କର୍ମ
କର୍ମ
ହାତ ଧରି ମୋ ନାତୁଣୀ ମନ୍ଦିର ବେଢା ଭିତରେ ଥିବା ପାର୍ଶ୍ୱ ଦେବୀ ଦେବତାଙ୍କୁ ଦର୍ଶନ କରୁଥାଏ l ମୁଁ ଯାହା କରୁଥାଏ କିଛି ବୁଝି ନ ବିଚାରି ସେୟା କରି ଚାଲିଥାଏ l ମଝିରେ ମଝିରେ ପଛକୁ ଅନାଇଁ ପ୍ରତିମାଗୁଡିକୁ ଟିକିଏ ନିରେଖି ଚାହୁଁଥାଏ l ପ୍ରାୟ ସବୁ ପାର୍ଶ୍ୱ ଦେବୀ ଦେବତାଙ୍କ ଦର୍ଶନ ସାରି ମୁଖ୍ୟ ମନ୍ଦିର ଦ୍ୱାରରେ ମୋତେ ପଚାରିଲା, ‘ଅଜା ! ସବୁ ଦେବୀ ଦେବତା ମାନେ ହାତ ଦେଖାଇ କ’ଣ କହୁଛନ୍ତି ?’
ଚଡକ ପଡିଲା ମୁଣ୍ଡରେ l ୟାକୁ ଯୁଆଡେ ନେଲେ ବିପଦ ଏବେ କ’ଣ ଉତ୍ତର ଦେବି ? ହଠାତ୍ ପିଲା ଦିନର କଥା ମନେ ପଡିଲା l ଜଣେ ବୁଢା ବାବାଜୀଙ୍କ କଥା l କହିଲି, ‘ସବୁ ଦେବୀ ଦେବତାମାନେ କହୁଛନ୍ତି, ବାସ୍ ମାଗିବା ବନ୍ଦ କର l କର୍ମ କଲେ ଫଳ ଆପେ ଆପେ ମିଳିଯିବ l’
ପ୍ରମୋଦ କୁମାର ଜେନା ©