ନୂଆ ଅବୋଲକରା ଉପାଖ୍ୟାନ
ନୂଆ ଅବୋଲକରା ଉପାଖ୍ୟାନ
By Sulagna Mohanty
ସକାଳୁ ସକାଳୁ ସାମନ୍ତ ବ୍ରାହ୍ମଣ ଅବୋଲକରାକୁ ପଚାରିଲେ, “ହଇରେ ଅବୋଲକରା!!!”
“ଓଡ଼ିଆ ସ୍କୁଲରେ ପଢ଼ିବୁ?”
– ମୋ ବାପା କଣ ଗରିବ?
“ତୁ ଧୋତି ଗୋଟେ ପିନ୍ଧିବୁ କି?”
– ମୁଁ କଣ ଗାଉଁଲି ନା କଣ?
“ତୋ ସ୍ତ୍ରୀ ଶାଢ଼ୀ ପିନ୍ଧିବ?”
– ପ୍ୟାଣ୍ଟସାର୍ଟରେ ବେଶୀ ଆରାମ ଲାଗେ |
“ଏପ୍ରିଲ ୧ ରେ କଣ?”
– ଏପ୍ରିଲ ଫୁଲ ଡ଼େ ପରା |
“ଓଡ଼ିଆ ଗପବହି ପଢ଼ିବୁ?”
– ଫ୍ରିରେ ମିଳିଲେ ଦିଅ |
“କାର୍ତ୍ତିକ ପୁର୍ଣିମାରେ ଡଙ୍ଗା ଭସେଇଲୁ?”
– ସକାଳୁ ଶୀଘ୍ର ଉଠି ହଉନି |
“ପଖାଳ ଟିକେ ଖାଇବୁ କି?”
– ସେ ଗାଉଁଲି ଖାଦ୍ୟ? ଛେ!!
“ସାବିତ୍ରୀ ବ୍ରତ କଲା ତୋ ସ୍ତ୍ରୀ?”
– କରବାଚୋଉଥ ବେଶୀ ଷ୍ଟାଇଲିଶ |
“ମାଣବସା ଗୁରୁବାରରେ ଲକ୍ଷ୍ମୀଙ୍କୁ ପୂଜିଲୁ?”
– ବିଲ ଗେଟସ କରୁଥିଲା କି?
“ତାମିଲ ସାଙ୍ଗକୁ କଣ ପଚାରୁ?”
– ଏପଡି ଏରକିଙ୍ଗ |
“କନ୍ନଡ ସାଙ୍ଗକୁ କଣ ପଚାରୁ?”
– ହାଓ ଆର ୟୁ
“ଓଡ଼ିଆ ଲୋକ ଦେଖିଲେ?”
– ଆପ ଓଡିଶା ସେ ହେଁ କ୍ୟା? ମେ ଭି |
“ଓଡ଼ିଶାରେ ରହୁନୁ??”
– ଏଠି ଚାକିରୀ ନାହିଁ |
“ସେ କଥା ଜଣଉନ ବଡବଡିଆଙ୍କୁ?”
– ସେଇଟା ନେତାଙ୍କ କାମ |
“କାଳିଆ ଘୋଡାରେ ଚଢ଼ିବୁ?”
– ନାଇଁ, ଫ୍ଲାଇଟ ରେ ଜଲଦି ପହଞ୍ଚିବି |
“ମଧୁବାବୁ ସାଙ୍ଗେ ଲଢ଼ିବୁ?”
– ନାଇଁ, ଇଞ୍ଜିନିଅରିଂରେ ବେଶୀ ସ୍କୋପ |”
“ସେ ପାଇକ ବିଦ୍ରୋହ କନଫରେନ୍ସେ ବିଷୟରେ ଶୁଣିଲୁ?”
– ସେଇଟା କଣ?
“ଓଡ଼ିଆ ଫିଲିମ ଗୋଟେ ଦେଖିବୁ କି?”
– ସେଗୁଡାକ ସବୁ କପି |
“ଗୋଟେ ଯୋଡ଼େ ଭଲ ଆସୁଛି | ସେ ଯୋଉ ତୁଳସୀ ଅପା |”
– ରିକ୍ସାବାଲାଙ୍କ ସାଙ୍ଗେ ବସି କିଏ ଦେଖିବ?”
“କିଛି ତ ମାନୁନୁ | ତାହେଲେ ତୁ ନିଜେ ହିଁ କହ କଣ କରିବୁ |”
– ମୁଁ ଫେସବୁକରେ ଲଢ଼ିବି | ରସଗୋଲା ଓଡ଼ିଶାର ବୋଲି ସାରା ଦୁନିଆକୁ ଜଣେଇବି | ବଙ୍ଗାଳୀଙ୍କୁ ଭଲ ମଜା ଚଖେଇବି | ଓଡ଼ିଶାର ଐତିହ୍ୟ ଆଉ ସଂସ୍କୃତିକୁ ରକ୍ଷା କରିବି | ରସଗୋଲା ମୋ ଓଡ଼ିଶାର ଇତିହାସର ପ୍ରତୀକ | ତାକୁ ଏତେ ସହଜରେ ଆମ ହାତରୁ ଯିବାକୁ ଦେବିନି |
“ଆରେ ହଁ, ବାଙ୍ଗାଲୋରରେ ତୋ ଘର ସାଇଡରେ ବଙ୍ଗାଳୀ ଲୋକଟେ ରହୁଛି |”
– ଆଚ୍ଛା? କୋଥାଏ ବୋଲୁନ ତୋ |
“ଆରେ ତୋ ସାଇଡ ଫ୍ଲାଟରେ ଓଡ଼ିଆ ଲୋକଟେ ବି ରହୁଛି |”
– ତ ମୁଁ କଣ କରିବି? ବାଙ୍ଗାଲୋରରେ ଲକ୍ଷେ ଓଡ଼ିଆ | ଆଚ୍ଛା ହଉ କଣ ପୋଷ୍ଟ କରୁଥିଲି!! ହଁ, ରସଗୋଲା ଆମ ଓଡ଼ିଶାର |