Quotes New

Audio

Forum

Read

Contests

Language


Write

Sign in
Wohoo!,
Dear user,
ମାର୍ଗ ଦର୍ଶିକା
ମାର୍ଗ ଦର୍ଶିକା
★★★★★

© Kumari Sagarika

Inspirational

2 Minutes   13.6K    4


Content Ranking

ମାର୍ଗ ଦର୍ଶିକା

ଜିନିଷଟେ ଭାଙ୍ଗି ଦେବା ବହୁତ ସହଜ l କିନ୍ତୁ ଗଢିବା ବହୁତ କଷ୍ଟ l ଅଥଚ ମଣିଷ ଏହି କଥାକୁ ବିଶ୍ୱାସ କରିପାରେ ନାହିଁ l ରିୟୁଷା ଏହି କଥାଟିକୁ ପ୍ରଥମେ ବୁଝି ପାରୁ ନ ଥିଲା l

          ହରିପୁର ଗ୍ରାମର ଉଚ୍ଚ ପ୍ରାଥମିକ ବିଦ୍ୟାଳୟରେ ଶିକ୍ଷୟିତ୍ରୀ ଭାବେ ଚାକିରି କରୁଥିଲା ରିୟୁଷା l ଦେଢ ମାସର ଛୁଆଟିକୁ ନେଇ ଶାଶୁଙ୍କ ସହ ସେଠାରେ ରହୁଥିଲା ସିଏ l ତାକୁ ଦେଖିଲେ ଲାଗେ ଯେମିତି ଅନେକ ଦୁଶ୍ଚିନ୍ତା ଦେଇ ଗତି କରୁଛି ସିଏ l ଦିନେ ତାକୁ ତାର କାରଣ ପଚାରିଲି l

          ସେ କହିଲା ଯାହାର ଶାଶୁଘର ଭଲ ନୁହନ୍ତି ଏବଂ ଯାହା ପାଇଁ ଘରର ସହଯୋଗ ନ ଥାଏ, ତାର ଜୀବନ ମୂଲ୍ୟହୀନ l

          : ତୋ ଶାଶୁ ତ ବହୁତ ଭଲ, ତେବେ ଅସୁବିଧା କେଉଁଠି ? ମୁଁ ତାକୁ ପଚାରିଲି l

          ସେ ଗମ୍ଭୀର ଭାବରେ କହିଲା, ସମ୍ପତ୍ତି ପାଇଁ ତା ବର ତାକୁ ବାହା ହୋଇଛନ୍ତି l

          କୌଣସି କାରଣରୁ ଆମେ ସେ ଦିନ ଆଉ କଥା ହୋଇ ପାରି ନ ଥିଲୁ l ତା ପରେ ଛୁଟି ଓ ଛୁଟିରେ ହିଁ ମୋର ବଦଳି ହୋଇଯାଇଥିଲା l ଦୀର୍ଘ ଦୁଇ ବର୍ଷ ପରେ ଗୋଟିଏ ଭୋଜିରେ ଦେଖା ହେଲା ତା ସହିତ l ତାକୁ ମୁଁ ଚିହ୍ନି ପାରିଲି ନାହିଁ l ମୋଟାମୋଟି ହୋଇ ବେଶ୍ ସୁନ୍ଦର ଦେଖା ଯାଉଥିଲା ସିଏ l ମୁହଁରେ ହସ ଫୁଟୁଥିଲା l ତାର ଭଲ ମନ୍ଦ ବୁଝିଲି l

          : ମୋର ସବୁ ଧାରଣା ଭୁଲ ଥିଲା l ସେ କହିଲା ମୋତେ l

          : ଭୁଲ ଧାରଣା ସବୁ କେମିତି ଦୂର ହେଲା, ସେ ସବୁ ଅନେକ କଥା l ତା ବର ତା ବୋଉକୁ ତା ସହ କଥା ହେବା ପାଇଁ କହିଥିଲେ l ବୋଉ କେବଳ ତା ସହ କଥା ହେବା ପାଇଁ ହରିପୁର ଆସିଥିଲା l କଥା ହେବା ସମୟରେ ବୋଉ ଜାଣିପାରିଥିଲା ଯେ କିଛି ସମ୍ପର୍କୀୟ ତା ମୁଣ୍ଡକୁ ବିଷାକ୍ତ କରି ଦେଇଛନ୍ତି l

          : ତୋତେ କିଏ କିଛି କୁ କଥା କହୁଛନ୍ତି କି? କିଏ ଶାରୀରିକ ଯନ୍ତ୍ରଣା ଦେଉଛନ୍ତି କି ? ଏପରି ଅନେକ ପ୍ରଶ୍ନ ପଚାରିଥିଲା ବୋଉ ରିୟୁଷାକୁ ଏବଂ ସବୁ ପ୍ରଶ୍ନର ଉତ୍ତର ଥିଲା ନାସ୍ତି ବାଚକ l

          ବୋଉର ଶେଷ ପ୍ରଶ୍ନ ଥିଲା ତେବେ ତୋର ଦୁଶ୍ଚିନ୍ତା ଓ ଦେହ ଖରାପର କାରଣ କଣ?

          ରିୟୁଷା କାନ୍ଦି ପକେଇଥିଲା l ସେ କହିଥିଲା, ଆମେ ଠକି ଯାଇଛେ l ସେମାନେ ଖାଲି ମୋତେ ମୋ ପଇସା ପାଇଁ ସେ ଘରର ବୋହୁ କରି ନେଇଛନ୍ତି l

          : କଣ କହିଲୁ ? ତୋ ପଇସା ପାଇଁ ? ତୋର ଏମିତି କେତେ ପଇସା ଅଛି କି? କଠୋର କଣ୍ଠରେ ପଚାରିଲା ବୋଉ l

          : ତୁମେ ବାହାଘର ବେଳେ ମୋତେ ଯେଉଁ ଟଙ୍କା ଦେଇଥିଲ …….ମୁଁ  ବୋଉର ପ୍ରଶ୍ନର ଉତ୍ତର ଦେଇ କହିଲି l

          : ସେ ଟଙ୍କା ତୋତେ ନୁହେଁ , ତୋ ଶାଶୁଘରକୁ ହିଁ ଦିଆଯାଇଛି l ସେଥିରେ ତୋର କିଛି ଅଧିକାର
ନାହିଁ l ଏପରିକି ତୋ ରୋଜଗାର ବି ତୋର ନୁହେଁ l ସବୁବେଳେ ଭଲ ଚିନ୍ତା କରେ l ତୁ ଜଣେ ଶିକ୍ଷୟିତ୍ରୀ l ତୁ ଯଦି ତୋର ଚିନ୍ତା ଧାର ଏପରି ରଖିବୁ, ପିଲାମାନଙ୍କୁ କଣ ଶିକ୍ଷା ଦେବୁ ?

          ବୋଉର ଏତିକି କଥା ମୋର ଜୀବନର ଗତିପଥ ବଦଳେଇ ଦେଇଛି l ବର୍ତ୍ତମାନ ମୁଁ ଭାବୁଛି ମୋ ଠାରୁ ସୁଖୀ ଆଉ କେହି ନାହିଁ l

          ରିୟୁଷାର କଥା ଶୁଣି ମୋତେ ବି ଖୁସି ଖୁସି ଲାଗିଲା l ମନରେ ଖୁସି ଭରି ମୁଁ ବିଦାୟ ନେଲ ତା ଠାରୁ, ଆଉ ଭାବୁଥିଲି, ସବୁ ବୋଉମାନେ ଏମିତି ହୁଅନ୍ତେ କି?

ମାର୍ଗ ଦର୍ଶିକା

Rate the content


Originality
Flow
Language
Cover design

Comments

Post

Some text some message..