Quotes New

Audio

Forum

Read

Contests


Write

Sign in
Wohoo!,
Dear user,
ବିଶ୍ୱାସରେ ବିଷ
ବିଶ୍ୱାସରେ ବିଷ
★★★★★

© ଓଡିଆ ଶିଶୁ ଗପ

Children

2 Minutes   6.9K    13


Content Ranking

ଉକୁଣୀ ତ ରାଜି ହୋଇ ଯାଇ ବନ୍ଧୁ ପରି ବ୍ୟବହାର କରୁଛି । ତାହା ଜାଣିଯିବା ପରେ ଓଡ଼ଶ ଟିକିଏ ମୁରୁକି ମୁରୁକି ହସିଲା । ତା’ ପରେ କହିଲା ଭାଇ, ତୁମେ ମୋ ବୁଦ୍ଧିକରା ଆଦୌ ଜାଣନା । ସେଥିପାଇଁ ଆଦୌ ବ୍ୟସ୍ତ ହୁଅ ନାହିଁ । ଦେଖିବ ନାହିଁ ମୁଁ କିପରି ଭାବରେ ମୋ କାର୍ଯ୍ୟକୁ ସଫଳ କରିବି ।

ବାସ୍ । ଦୁହିଁଙ୍କ ମଧ୍ୟରେ କଥା ଚାଲିଛି । ଏତିକିବେଳକୁ ରାଜା ଅନ୍ତପୁରକୁ ଆସିଲେ ଶୋଇବା ଲାଗି । ରାଜା ବିଶ୍ରାମ ନେବାକୁ ଯେମିତି ଶୋଇପଡ଼ିଛନ୍ତି ଓଡ଼ଶ ରାଜାଙ୍କର ଖୋଲା ଚେହେରାକୁ ଦେଖି ତଟସ୍ଥ ହୋଇଗଲା । ସେ ଶହ ଶହ ହଜାର ହଜାର ମନୁଷ୍ୟଙ୍କ ଠାରୁ ରକ୍ତ ଶୋଷିଛି, ହେଲେ ରାଜାଙ୍କର ଶରୀରର ତାଜା ରକ୍ତ ସତେ ଯେପରି ଆଖିକୁ ଜଳଜଳ ହୋଇ ଦେଖାଯାଉଛି । ଏପରି ରକ୍ତ କେତେଜଣ ବଡ଼ ବଡ଼ ମନ୍ତ୍ରୀ ଆଉ କର୍ମଚାରିମାନଙ୍କ ଶରୀରରେ ଦେଖିଥିଲେ ମଧ୍ୟ ରାଜାଙ୍କ ରକ୍ତ ସେମାନଙ୍କ ରକ୍ତ ତୁଳନାରେ ବେଶ୍ ଶୁଦ୍ଧ ପରି ଦେଖାଯାଉଛି । ଏପରି ଭାବରେ ଚିନ୍ତା କରି କରି ଆଉ ସମ୍ଭାଳି ହୋଇପାରିଲା ନାହିଁ । ଓଡ଼ଶ ତା’ ପାଟିରୁ ଖାଲି ରାଜାଙ୍କର ରକ୍ତ ପିଇବାକୁ ଲାଳ ଝରିଲା । ଏହାପରେ ଓଡ଼ଶ ଆଉ ସମୟ ନେଲା ନାହିଁ, ରାଜା ବିଛଣା ଧରିଛନ୍ତି କି ନାହିଁ ସଙ୍ଗେ ସଙ୍ଗେ ଓଡ଼ଶ ଯାଇ ପଲଙ୍କ ଉପରକ ଶେଜ ମଧ୍ୟରେ ପଶିଗଲା । ଆଉ ଲୋଭ ସମ୍ଭାଳି ନପାରି ରାଜାଙ୍କ ପିଠିକୁ କାମୁଡ଼ିବାକୁ ଲାଗିଲା ।

ରାଜା ତ ସେଙ୍ଗ ସେଙ୍ଗ ଶୋଇଥିଲେ । ସେତେବେଳକୁ ଆଖିକୁ ରାଜାଙ୍କର ନିଦ ଆସିନାହିଁ । ସେ ଜାଣିପାରିଲେ ଯେ ଗଦି ମଧ୍ୟରେ ଓଡ଼ଶ ଲୁଚିରହି କାମୁଡ଼ୁଛି । ସେଥିଲାଗି ସେ ସଙ୍ଗେ ସଙ୍ଗେ ପାଟିକରି ନଅରର ନିଯୁକ୍ତ ଚାକରମାନଙ୍କୁ ଡକାଇ ପଠାଇ କହିଲେ – ଦେଖ ଏହି ଗଦି ମଧ୍ୟରେ ଓଡ଼ଶଟିଏ ଆସି ପଶିଛି । ଯଥାଶୀଘ୍ର ତାହାକୁ ଖୋଜି ବାହାର କର, ଆଉ ତାକୁ ହତ୍ୟା କର ।

ରାଜାଙ୍କର ଏ ସମସ୍ତ ଆଦେଶକୁ ଓଡ଼ଶ ଯେତେବେଳେ ଗଦି ମଧ୍ୟରେ ଥାଇ ଜାଣିପାରିଲା ସେ ଉଦ୍ଧାର ପାଇବାର ମାର୍ଗ ସ୍ଥିର କରିବାକୁ ମଧ୍ୟ ଧୁରନ୍ଧର ଥିଲା। ସେ ସଙ୍ଗେ ସଙ୍ଗେ ପଲଙ୍କରେ ଥିବା ଯୋଡ଼େଇ ମଧ୍ୟରେ ଯାଇ ଲୁଚିଗଲା । କିନ୍ତୁ ନିରୀହ ଉକୁଣୀକୁ ଆଉ ସେତେବେଳେ କୌଣସି ବୁଦ୍ଧି ଆସିଲା ନାହିଁ । ସେ କୁଆଡ଼େ ଯାଇ ନପାରି ଚାକରମାନଙ୍କ ହସ୍ତରେ ଧରା ପଡ଼ିଗଲା । ଆଉ ମଧ୍ୟ ଚାକରମାନେ ଉକୁଣୀକୁ ନିର୍ମମ ଭାବରେ ହତ୍ୟା କରିଦେଲେ ।

ଦେଖ! ଏଠାରେ କେତୋଟି ବିଷୟ ଉପରେ ‘କୁ’ର ବିଚାର କରାଯାଇଛି । ସେଥି ମଧ୍ୟରୁ ବର୍ତ୍ତମାନର ମନ୍ତ୍ରୀ ଓ ରାଜାଙ୍କର ରକ୍ତ ସହିତ ସାଧାରଣ ମନୁଷ୍ୟମାନଙ୍କର ରକ୍ତର ଉଦାହରଣ, ଦ୍ୱିତୀୟଟି ହେଉଛି ଆଜିର ସମାଜରେ ଅନ୍ୟର ରକ୍ତ ଶୋଷିବାକୁ ଓଡ଼ଶ ଓ ଉକୁଣି ସମାନ ଅନେକ ବ୍ୟକ୍ତି ଅଛନ୍ତି । ତୃତୀୟତଃ ଏତେ ସହଜରେ ଜଣେ ଅପରିଚିତକୁ ସାହାଯ୍ୟ କଲେ ଓ ତାହାକୁ ବିଶ୍ୱାସ କରି ଗୃହରେ ରଖିଲେ ପ୍ରାୟତଃ ଫଳ ଏହିପରି ଭାବରେ ଭୋଗିବାକୁ ହୋଇଥାଏ ।

ଉକୁଣୀ ଓଡ଼ଶ ରକ୍ତ

Rate the content


Originality
Flow
Language
Cover design

Comments

Post

Some text some message..