Quotes New

Audio

Forum

Read

Contests

Language


Write

Sign in
Wohoo!,
Dear user,
ରିଙ୍ଗ୍ ଟୋନ୍
ରିଙ୍ଗ୍ ଟୋନ୍
★★★★★

© Amiya Bej

Inspirational

4 Minutes   13.6K    15


Content Ranking

 ' ରାତି ପାହିଲାଣି ରାବଇ କାଉ , ଉଠ ଉଠ ... ।'

ରାତି କେବେ ହେଇଥିଲା ଯେ', ପାହିବ ? ସମୟଟା ସଠିକ୍ ମନେନାହିଁ , ' ରୋମିନା ' କୁ ମେସେଞ୍ଜର୍ ରେ ଗୁଡନାଇଟ୍ କହିବା ବେଳକୁ ପ୍ରାୟ ଦୁଇଟା !

ଦୁଇଟା ବେଳଟା ରାତି ହେବ ନା' ପରବର୍ତ୍ତୀ ଦିନର ସକାଳ ? ଅଧାପୋଡା ସିଗ୍ରେଟ୍ ଟାକୁ ଫୋପାଡ଼ି ଦେଇ , ଶୋଇବାକୁ ଚେଷ୍ଟା କଲି ଏଥର।

ଚେଷ୍ଟାକରି ନିଦ ହୋଇପାରେ , କିନ୍ତୁ ଚେଷ୍ଟାକରି ମଣିଷ ଟେ କଣ ଶୋଇପାରେ ?

ଠିକ୍ ପାଞ୍ଚୁଟା ରେ 'ସୁପ୍ରୀତି' ର କଲ୍ ।

' ରାତି ପାହିଲାଣି ରାବଇ କାଉ , ଉଠ ଉଠ ... !!!'

ସେ କାଉଟା ହେଲା ସୁପ୍ରୀତି' ! ନ ଉଠିଲାଯାଏଁ ସେ ବାରମ୍ବାର ଫୋନ୍ କରି ଏବେ ରାଉରାଉ ହେବ । ଗାଁ ରେ ଥାଇ ସ୍ତ୍ରୀ ଧର୍ମ ପାଳୁଛି। ସତରେ ସ୍ତ୍ରୀ ମାନେ କଣ ଗୋଟେଗୋଟେ କାଉ ??? ଧେତ୍ ।

- ହଁଅଁ , ହ୍ୟାଲୋ ?

- ଉଠ । ପାଞ୍ଚଟା ପଚିଶ୍ । ମର୍ଣୀୱକ୍ ରେ ଯାଅ ।

- ଓଃ !

- ଏ ବୟସରେ ପେଟଟାକୁ ଦେଖିଲଣି ? କେମିତି ଗୋଟେ ଫୁଲିଗଲାଣି। ଗେଲ୍ହ୍ କରିବାକୁ ଆଉ ମନ ହେଉନି। ଉଷୁମ ପାଣିରେ ମହୁ ଚାମୁଚେ ...

- ଓଃ ! ସକାଳୁ ସକାଳୁ ଗୋଟେ ରାଉରାଉ ??

ଫୋନ୍ କାଟିଦେଲି ବିରକ୍ତରେ ।

★★★

ବ୍ରଶ୍ ଟା ଧରୁଧରୁ ବାଜିଲା " ଓଁ ବକ୍ରତୁଣ୍ଡଂ ....

ଶର୍ମା ଆଣ୍ଟି ପଚାରୁଥିଲେ -

- ହାଏ ହ୍ୟାଣ୍ଡସମ୍ ! ଅଙ୍କଲ୍ ଙ୍କ ସହ ଛକରେ ଅପେକ୍ଷା କରିଛୁ । ୱକିଂରେ ଜଏନ୍ କର ଜଲଦି ।କମସୁନ୍।

★★★

ୱକିଂରୁ ଫେରି ଅଫିସ ପାଇଁ ରେଡି ହେବାବେଳେ, ବାଜିଲା " ଜିନ୍ଦାରେହେନେ କେଲିଏ ତେରି କସମ୍ ....!

'ଶ୍ରେୟା' କଲିଂ ।

- ହାଏ ! ଆଜି ଅଫିସ୍ କୁ କୁହ କେଉ କଲର୍ ପିନ୍ଧି ଯିବି ? ଟ୍ୟୁଜ୍ ଡେ , ୟେଲୋ ଚଳିବତ ?

- ୟେସ୍ ! ସେ ସୋଲ୍ଡରକଟ୍ ଟା ପିନ୍ଧ ।

- କାଇଁ ?

- ଠାଏଠାଏ ଛିଣ୍ଡାମିଣ୍ଡା ଦେଖିଲେ ଭଲଲାଗେ ମୋତେ ।

- ଚୁପ୍ ନଟି ।

★★★

ଗାଡି ଷ୍ଟାର୍ଟ କରୁକରୁ ବାଜିଲା " ଦବଙ୍ଗ ଦବଙ୍ଗ...

!"

ଅଫିସ୍ ର ମୋ ବସ୍ 'ସରଳା' ମାମ୍ ଫୋନ୍ କରିଥିଲେ

- ଜଲଦି ଆସ '। ମୁଁ ପହଞ୍ଚିଲିଣି । ଅଡିଟ୍ ଅଛି । ମନେନାହିଁ ?

- ଏଇ ପହଞ୍ଚିଲି ମାମ୍ ।

★★★

କିଛିବାଟ ଗଡିଛିକି ନାହିଁ , " ଆଜ୍ ଫିର୍ ତୁମ୍ ପେ' ପ୍ୟାର୍ ଆୟାହେ ...."!

'ବନ୍ଦିତା' କହିଲା -

- କଣ ? ମନେପଡୁନି ? ପୁରୁଣା ହେଇଗଲିକି ?

- ଆରେ ନା ନା । ଭାରି ୱର୍କଲୋଡ ।

- ଓକେ।

- ଉଁଉଁଉଁ।

ହେଲମେଟ୍ ଭିତରେ ମୋବାଇଲଟାକୁ ପୁରାଇ ଗପୁଥିଲି। ସାମ୍ନାଆଡୁ ସାଏଁକିନା ଗାଡିଟେ ମାଡିଆସିଲା। ଯାହେଉ ଅଳ୍ପରେ ବଞ୍ଚିଗଲି।

★★★

ଅଫିସ୍ ରେ ଫାଇଲ୍ ଟା ଖୋଲିଛିକିନାହିଁ , ହ୍ୱଆର୍ଟସ୍ଆପ୍ ବିପ୍ କଲା ଟୁଁ ଟୁଁ।

ଆଳୁପରାଠା ର ଫଟୋ । ମୁଣ୍ଡ ଟେକି ଚାହିଁଲି ସାଇଡ୍ କ୍ୟାବିନ୍ କୁ । " ରୋଜାଲିନ୍ " ହସୁଥିଲା ଖିଲିଖିଲି । ଠାରିଲା କାଚ ସେପଟରୁ -

- ଆଜି ଲଞ୍ଚ୍ ରେ ତୁମପାଇଁ ।

★★★

ଟ୍ରିଂ ଟ୍ରିଂ ଟ୍ରିଂ

ଝିଅଟେ !

- ମିଷ୍ଟର ଦାଶ୍ ?

- ନା ମିଶ୍ର ।

- ସରି । ରଂଗ୍ ନମ୍ବର।

ହ୍ୟାପ ମୋ ନମ୍ବର କାଇଁ ରଂଗ୍ ହେବମଁ ?

★★★

ଦଶମିନିଟ୍ ଯାଇନି ପୁଣି ଝିଅଟେ କଅଁଳେଇ ଫୋନ୍ କଲା -

- ସାରେ । ଏସ୍ . ବି . ଆଇ ରୁ କହୁଥିଲି , ଆପଣଙ୍କ ଏଟିଏମ୍ କାର୍ଡ ବ୍ଲକ୍ ହେଇଯାଇଛି । ଠିକ୍ କରିବାକୁ କାର୍ଡ ଉପରେ ଲେଖା ନମ୍ବର ଟା କୁହନ୍ତୁ।

ଓଲା ଭାବିଲା ନା କଣ ମୋତେ ? ଝିଅଟା ବୋଲି ଗାଳି ନକରି କାଟିଦେଲି ।

★★★

ଟ୍ରିଙ୍ଗ୍ ଈଈଈଈଈଈ !

- ସାର ! ଷ୍ଟାର୍ ହେଲଥ୍ ଇନ୍ସ୍ୟୁରାନ୍ସ୍ ରୁ କହୁଥିଲି ।

ରାଗି କାଟିଦେଲି ପୁଣି । ଶଃ! ବିନା ଇନ୍ସ୍ୟୁରାନ୍ସ୍ ରେ ସୁନ୍ଦରୀ ମାନେ କଥାହେବେନି ନା କଣ ??

★★★

" ଦିଲ୍ ହେ ଛୋଟାସା , ଛୋଟିସି ଆଶା ...!"

ପ୍ଲସଟୁ ସାନ ଶାଳୀ " ରୁପାଲୀ "

- ହାଏ ଜୀଜୁ ! ଏଥର ହୋଲି ଗିଫ୍ଟ୍ କଣ ?

- ମୁଣ୍ଡଫଟା ରଙ୍ଗ ।

- ଥାଉ ଦର୍କାର ନାହିଁ।

- ଆରେ ? ତୁ କଣ ଅଫଟା ରହିବୁନା କଣ ?

ଏଥର ସେ ରାଗି କାଟିଦେଲା ।

★★★

..........

..........

..........

★★★

ଅଫିସ୍ ରୁ ଫେରି ରୁମ୍ ଅନଲକ୍ କଲାବେଳକୁ , ପେଟରେ ପ୍ରେସର୍ ଖୁବ୍ ଯୋର୍ । ଠିକ୍ ରେ ପ୍ୟାଣ୍ଟ୍ ନଖୋଲି ଟୟଲେଟ୍ କୁ ପଶିଗଲି। ଏପଟେ ମୋବାଇଲ ଚିଲ୍ଲୋଉଥିଲା -

ଜିନ୍ଦାରେହେନେ କେଲିଏ ତେରି କସମ୍ ..../ ଦବଙ୍ଗ ଦବଙ୍ଗ.../ ଆଜ୍ ଫିର୍ ତୁମ୍ ପେ' ପ୍ୟାର୍ ଆୟାହେ ..../ଟ୍ରିଂ ଟ୍ରିଂ ଟ୍ରିଂ/ଟ୍ରିଙ୍ଗ୍ ଈଈଈଈଈଈ/ଦିଲ୍ ହେ ଛୋଟାସା , ଛୋଟିସି ଆଶା ..

ଟୟଲେଟ୍ ରୁ କାମସାରି ଆସିଲା ବେଳକୁ , ବାଜୁଛି , "ଜୀନ୍ଦେଗି କି ତଲାସ୍ ମେଁ ହମ , ମୌତକେ କିତନେ ପାଶ୍ ଆଗେୟେ ...." !!!

ତେରଟା ମିସଡ୍ କଲ୍ !!!

ରୋମିନା , ସୁପ୍ରୀତି , ଶର୍ମା ଆଣ୍ଟି , ଶ୍ରେୟା , ସରଳା ମାମ୍ , ବନ୍ଦିତା , ରୋଜାଲିନ୍ , ରୂପାଲୀ , ରଂଗ୍ ନମ୍ବର , ଇନ୍ସ୍ୟୁରାନ୍ସ୍ ସୁନ୍ଦରୀ , ଫେସବୁକିଆ ସାଙ୍ଗ , ପଡୋଶୀ ଝିଅ , ଅଜଣା ଅଚିହ୍ନା ....... ଏମିତି କେତେକଣ !!!

ରଙ୍ଗ- ଅରଙ୍ଗ , ବଂଧୁ-ଅବଂଧୁ , ପାପ-ପୂଣ୍ୟ , ସତ-ମିଛ , ପ୍ରେମ-ଅପ୍ରେମ , ସ୍ୱକୀୟା-ପରକୀୟା ... ଆଦି କେତେ ସମ୍ପର୍କ ପିଛାକରେ । ଆଗମୁହାଁ ହୋଇ ଧାଉଁଥାଏ ମଣିଷ। ଥରେ ଝୁଣ୍ଟି , ପଡିଗଲେ ଫୁରର୍ ହୋଇଯାଏ ଏ ଯାନ୍ତ୍ରିକ ଜୀବନ।

ଓଃ!!!!!

ତୁଚ୍ଛା ଯନ୍ତ୍ର ଟାଏ ଅକ୍ତିଆର କରି ନେଲାଣି ସାରା ଜୀବନ କୁ !!!

ଏଇ ଏବେଠାରୁ ମୋବାଇଲଟାକୁ ରିଙ୍ଗ୍ ମୁକ୍ତ କରି , ସୁପ୍ତ ଅବସ୍ଥା କୁ ନେଇଗଲି ମୁଁ ।

ବାସ୍ ! ଆଜିଠାରୁ ଖାଲି , ନିଜସହ ନିଜେ ସହବାସ !!!

■ ଅମୀୟ ବେଜ୍ , ଘଟଗାଁ , କେନ୍ଦୁଝର। ■

ରିଙ୍ଗ୍ ଟୋନ୍ ରାତି ପ୍ରେମ

Rate the content


Originality
Flow
Language
Cover design

Comments

Post

Some text some message..