Quotes New

Audio

Forum

Read

Contests

Language


Write

Sign in
Wohoo!,
Dear user,
★ଶୋଷ★
★ଶୋଷ★
★★★★★

© Amiya Bej

Tragedy

1 Minutes   7.2K    18


Content Ranking

ସହର ଉପକଣ୍ଠ ଦେବୀମା ମନ୍ଦିର ବେଢାରେ ପୂଜା ନୁହଁ , ପ୍ରେମ ସାରି ଫେରୁଫେରୁ ମଧ୍ୟାହ୍ନ । ଗରମରେ ଦେହ ପୋଡିଯାଉଥିଲା । ବାଇକ୍ ପଛରୁ ଲିତୁ କହିଲା -

- ରଖ , ରଖ ଟିକେ ।

- କାଇଁ ?

- ଭାରି ଶୋଷ !

- ଆଛାହେଉ ।

ଦୋକାନଟିଏ କଡକୁ ଗାଡିରଖି ଥଣ୍ଡା ପାଣି ବୋତଲ ଟାଏ କିଣିଲି । ଢକଢକ କରି ଲିତୁ ପିଇଯାଉଥିଲା ଏକା ନିଶ୍ୱାସ ରେ ।

- ଏତେ ଶୋଷ ?

- ତୁମେ ଥିଲେ ବଢିଯାଏ ପରା !

- ଆଛାହେଉ ।

ପିଲାଟାଏ ଧକଉଥିଲା ଦୋକାନକଡ ଛାଇରେ । ଲିତୁ ମୁହଁ ରୁ ପାଣିଧାରଟିଏ ବୋହି , ତଣ୍ଟି ଉପରଦେଇ ତା କୁର୍ତ୍ତିର 'ଭି' ଦେଇ ପଶିଯାଉଥିଲା ଭିତରକୁ । ଏଇ ମନୋରମ ଦୃଶ୍ୟଟିକୁ ଅପଲକ ଆଖିନେଇ ଚାହିଁରହିଥିଲା ସେ ମଈଳା ପିଲାଟି । ଜାଣିପାରି ଲିତୁ ମୁହଁ ବୁଲାଇ କହିଲା -

- ଛିଈଈଈ!

ମୁଁ ଦୋକାନୀକୁ ପଇସା ଦେଇ ଗାଡି ଷ୍ଟାର୍ଟ କଲି । ବୋତଲର ଶେଷ ଠୋପାକୁ ଜିଭରେ ଢାଳି , ଲିତୁ ତା' ବଳ ପ୍ରମାଣେ ଫୋପାଡିଦେଲା ରାସ୍ତାକଡକୁ । ଏଇବାଗରେ ବୋଧେ ପିଲାଟା ଉପରେ ସେ ରାଗ ଓଗାଳିଲା ।

ଏଥର କିନ୍ତୁ ପିଲାଟା ବୋତଲମୁହାଁ ହୋଇ କ୍ଷିପ୍ରଗତିରେ ଧାଇଁଲା ରାସ୍ତାଧାରକୁ । ଖାଲି ବୋତଲଟାକୁ ଗୋଟାଇ ଏକ ଜରିବ୍ୟାଗ୍ ରେ ପୁରାଇନେଲା ।

ମୋ' ମୁହଁ ରୁ ଛାଏଁ ବାହାରିଗଲା -

- ଓଃ! କି ଶୋଷ !!!!!!!!

@ ଅମିୟ ବେଜ୍

ଶୋଷ ଦେବୀମା ଦୋକାନ

Rate the content


Originality
Flow
Language
Cover design

Comments

Post

Some text some message..