ପ୍ରଗତି
ପ୍ରଗତି
“ତୁ ଏମିତି ଚାକରାଣୀଙ୍କ ଭଳି କାହିଁକି ଖଟୁଛୁ କହିଲୁ? କେହି ଟିକେ ପ୍ରଶଂସା କରନ୍ତେ ଭଲା?”
ଆଲୋ ମାଆ ! ଚାକରାଣୀ ପରି ଖଟିଲେ ରାଜରାଣୀ କରି ରଖିବେ l ରାଣୀ ହେବି ବୋଲି କହିଲେ, ମୋଡିମାଡି ଫୋପାଡି ଦେବେ l
ଚମକି ପଡିଲି ମୁଁ l ସେହି ଏକା ପ୍ରଶ୍ନ l ସେହି ଏକା ଉତ୍ତର l କେବଳ ସ୍ଥାନ, କାଳ ଓ ପାତ୍ରରେ ଯାହା ପରିବର୍ତ୍ତନ l
ଏହି ପ୍ରଶ୍ନ ମୁଁ ପଚାଶ ବର୍ଷ ତଳେ ମୁଁ ପଚାରିଥିଲି ମୋ ବୋଉକୁ l ଆଉ ଆଜି ମୋ ନାତୁଣୀ ପଚାରୁଛି ମୋ ଝିଅକୁ l ମୋ ବୋଉ ପଚାଶ ବର୍ଷ ତଳେ ଯେଉଁ ଉତ୍ତର ଦେଇଥିଲା, ସେହି ଏକା ଉତ୍ତର ଦେଉଛି ଆଜି ମୋ ଝିଅ l ଅଥଚ ମୋ ବୋଉ ‘ଅ’ ଅକ୍ଷର ବିବର୍ଜିତ ଥିଲା ଓ ମୋ ଝିଅ ଗୋଟିଏ କଲେଜରେ ଲେକ୍ଚରର୍ l
ତେବେ ଆଜି ମୋ ମନରେ ପ୍ରଶ୍ନ, ସତରେ କଣ ନାରୀର ପ୍ରଗତି ହୋଇଛି ?