Quotes New

Audio

Forum

Read

Contests


Write

Sign in
Wohoo!,
Dear user,
ଘଂଟି ବନ୍ଧା ଓଟ କଥା
ଘଂଟି ବନ୍ଧା ଓଟ କଥା
★★★★★

© ଓଡିଆ ଶିଶୁ ଗପ

Children

3 Minutes   7.3K    16


Content Ranking

ପ୍ରାଚୀନ କାଳର କଥା । ଗୋଟିଏ ନଗରୀରେ ଉଜ୍ଜଳକ ନାମକ ଏକ ବଢେଇ ବସବାସ କରୁଥାଆନ୍ତି । ସେ ବହୁତ ଗରୀବ ଥାଏ । ଯେତେ ଯାହା ରୋଜଗାର କଲେ ମଧ୍ୟ ତାକୁ ଅଂଟେ ନାହିଁ । ସହରରେ ସମସ୍ତେ ବିରାଟ ବିରାଟ ପ୍ରାସାଦ ନିର୍ମାଣ କରି ଅୟସରେ ଜୀବନ ବିତାଉଥିବାବେଳେ ଗରୀବ ବଢେଇଟି ବିଚରା ତା’ର ଛୋଟିଆ ଘରଟିରେ ରହୁଥାଏ । ଦିନେ ବଢେଇଟି ଠିକ୍ କଲା ତା’ର ପରିବାରକୁ ସାଥିରେ ନେଇ ଅନ୍ୟ ଏକ ସହରକୁ ଚାଲିଯିବ । ଏହା ଭାବି ସଂଗେ ସଂଗେ ଅନ୍ୟ ଏକ ସହର ଅଭିମୁଖେ ଯାତ୍ରା ଆରମ୍ଭ କଲା । ବାଟରେ ଯିବା ସମୟରେ ଏକ ଘଂଚ ଜଙ୍ଗଲ ପଡିଲା । ଜଙ୍ଗଲ ମଧ୍ୟରେ ସେ ଦେଖିଲା ଏକ ମାଈ ଓଟ ଓ ତା’ର ଛୁଆ ବାଟବଣା ହୋଇ ବୁଲୁଛନ୍ତି । ଓଟ ଏବଂ ଓଟଛୁଆକୁ ଦେଖି ସେ ଆଉ ଆଗକୁ ନଯାଇ ସେମାନଙ୍କୁ ଧରିଆଣି ଘରେ ପାଳିଲା । ଓଟକୁ ନିତି ଡାଳପତ୍ର ଆଣି ଖାଇବାକୁ ଦିଏ । ଓଟର କ୍ଷୀର ବିକ୍ରୀ କରି ସେ ଦି ପଇସା ରୋଜଗାର କଲା । କିଛି ଦିନ ପରେ ସେ ବଢେଇ କାମ ମଧ୍ୟ ଛାଡିଦେଲା । ବହୁତ ଓଟ ଆଣି ଘରେ ପାଳି ଏକ ବ୍ୟବସାୟ ଆରମ୍ଭ କରିଦେଲା ।

ଦିନେ ସେ ତାର ପତ୍ନୀକୁ ପାଖକୁ ଡାକି କହିଲା, ଏଇ ଓଟ ବ୍ୟବସାୟ ଅତ୍ୟନ୍ତ ଲାଭଜନକ ବ୍ୟବସାୟ । ଓଟ ଦୁଗ୍ଧ ବିକ୍ରିକରିବାରୁ ମୋ ପାଖରେ ଦିନକୁ ଦିନ ମୋର ରୋଜଗାର ବଢୁଛି । ତେଣୁ ମୁଁ ଆଉ କିଛି ଅଧିକ ପଇସା ହେଲେ ରାଜସ୍ଥାନ ଯାଇ ଆହୁରି ଓଟ ଆଣିବି । ଦିନ ପରେ ଦିନ ଗଡି ଚାଲିଲା । ଓଟ ମାନଙ୍କର ସଂଖ୍ୟା ମଧ୍ୟ ଦିନକୁ ଦିନ ବଢିବାକୁ ଲାଗିଲା । ଶେଷରେ ଏକାକୀ ଉଜ୍ଜଳକ ଓଟ ମାନଙ୍କର ଯତ୍ନନେଇ ନପାରିବାରୁ ଏକ ଚାକର ରଖିବାକୁ ବାଧ୍ୟ ହେଲେ । ପ୍ରତିଦିନ ସକାଳେ ଓଟ ଗୁଡିକୁ ନେଇ ଲୋକଟି ନିକଟସ୍ଥ ଜଙ୍ଗଲକୁ ଚରାଇବାକୁ ନିଏ । ଓଟ ଗୁଡିକ ଦିନସାରା ମନଭରି ଖାଦ୍ୟ ଖାଇବା ପରେ ସନ୍ଧ୍ୟା ହେଲେ ଗୃହକୁ ଫେରନ୍ତି ।

ଓଟମାନଙ୍କ ମଧ୍ୟରେ ଥିବା ଛୁଆଟି ଧୀରେ ଧୀରେ ବଡ ହେବାକୁ ଲାଗିଲା । ବଢେଇଟି ସେହି ଛୁଆଟିକୁ ଖୁବ୍ ଆଦର ଯତ୍ନରେ ପାଳିଥାଏ । ଦିନେ ବଢେଇଟି ତା’ର ବେକରେ ଏକ ଘଂଟି ବାନ୍ଧିଦେଲା । ଓଟ ଛୁଆଟି ଯିବା ଆସିବା କରିବା ମାତ୍ରକେ ଘଂଟି ବାଜିଉଠେ । ଏହି ଘଂଟି ଶବ୍ଦ ଶୁଣି ଓଟ ଛୁଆର ମନ କୁଣ୍ଢେମୋଟ । ତେଣୁ ସେ ନିଜ ଦଳରେ ନରହି ଜଙ୍ଗଲଯାକ ନିର୍ଭୟରେ ଚରାବୁଲା କରୁଥାଏ ।

ସନ୍ଧ୍ୟା ହେଲେ ସବୁ ଓଟ ଫେରିଆସନ୍ତି । କିନ୍ତୁ ସେ ସେମାନଙ୍କ ସହିତ ନଆସି ବୁଲାବୁଲି କରି ଡେରିରେ ଆସେ । ଅନ୍ୟ ଓଟମାନେ ତାକୁ ଡେରିରେ ଏକାକୀ ନ ଫେରିବାକୁ ଯେତେ ପରାମର୍ଶ ଦେଲେ ମଧ୍ୟ ସେ ସେଗୁଡିକୁ ଖାତିର୍ କରୁନଥାଏ ।

ଦିନକର କଥା, ସନ୍ଧ୍ୟା ହେବାରୁ ସମସ୍ତେ ଘରକୁ ଫେରିଲେ । କିନ୍ତୁ ଯୁବକ ଓଟଟି ତା’ର ପ୍ରତିଦିନ ପରି ପଛରେ ରହିଥାଏ । ତା’ର ବେକରେ ବନ୍ଧାଯାଇଥିବା ଘଂଟି ଶବ୍ଦ ଶୁଣି ଏକ ସିଂହ ତାକୁ ଅନୁସରଣ କରି ଆସିଲା । କିଛି ସମୟ ପରେ ପୂରା ଅଂଧାର ହୋଇଗଲା । ସୁଯୋଗ ଦେଖି ସିଂହ ସଂଗେ ସଂଗେ ଯୁବକ ଓଟର ବେକ ମୋଡି ମାରିଦେଲା । ଜୀବନ କାଳ ମଧ୍ୟରେ ଯଦି ଓଟଟି ଅଗ୍ରଜ ମାନଙ୍କ ଉପଦେଶ ଶୁଣି ଥାଆନ୍ତା, ତା’ହେଲେ ତାକୁ ଏପରି ଅବସ୍ଥା ଭୋଗ କରିବାକୁ ପଡି ନଥାନ୍ତା ।

କାହାଣୀଟି ଶୁଣିସାରି କୁମ୍ଭୀର କହିଲା, ‘ବନ୍ଧୁ! ଯେଉଁ ବ୍ୟକ୍ତି ସର୍ବଦା ପରର ମଂଗଳ କାମନା କରିଥାଏ ସେ ତା’ର ଜୀବନରେ କଦାପି କଷ୍ଟ ପାଏ ନାହିଁ ।’ କିନ୍ତୁ ମୁଁ ତୁମ ସହିତ ବିଶ୍ୱାସ ଘାତକତା କଲି । ମୋର ସ୍ଥାନ ନର୍କରେ । ତୁମେ ମୋତେ ନାନାଦି ସତ୍ ଉପଦେଶ ଦେଇ ଅଶେଶ ପୁଣ୍ୟର ଅଧିକାରୀ ହୋଇ ପାରିଛ । ତେଣୁ ବନ୍ଧୁ, ଦୟାକରି ମୋତେ ଶେଷଥର ପାଇଁ ଆଉ ଏକ କାହାଣୀ କହି ଉପଦେଶ ପ୍ରଦାନ କର । କୁମ୍ଭୀରର କଥା ଶୁଣି ମାଙ୍କଡ କହିଲା, ‘ତେବେ ମୋର ଗୋଟେ କଥା ଶୁଣ । ପ୍ରଥମେ ତୁମେ ଘରକୁ ଯାଇ ତୁମ ଘର ଅଧିକାର କରି ରହିଥିବା ଶତ୍ରୁ ସହିତ ଯୁଦ୍ଧ କର । ଯଦି ଯୁଦ୍ଧରେ ତୁମେ ଜିତିଲ ତୁମର ଖ୍ୟାତି ନିଶ୍ଚୟ ବଢିବ । ଆଉ ଯଦି ଯୁଦ୍ଧରେ ତୁମେ ହାରିବ ବା, ମୃତ୍ୟୁ ବରଣ କର ତା’ହେଲେ ତୁମେ ସ୍ୱର୍ଗକୁ ଯିବ । ଶାସ୍ତ୍ର ପୁରାଣରେ କୁହାଯାଇଛି, ଭଦ୍ରବ୍ୟକ୍ତିଙ୍କୁ ନମ୍ର ସ୍ୱଭାବ, ବୀରକୁ ଅନ୍ୟ ଏକ ବୀର ସହିତ ଶତ୍ରୁତା ଜନ୍ମାଇ, ନୀଚମନା ବ୍ୟକ୍ତିଙ୍କୁ କିଛି ଦାନ ଦେଇ ଏବଂ ଶକ୍ତିବାନ୍ ବ୍ୟକ୍ତିଙ୍କୁ ନିଜର ଶକ୍ତି ଦ୍ୱାରା ସର୍ବଦା ବଶ କରିବା ଉଚିତ୍ । ଏ ସଂପର୍କରେ ମୁଁ ତୁମକୁ ଏକ ଗଳ୍ପ କହୁଛି ଶୁଣ ।

ନଗରୀ ଉଜ୍ଜଳକ ବଢେଇ

Rate the content


Originality
Flow
Language
Cover design

Comments

Post

Some text some message..