Quotes New

Audio

Forum

Read

Contests


Write

Sign in
Wohoo!,
Dear user,
ଏ ନବଘନର ହସ
ଏ ନବଘନର ହସ
★★★★★

© Sachidananda Kar

Inspirational

2 Minutes   516    42


Content Ranking

ଝିଅ ପାଇଁ ବର ଖୋଜୁଥିଲା ନବଘନ।

ମଧ୍ୟଵିତ୍ତ ଘର।ପିଲାଟି ଚାକିରୀ କରୁଥିବ।ଜାତକ ପଡୁଥିବ।ଡିମାଣ୍ଡ୍ ଏକ ଲକ୍ଷରୁ ଅଧିକ ହୋଇନଥିବ।

ଇଏ ଥିଲା ନବଘନର ମନ କଥା।

ଦିନେ ସକାଳୁ ମଧ୍ୟସ୍ଥ ଗୋଟିଏ ପ୍ରସ୍ତାବ ଧରି ପହଞ୍ଚିଲା। କହିଲା - ' ଜାତକ ପଡୁଛି।ପିଲା ଚାକିରୀ କରିଛି।ଡିମାଣ୍ଡ୍ ନାହିଁ।ତୁମେ ରାଜି ହେଲେ ସେଇଠି ଝିଅର ବାହାଘର ହେବ। '

ନବଘନ କହିଲା - ' ତେବେ ତୁମେ ସେମାନଙ୍କୁ ଆସି ଝିଅ ଦେଖିବାକୁ କୁହ। '

ଏହାପରେ ଝିଅ ଦେଖା ପାଇଁ ଦିନ ସ୍ଥିର ହେଲା।

ସେମାନେ ଝିଅ ଦେଖିବା ପାଇଁ ଆସିଲେ।ଝିଅ ଦେଖିଲେ।ପସନ୍ଦ କଲେ।

ମଧ୍ୟସ୍ଥକୁ ଘର ଭିତରକୁ ଡାକି ନବଘନ କହିଲା - ' ଡିମାଣ୍ଡ୍ ନାହିଁ ବୋଲି କହିଲେ ହେବ ନାହିଁ।ସେମାନଙ୍କ ଇଚ୍ଛା ବୁଝିନେବାକୁ ହେବ।ତୁମେ ତ ଜାଣ ମୁଁ ଏକ ଲକ୍ଷରୁ ଅଧିକ ଦେଇ ପାରିବିନି। '

- ' ବ୍ୟସ୍ତ ହୁଅନି।ମୋ ମଧ୍ୟସ୍ଥିଆ ବୁଦ୍ଧିରେ ମୁଁ ତାହା ବୁଝିବାକୁ ଚେଷ୍ଟା କରୁଛି। ' ମଧ୍ୟସ୍ଥି କହିଲା।

ଏହାପରେ ସମସ୍ତେ ଏକାଠି ବସିଲେ।ମଧ୍ୟସ୍ଥି ବରପିତାଙ୍କୁ କହିଲା - ' ଡିମାଣ୍ଡ୍ କଥାଟା ପରିଷ୍କାର କହିବାକୁ ହେବ। '

ବରପିତା କହିଲେ - ' ପ୍ରକୃତରେ ଆମର ଡିମାଣ୍ଡ୍ କିଛି ନାହିଁ।ଆଜିକାଲି ବିନା ଡିମାଣ୍ଡରେ ବହୁତ କିଛି ମିଳୁଛି। '

ମଧ୍ୟସ୍ଥି ହସିଦେଇ କହିଲା - ' ବର୍ଷେ ତଳେ ଗୋଟିଏ ଝିଅର ବାହାଘର କରିଥିଲି।ବିନା ଡିମାଣ୍ଡରେ ହୋଇଥିଲା।ସାତପୁରୁଷକୁ ବନ୍ଧୁ ବାନ୍ଧିବା ନିଶାରେ କନ୍ୟାପିତା ଜମିବାଡି ବନ୍ଧା ପକାଇ ସବୁ ଦେଇଥିଲେ।ଛଅ ମାସ ପରେ ଖବର ମିଳିଲା ଝିଅଟିକୁ ଯୌତୁକ ଲୋଭରେ ସେମାନେ ପୋଡ଼ି ମାରି ଦେଇଛନ୍ତି । ତେଣୁ କହୁଥିଲି କଥାଟା ପରିଷ୍କାର ହୋଇଯିବା ଭଲ। '

ଏହାପରେ ବରପିତା ବରମାତାଙ୍କ ସହିତ କିଛି ସମୟ କ'ଣ ଚୁପ୍ ଚୁପ୍ କଥା ହେଲେ।ପରେ କହିଲେ - ' ତିନି ଲକ୍ଷ ଦେଲେ ହୋଇଯିବ।'

ମଧ୍ୟସ୍ଥିର କଥା ଶୁଣିବାବେଳୁ ନବଘନ ତିନି ପାଦ ପଛକୁ ଘୁଞ୍ଚି ଆସିଥିଲା।ଏବେ ବରପିତାଙ୍କ କଥା ଶୁଣି ତା'ର ମୁଣ୍ଡଟା ଗରମ ହୋଇଗଲା।ତଥାପି ସେ ମଧ୍ୟସ୍ଥକୁ ଭଦ୍ର ଭାବରେ କହିଲା - ' ଏତେ ଛୋଟ ଘରେ ତ ମୁଁ ବନ୍ଧୁ ବାନ୍ଧି ପାରିବିନି ମଧ୍ୟସ୍ଥିଏ ।ଯାହାର ଡିମାଣ୍ଡ୍ ଅତି କମ୍ ପାଞ୍ଚ ଲକ୍ଷ ଥିବ,ମୋର ସେଭଳି ଘର ଦରକାର।ନା, ନା, ଏଠି କେବେ ବି ହୋଇ ପାରିବନି। '

ଏହାପରେ ବରପିତା ପୁଣି ବରମାତାଙ୍କ ସହିତ କିଛି କଥାବାର୍ତ୍ତା ହେବା ଦେଖିବାକୁ ମିଳିଥିଲା।

ପରେ ବରପିତା କହିଲେ - ' ତେବେ ପାଞ୍ଚ ଲକ୍ଷ ଦିଅନ୍ତୁ।ଆମେ କେବଳ ଆପଣଙ୍କ ପରିସ୍ଥିତି ଦେଖି ତିନି ଲକ୍ଷ କହିଥିଲୁ।ତା' ସହିତ ଯଦି ଗାଡିଟିଏ ଦେଇପାରିବେ ବହୁତ ଭଲ। ' ନବଘନ ଅଳ୍ପ ହସିଲା।

ଏ ନବଘନର ହସ।

କେତେ ତା'ର ମୂଲ୍ୟ ?

ଏକ ଲକ୍ଷରୁ କମ୍ ନୁହେଁ ନିଶ୍ଚୟ ! ! !

ନବଘନ ଝିଅ ଦେଖା ଡିମାଣ୍ଡ୍

Rate the content


Originality
Flow
Language
Cover design

Comments

Post

Some text some message..