ଫେରାର ଫଗୁଣ

ଚାରିଆଡେ ସମୁଦ୍ରର ଚିତ୍କାର । ଉପରେ ଅର୍ଦ୍ଧ ଚକ୍ରର ଶାଳୀନତା । ପଛରେ କାଁଭାଁ ଲୋକଙ୍କର ଫୁସୁରୁ ଫୁସୁରୁ କଥା । ପାଖରେ ସ୍ମୃତିର କେତେକ ଜୀବନ୍ତ ଚରିତ୍ର ଘୂରି ବୁଲୁଥାଏ । ବାଲୁକା ଶିଳ୍ପର ପ୍ରତ୍ୟକଟି କଳାର ମାଧୁର୍ଯ୍ୟ କଥା କହୁଥାନ୍ତି । ତୁ ତୋର କ୍ୟାନନ ଡି 60 କ୍ୟାମେରାରେ ଫଟୋ ଉଠାଉଥାଊ । ହେଲେ ତୋ ଆଜନତାରେ ମୁଁ ବ ଗୋଟେ ଫଟୋ ଉଠାଇଥିଲି , ଯାହା ଆଜି ଯାଏ ମୋ ପାଖରେ ଅଛି ।

ପ୍ରତି ବର୍ଷ ତୋ ସ୍ମୃତିରେ ଅସରାଏ ରଙ୍ଗ ବୋଲି ହୁଏ । ତୁ ତ କହିଥିଲୁ ଯେବେ ତୋ କଥା ମାନେ ପଡିବ , ଆଖି ବନ୍ଦ କରି ଏକ ଦୀର୍ଘ ନିଶ୍ଵାସ ନେବାପାଇଁ । ଚାରିଆଡେ ଆଜି ରଙ୍ଗର ମହୋତ୍ସବ । ଫଗୁଣର ଫଗୁରେ ସମସ୍ତେ ରଙ୍ଗୀନ । ପ୍ରେମରେ ତୁ ବି ରଙ୍ଗ ବୋଲିହେଇଥିବୁ ଦୁନିଆରା କୌଣସି କୋଣରେ । ହେଲେ ମୁଁ ...।

ତୋ ଆଖିରେ ଥିଲା ଅନେକ ଅକୁହା କଥା । ତୋ କୋଳରେ ମୁଣ୍ଡ ରଖି ମୁ ଶୋଇଥିଲି । ଆଉ ତୁ ମୋ ମୁଣ୍ଡକୁ ଆଉଁସିଷି ଆଉଁଷି ଗେଲ କରୁଥିଲୁ । ମୋ ଅଜାଣତରେ ସେଦିନ ତୋ କୋଳରେ ବହୁତ ସମୟ ସୋଇପଡିଥିଲି । ହୁଏତ ଏମିତି ନିଶ୍ଚିନ୍ତ ନିଦରେ କୋଉଦିନ ସୋଇନଥିଲି । ତୁ ସେଦିନ କାନହିଥିଲୁ ମୋ ଉଠିବ ଯାଏ । ସେଦିନ ଆମେ ବହୁତସାର ଗପିଥିଲେ । ତୋ ଆଖି ଭିତରେ ନାଚି ଉଠୁଥିଲା ଆମ ପୁରୁଣା କଥା । ତୁ ହିଁ ତ ମୋତେ ଲେଖିବାକୁ ପ୍ରେରଣା ଦେଇଛୁ । ତୁ ମୋର ଅନେକ ଲେଖା ପଢିଛୁ । ହୁଏତ ସେଇ ଲେଖା ଭିତରେ ଅନେକଠାରେ ନିଜକୁ ଖିଜିଛୁ , ତୁ ନକହିଲେ ବି ମୁ ଅତି ସହଜରେ ଠଉରେଇ ପରେ । ସେ ହାସରେ ଭାରି ରହିଥିଲା ତୋ ଅଛପା ବଯସର ଦୁଷ୍ଟାମି , ଯାହା ଦେଖି ମୁ ତୋତେ ଭଲପାଇବା ଆରମ୍ଭ କରିଥିଲି । ତୋ ଓଠରେ ଥିଲା ଏକ ନିୟାରା ମାଦକତା, ଯାହା ମୋତେ ସବୁବେଳେ ଲାଞ୍ଛିତ କରେ । ତଥାପି ବହୁତ ଦୂରରେ ଥାଇବି ସେହି ପ୍ରତି ମୁହୂର୍ତର ଛବିଗୁଡକୁ ସହଜରେ ହଜମ କରିପାରୁନି । ସେହି ଫଗୁଣ ଆଉ ଏଇ ଫଗୁଣ ଭିତରେ ଅନେକ ତଫାତ । ସିଏ ତ କେବେଠାରୁ ପଳାତକ ଘୋଷିତ ହୋଇସାରିଛି । ଆଉ ଇଏ ତ ସେଲଫିଶ ଟା ..।

ସମ୍ପର୍କ ଅମୂଲ୍ୟ ଚିଜଟିଏ । କେବେ କେବେ ନରହିଲେ ବି ସ୍ମୃତିରେ ମସଗୁଲ ହୋଇ ଲେଉଟି ଆସେ ଆଉ .... ପୁଣିଥରେ ସତେଜ କରିଦିଏ ସେ ପୁରୁଣା ସ୍ମୃତିକୁ …. ଧଡସକିନା ନିଦ ଭଙ୍ଗୀଳ ଆଉ ମନେପଡିଗଲା ତନୟା !!!