଇ ଗଧକୁ ରାତିରେ ଶସ୍ୟ କ୍ଷେତରେ ଛାଡିଦେବି । ଲୋକମାନେ ଗଧକୁ ବାଘଭାବି କେହି ଆକ୍ରମଣ କରିବେ ନାହିଁ ।

ଶୁଦ୍ଧପଟ ସଂଗେ ସଂଗେ ନିଜର ଭାବନାକୁ କାର୍ଯ୍ୟରେ ପରିଣତ କରିଦେଲେ । ମୃତ ବାଘର ଛାଲକୁ ଆଣି ଏପରି ବାଗରେ ଗଧ ଉପରେ ପକାଇଲେ ଯେ ଗଧଟି ଗଧ ଭଳି ନଦିଶି ଏକ ବାଘ ପରି ଦେଖାଗଲା । ପ୍ରତ୍ୟେକ ଦିନ ରାତିରେ ଶୁଦ୍ଧପଟ ଗଧକୁ ନେଇ ଯବ କିଆରୀରେ ଛାଡିଦେଇ ଆସନ୍ତି ଏବଂ ସୂର୍ଯୋଦୟ ପୂର୍ବରୁ ଗଧକୁ ନେଇ ଆସନ୍ତି । ରାତିରେ ଶସ୍ୟ ଜଗିଥିବା ଜଗୁଆଳୀମାନେ ବାଘ ଭାବି କେହି ତା’ ନିକଟକୁ ଆସନ୍ତି ନାହିଁ । ଏହିପରି କିଛିଦିନ ଗଲା । ଗଧଟି ଦିନକୁ ଦିନ ମୋଟା ହେବାକୁ ଲାଗିଲା । ସବୁଦିନ ତ’ ସମାନ ସୁବିଧା ସୁଯୋଗ ଆସେନି । ‘ସତ’ କେତେଦିନ ବା ଲୁଚି ରହିବ? ଦିନେ ରାତିରେ କିଛି ଦୂରରେ ଏକ ମାଈ ଗଧ ବୋବାଉଥିବାର ଗଧଟି ଶୁଣିପାରିଲା । ସେ ସଂଗେ ସଂଗେ ମନଖୁସିରେ ବୋବାଇବା ଆରମ୍ଭ କରିଦେଲା । ଜଗୁଆଳୀମାନେ ସଂଗେ ସଂଗେ ଜାଣି ପାରିଲେ ଯେ, ଏହା ଏକ ଗଧ । ଶେଷରେ ଜଗୁଆଳୀମାନେ ଗଧକୁ ପିଟି ପିଟି ମାରି ପକାଇଲେ ।

କାହାଣୀଟି କହିସାରି ମାଙ୍କଡଟି କହିଲା, ‘ମୁଁ କ’ଣ କହୁଥିଲି । ଗଧଟି କିପରି ଛଦ୍ମବେଶୀ ବାଘ ରୂପ ଧାରଣ କରିଥିବାରୁ ଶେଷରେ ମୃତ୍ୟୁବରଣ କରିବା ହିଁ ସାର ହେଲା । ଠିକ୍ ଏହି ସମୟରେ ଜଣେ ଜଳ ଜୀବ ଆସି କୁମ୍ଭୀରକୁ କହିଲା, “ହେ କୁମ୍ଭୀର! ତୁମର ପତ୍ନୀ ଉପବାସରେ ତୁମକୁ ଅପେକ୍ଷା କରି ଶେଷରେ ମୃତ୍ୟୁବରଣ କଲେ” । ଏହା ଶୁଣି କୁମ୍ଭୀର ପ୍ରଥମେ ସ୍ତମ୍ଭୀଭୂତ ହୋଇଗଲା । ସ୍ତ୍ରୀର ଗୁଣ କୀର୍ତନ କରି କାନ୍ଦିବାକୁ ଲାଗିଲା । କୁମ୍ଭୀର କାନ୍ଦି କାନ୍ଦି କହୁଥାଏ, ଗୃହରେ ଗୃହିଣୀ ନଥିଲେ ସେ ଗୃହ ଗୃହ ନୁହେଁ, ଏକ ଅରଣ୍ୟ ସହିତ ସମାନ । ସାଙ୍ଗରେ ଯଦି ଗୃହିଣୀ ଥିବ, ଏକ ବୃକ୍ଷ ମୂଳରେ ବାସ କଲେ ମଧ୍ୟ ତାହା ଗୃହ ପରି ଲାଗିବ । ଯେଉଁ ଗୃହରେ ମଧୁର ବଚନ କହୁଥିବା ପତ୍ନୀ ନଥିବ ସେ ଗୃହ ଗୃହ ପରି ଲାଗିବ ନାହିଁ । ତେଣୁ ‘ହେ ବନ୍ଧୁ’! ତୁମେ ମୋତେ କ୍ଷମା କରିଦିଅ । ମୁଁ ପତ୍ନୀଙ୍କୁ ହରାଇଥିବାରୁ ମୁଁ ଅଗ୍ନିରେ ନିଜ ଦେହକୁ ଜାଳି ଆତ୍ମ ବିସର୍ଜନ କରିବାକୁ ସ୍ଥିର କରିଛି ।

କୁମ୍ଭୀରର କଥା ଶୁଣି ମାଙ୍କଡ ହସି ଉଠି କହିଲା, ରେ କୁମ୍ଭୀର! ତୁ ହେଉଛୁ ଏକ ମୂର୍ଖ । ମୁଁ ଠିକ୍ ଭାବରେ ଜାଣି ପାରୁଛି ତୁ ପତ୍ନୀର ଅଧୀନରେ ରହୁଥିବା ଏକ ପ୍ରାଣୀ । ମୁଁ ବର୍ତ୍ତମାନ ଅନୁଭବ କରୁଛି ତୁ କେଡେ ମାରାତ୍ମକ? ତୋର ପତ୍ନୀ ତୋରି ମାଧ୍ୟମରେ ଯାବତୀୟ କୁକାର୍ଯ୍ୟ କରାଉଥିଲା । ତେଣୁ ପତ୍ନୀର ବିୟାଗରେ ତୁ ଦୁଃଖ ନକରି ଆନନ୍ଦ ଉତ୍ସବରେ ମାତିବା ଉଚିତ୍ । ମାଙ୍କଡର କଥା ଶୁଣି କୁମ୍ଭୀର କହିଲା, ‘ବନ୍ଧୁ’! ତୁମେ ଯାହା କହୁଛ ତାହା ତ’ ଠିକ୍ । କିନ୍ତୁ ବର୍ତ୍ତମାନ ମୁଁ କରିବି କ’ଣ? ଦୁଇ ଦୁଇଟା ବିପଦ ଏକ ସଂଗେ ମୋର ଦମ୍ଭ ଭାଙ୍ଗି ଦେଇଛି । ପ୍ରଥମେ ମୁଁ ମୋର ପତ୍ନୀଙ୍କୁ ହରାଇଲି । ଦ୍ୱିତୀୟରେ ତୁମପରି ଜଣେ ବନ୍ଧୁଙ୍କର ବନ୍ଧୁତ୍ୱ ମଧ୍ୟ ହରାଇଲି । ତେଣୁ ଭାଗ୍ୟ ହିଁ ମୋ ପ୍ରତି ଶତ୍ରୁତା ଆଚରଣ କରୁଛି । ମାଙ୍କଡକୁ ଏହି କଥା କହିସାରି କୁମ୍ଭୀର ଏକ କାହାଣୀ କହିବାକୁ ଆରମ୍ଭ କଲା ।

ନଗରୀ ଶୁଦ୍ଧପଟ ଧୋବା

Rate the content


Originality
Flow
Language
Cover design

Comments

Post

Some text some message..