Quotes New

Audio

Forum

Read

Contests


Write

Sign in
Wohoo!,
Dear user,
ମା ର ମନ
ମା ର ମନ
★★★★★

© Priyadarsini Das

Others

3 Minutes   269    14


Content Ranking

କେଜାଣି କାହିଁକି ଆଜି ଡାହାଣ ଆଖି ଟି ବହୁତ ଫରକୁଛି ।ଆଦୌ ଭଲ ଲାଗୁନି ।ମନ ଟା ଭାରି ମୋର ଗୋଡେଇ ହେଉଛି ।ଯାଏ ଟିକିଏ ପୁଅ ସହିତ କଥା ହୋଇଯିବି ।ମନ ଟା ଯଦି ଭଲ ଲାଗିବ । ଫୋନ୍ ଟା ଉଠେଇଲି ।ନମ୍ବର ବି ଡାଏଲ୍ କରିଲି । ହେଇ ତ ରିଙ୍ଗ୍ ହେଉଛି । ଲମ୍ବା ରିଙ୍ଗ୍ ପରେ ବି କାହିଁ କେହି ଫୋନ୍ ତ ଉଠେଇଲେନି । ହେ ମା ମଙ୍ଗଳା ମୋ ପୁଅ କୁ ଭଲ ରେ ରଖିଥା । ସିଏ କାହିଁ ଗଲେ ।କାହିଁ ଦେଖା ଯାଉ ନାହାନ୍ତି ତ ।

-- ହେଇଟି ଶୁଣୁଛ ।କାହିଁ ଗଲ କି । କାହିଁ ଏଇଠି ତ ନାହାନ୍ତି ।ବାଡି ପଟକୁ ଯାଇଥିବେ କି ଦେଖେ ।

-- ହେଇଟି ଶୁଭୁଛି ନା ନାହିଁ ? କାହିଁ ଗଲ । କାହିଁ ବାଡିରେ ବି ନାହାନ୍ତି ତ । ଯାଏ ଘରେ ବସେ । ପୁଣି ଫୋନ୍ ଆଣେ ।କଲ୍ କରେ ।

ହେଇ ତ ରିଙ୍ଗ୍ ହେଲା ।

( ସେ ପଟରୁ ଆପ୍ ଜିସ୍ ନମ୍ବର ପେ କଲ୍ କର୍ ରହେ ହେ ,ବୋ ବ୍ୟସ୍ତ ହେ) ପୁଣି କଲ୍ କରେ । ପୁଣି ସେଇ ବ୍ୟସ୍ତ । ପୁଅ କଲ୍ କାହିଁକି କାଟି ଦେଉଛି । ( କବାଟ ଠକ୍ ଠକ୍ ଶବ୍ଦ ) ହେଇ ତ କବାଟ ଠକ୍ ଠକ୍ ହେଲାଣି ସିଏ ଆସିଲେ ବୋଧେ ।

-- ହେଇଟି କୁଆଡେ ଯାଇଥିଲ ।

-- ଆରେ ମାଧ ଦୋକାନକୁ ଯାଇଥିଲି ।

--ଓହୋଃ ।ଟିକିଏ କହିକି ଗଲେ ହେବନି ।

-- କହିଥିଲି ପରା ।ତୁମେ ମୋବାଇଲ୍ ଟା ଧରି କଣ କରୁଥିଲ ।

-- ଆରେ କଣ କହିବି ଜାଣି ପାରୁନି ।ଆଖି ଟା ଫରକୁଛି ।ମନ ଭଲ ଲାଗୁନି ।ପୁଅ ବି ଫୋନ୍ କରୁନି ।

-- ଓହୋଃ ।ତୁମର ସବୁଥିରେ ବ୍ୟସ୍ତ ।ଅଫିସ୍ ରେ ଥିବ ।ସେଇପାଇଁ ଫୋନ୍ କରି ନ ଥିବ । ସବୁ ଶୁଣି ବି ମନ ମାନୁନି କାହିଁକି ।ପୁଅ ଟା ଏକା ବାହାରେ ଅଛି ।ନିଜେ ରାନ୍ଧୁଛି ,ଖାଉଛି ।ତା ସହ ଅଫିସ୍ କାମ ।କେଜାଣି କେମିତି ଥିବ । କଣ କରିବି । (ଫୋନ୍ ରିଙ୍ଗ୍ ହେଲା ଏବଂ ମୁଁ ଦୌଡିଲି )

-- ହ୍ୟାଲୋ ।କାହିଁକି ଫୋନ୍ କରୁ ନ ଥିଲୁ ।ଫୋନ୍ କାଟି ଦେଉଥିଲୁ ।କଣ ହୋଇଛି ?

-- ମା ।କିଛି ନାହିଁ ।ଟିକିଏ ଜ୍ବର ।ତୋ ଫୋନ୍ ଆସିବା ସମୟରେ ମୁଁ ଡାକ୍ତର ଙ୍କ ପାଖରେ ଥିଲି ।ସାଙ୍ଗ ମାନେ ନେଇଥିଲେ ।

-- ଦେଖୁଛୁ ନା ।ସେଇ କଥା ପରା ।ସକାଳଠୁ ମୋ ଆଖି ଫରକୁଛି ।

-- ହଉ ମା କାନ୍ଦନି ।ଜ୍ବର ହୋଇଛି ।ପାଗ ବଦଳୁଛି ନା , ତା ସହ ଅଫିସ୍ ରେ ସବୁବେଳେ ଏ.ସି. । ସେଇଁପାଇଁ ଟିକିଏ ହୋଇଗଲା ଜ୍ବର ।

-- ହଉ ଟିକିଏ ଭିଡିଓ କଲ୍ କର ।ମୁଁ ଟିକିଏ ମୋ ଧନ କୁ ଦେଖେ ।

( ଭିଡିଓ କଲ୍ ରିଙ୍ଗ୍)

-- କେତେ ଦୁର୍ବଳ ହୋଇଛି ରେ ଧନ ।

-- ହଁ ମା ।ଆଜି କାଇଁ ମୋତେ ତୋ କୋଳରେ ମୁଣ୍ଡ ରଖିବାକୁ ମନ ହେଉଛି ।ଛୋଟ ବେଳେ ଦେହ ଖରାପ ନ ଥିଲେ ବି ତୋ କୋଳରେ ଶୋଇବା ପାଇଁ ମିଛଟାରେ ନାକ ପୋଛୁଥାଏ ।

-- ହଉରେ ଧନ ଦେହ ଠିକ୍ କର ।ମୁଁ ଆଉ ତୋ ବାପା ଆସିବା ତୋ ପାଖକୁ । ତୁ ମେଡିସିନ୍ ଖାଇ ଶୋଇଯା ।

( ଫୋନ୍ କଟିଗଲା ) ....

-- ହେଇଟି ଶୁଣୁଛ ।ମୁଁ ସକାଳଠୁ କହୁଛି ନା ମୋତେ ବ୍ୟସ୍ତ ଲାଗୁଛି ।ତୁମେ ତ କହିବ ମୁଁ ପରା ଖାଲି ଛାନିଆଁ ହୁଏ ମିଛରେ ।

ତୁମେ କେବେ ବି ବୁଝି ପାରିବନି ମା ର ମନ କୁ ।ଯାହାକୁ ୯ ମାସ ପେଟରେ ଧରିଛି ସେ ଯେତେ ଦୂର ରେ ଥିଲେ ବି ମୋ ମନ ଅନୁଭବ କରିପାରେ ।b ଆଉ କେବେ ବି ସେମିତି କହିବନି କି ମୁଁ ମିଛରେ ଛାନିଆ ହୁଏ ବୋଲି ।

-- ହଉ ରେ ବାବା ।ଆଉ କହିବିନି ।ଆଜି ବୁଝିଲି ।ସତରେ ମା ର ମନ କେତେ ଆବେଗଭରା ।ଏତେ ଦୂରରୁ ବି ତୁମେ ପୁଅ ର ଭଲ ମନ୍ଦ ଅନୁଭବ କରିପାରିଲ । ହଉ ଚିନ୍ତା କରନି ।ଟିକଟ କରିଦେବି ।ଯିବା ।ପୁଅ ପାଖରେ କିଛି ଦିନ ରହି ତାର ଯତ୍ନ ନେଇ ଆସିବା । ମୁଁ ବି ମୋ ପୁଅକୁ ଭଲ ପାଏ ହେଲେ ଜଣେ ମା ମନ ପାଖରେ ମୁଁ ହାରିଲି ଆଜି ।

●● Priyadarsini Das ●●

●● Asst Teacher ●●

●● R.K.U.P.School,Vellora.Balasore●●

ମା ଫୋନ୍ ପୁଅ

Rate the content


Originality
Flow
Language
Cover design

Comments

Post

Some text some message..