କବିତା
କବିତା
ରାତି 12 ଟା ବାଜି ସାରିଥିଲା ,କବି ଫେସବୁକ ରେ କବିତା ପୋଷ୍ଟିଂ କରୁଥିଲେ | ହଠାତ ମେସେଞ୍ଜର ରେ ଆସିଲା ,ସାର ନମସ୍କାର ଆପଣକଂ କବିତା ଗୁଡିକ ମୋତେ ବହୁତ ଭଲ ଲାଗେ ମୁଁ ପ୍ରାୟ ପ୍ରତିଦିନ ପଢେ | କବି ପଚାରିଲେ ତମେ କିଏ , ସେପଟୁ ଉତ୍ତର ଆସିଲା , ସାର ମୁଁ କବିତା କହୁଛି |
କବିତା- ସାର ଆପଣଂକୁ କିଛି ପଚାରିବାର ଥିଲା ପଚାରି ପାରିବିକି ?
କବି- ହଁ ପଚାର
କବିତା - ସାର ଆପଣ ଏତେ ଦୁଃଖ ର କବିତା କାହିଁକି ଲେଖନ୍ତି ?
କବି- ମୁଁ ଟିକେ ଦୁଃଖ ରେ ଅଛି ,ତା ପରେ ଦୁଃଖର କବିତା ଲୋକମାନକଂ ହୃଦୟକୁ ବେଶୀ ଛୁଇଁ ଥାଏ |
କବିତା - ଦୁଃଖ ର କାରଣ କଣ ଜାଣି ପାରିବିକି ?
କବି- ମୁଁ ଏବେ ହସ୍ପିଟାଲରେ , ବୋଉ ଆଇସିୟୁ ରୁ ଆଜି ବାହାରକୁ ଆସିଲା , କୋମାରେ ଅଛି ଜାଣେନା କେବେ ଠିକ ହେବ | ଘରେ ବି ଟିକେ ପ୍ରୋବ୍ଲେମ ଅଛି |
କବିତା - ସାର ଆପଣ ହସ୍ପିଟାଲରେ ବସି କବିତା ଲେଖୁଛନ୍ତି ?
କବି- ହଁ , ଏ ଦୁଃଖ ର ସମୟ ଅତିବାହିତ କରିବାକୁ କବିତା ଲେଖେ ଓ ବୋଉ କୁ ଶୁଣାଏ | କେବେ ସିଏ ଶୁଣେ କେବେ ଶୁଣେନି | ସେ କଣ ବୁଝେ ମୁଁ ଜାଣେନି |
କବିତା - ସାର ଏତେ ଦୁଃଖରେ ବି ଆପଣ କବିତା ଲେଖି ପାରୁଛନ୍ତି ସେଇଟା ବଡ଼ କଥା | ମୁଁ ଆପଣ କୁଂ ଡିଷ୍ଟର୍ବ କରୁନିତ ?
କବି -ନା ,ହେଲେ ଏତେ ରାତି ଯାଏଁ ଚାହିଁ ରହିଛ କାହିଁ କି ?
କବିତା - ସେ ଆସି ନାହାନ୍ତି ସାର , ସେଥି ପାଇଁ ଆପଣ କଂ କବିତା ପଢ଼ୁଥିଲି ଓ ପୋଷ୍ଟ କରୁଥିଲି |ସାର ମୁଁ ଆପଙ୍କ କବିତାକୁ ବୋଲାଛି ,ଶୁଣିବେକି ?
କବି- ସତରେ ହଁ ପଠାଇ ଦିୟ |
କବିତା - ଏଇ ପଠାଇଦେଲି ସାର ଶୁଣିଲେ ?
ଟିକେ ପରେ
କବି-ଆରେ ତୁମେତ ବହୁତ ବଢିଆ ଗାଉଛ | ମୋ କବିତା ତୁମଠୁ ଶୁଣି ଲାଗିଲା ସେ ପଦ ଗୁଡିକ ଜୀବନ୍ୟାଶ ପାଇଯାଇଛନ୍ତି |ସତରେ ବହୁତ ଭଲ ଲାଗିଲା | ଆଉକିଛି କବିତା ଭଲ ଲାଗିଲେ ଗାଇବ ଓ ମୋ ପାଖକୁ ପଠାଇବ | ମୋ କଥା ରଖିବ କବିତା |
କବିତା - ସାର ଆପଣ କୁଂ ଭଲ ଲାଗିଲା ଶୁଣି ମୁଁ ବହୁତ ଖୁସି | ଏତେ ଦୁଃଖରେ ଆପଣକଂ ମନରେ ଟିକେ ଖୁସି ଆସିଛି ଶୁଣି ଭଲ ଲାଗିଲା ସାର | ମେର ଟେଲିଫୋନ ନମ୍ବର ତା ଦେଉଛି କେବେବି ଚାହିଁଲେ କଥା ହୋଇପାରିବେ |
କବି - ଧନ୍ୟବାଦ କବିତା ମୁଁ ତୁମ ପାଖରେ ରୁଣି ରହିଲି | କବିତା ଓ କଥା ବି କାହାର ଆଖିରୁ ଲୁହ ପୋଛିଦେଇପାରେ ମୁଁ ଆଜି ଜାଣିଲି |
କବିତା- ସେଇଟା ବି ସାର ମୁଁ ଆପଣ କଂ କବିତା ପଢି ଶିଖିଛି | କେମିତି ଭଲ କବିତା ଲେଖିପାରିବି ମତେ ଟିକେ ଶିଖାଇବେ ସାର |
କବି- କବିତା ରେ ଟିକେ ଇମୋସନ ଦେଇ ଲେଖିବ , ପଦ ଛିଡ଼ିଲେ ବହୁତ ଭଲ | ନିଜେ ଦି ତିନିଥର ପଢି ଠିକ କରିବ ,ନହେଲେ ମୋ ଟେ ଦେବ ମୁଁ ଠିକ କରିଦେବି |
କବିତା -ସବୁ ଆପଣକଂ ଆଶିର୍ବାଦ ସାର ଇଏ ବୋଧେ ଆସିଲେଣି ମୁଁ ଫେସବୁକ ବନ୍ଦ କରୁଛି ନମସ୍କାର ସାର |