ଲାଜ କଥା
ଲାଜ କଥା
ଲାଜ କଥା...କହି ହୁଏନା ସବୁଠି, ପୁଣି ନକହି ରହି ହୁଏନି ସବୁବେଳେ । ଅହରହ ଦହଗଞ୍ଜ କରୁଥାଏ ଲାଜ କଥା । ଲୋଡା ପଡ଼ୁଥାଏ ମନକୁ ବୁଝିବା ପରି ସାଥି ଟିଏ । ଯାହା ଆଗରେ ଖୋଲି ଦେଇ ହେବ ହୃଦୟ ଝରକା । ଆକାଶରୁ ମେଘ ପରି ଝରିଯିବ କଥା..ନଥା.. ଅନୁଭବ..ଅନୁଭୂତି.. । ସର୍ତ୍ତ...ଶୁଣି ସାରିବା ପରେ ପ୍ରଘଟ କରିବନି...ନଚେତ ଲାଜ କଥା ଆଉ ଲାଜ କଥା ହୋଇ ରହିବନି । ଲାଜ ଭାରରେ ନଇଁ ଯାଇଥିବା ସୁକୁମାରୀ ନିରିମାଖିର ରାଣ । କାହାକୁ କହିବନି ଏକଥା... ବିଚାରି...କଣ ଭାବିବ ପୁଣି...ଏବେବି ତା'ର କଣ କମ ଲାଜକି...ହେଲେ ମନର ଲାଜ କଣ ବୁଝିବ ଏ ଦେହ...ଚାହିଁଲେ କଣ ବଦଳାଇ ହେବ ରାଜହଂସୀ ଚାଲି..ଖିଲଖିଲ ହସ...ମତୁଆଲା ଚାହାଁଣି...