Quotes New

Audio

Forum

Read

Contests


Write

Sign in
Wohoo!,
Dear user,
ଶୈଶବ
ଶୈଶବ
★★★★★

© ଓଡ଼ିଆ ଗଳ୍ପ ଓ କବିତା - ୨

Inspirational

2 Minutes   7.4K    17


Content Ranking

ଏମିତି ଅନେକ ନାନାବାୟା ଗୀତ ଶୁଣୁଥିବା ଏହି କାନ ଦିଓଟି ସମୟକ୍ରମେ ଶୁଣେ ବାପାଙ୍କ ଠାରୁ ଗଜ ମୁର୍ଖ ଆଉ ମାଆଙ୍କ ଠାରୁ ଶୁଣେ ମରଣ ମୁହଁକୁ ଠେଲି ଦେବା ଭଳି ଅଭିଶାପ ଖାଲି ସେହି ପାଠ ପାଇଁ । ସେଦିନ ଏହି ଦୃଶ୍ୟ ଦେଖିବା ପରେ ଲାଗୁଛି ଶୈଶବ ଆଜି ପାଠ ପଢ଼ାର ଚାପରେ ରୁନ୍ଧି ହୋଇଯାଇଛି । ସଂନ୍ଧ୍ୟାରେ ସ୍କୁଲରୁ ଆସି ତରବରରେ ଟିଉସନ୍ ଯିବା ବାଟରେ ରାସ୍ତାର ଟ୍ରାଫିକ୍ ଭିତରେ ସାଇକେଲଟିରୁ ପଡ଼ିଗଲା ପିଲାଟି । ତାପରେ ଯନ୍ତ୍ରଣା ଓ କଇଁକଇଁ କାନ୍ଦ ଭିତରେ ଉଠିପଡ଼ି ବାହାରିପଡ଼ିଲା ନିଜ ବୟସ ଠାରୁ ଯଥେଷ୍ଟ ଅଧିକ ଓଜନର ବସ୍ତାନୀ ଓ ଦୁରରେ ପଡ଼ିଥିବା ଚପଲକୁ ସାଉଁଟି ସାଇକେଲଟିକୁ ଉଠାଇ ଡ଼େରି ହୋଇଯାଉଥିବା ଟିଉସନକୁ ।

ଅତିତ ସ୍ମୃତିରେ ମନେପଡ଼େ ଦେଖିଥିବା ସେଇ ଗାଁର ନିରଳସ, ସରଳ, ନିଷ୍ପାପ ପିଲାମାନଙ୍କର ଶୈଶବ ଥିଲା ସତରେ କେତେ ସ୍ମୃତିଭରା ଓ ଆମୋଦ ଦାୟକ । ସ୍କୁଲର ଖେଳଛୁଟିରେ ସ୍କୁଲ ବାଡ଼ରେ ଥିବା ବାଇଗିଡ଼ିଆ ଗଛ ପତ୍ରକୁ ଭାଙ୍ଗି ପତ୍ରର କ୍ଷିରରେ ବେଲୁନ୍ କରିବା ଥିଲା କେତେ ମଜାଦାର । ଏବେବି ପିଲାମାନେ ସାବୁନ ଫେଣରେ ସ୍ଟ୍ର ପୁରାଇ ବେଲୁନ କରନ୍ତି କିନ୍ତୁ ସେତେବେଳର ବେଲୁନ୍ ଆକାଶରେ ଉଡ଼ିବା ପରେ ମନରେ ଉଙ୍କିମାରେ ଇନ୍ଦ୍ରଧନୁର ହସ । କ୍ରମଶଃ ଧିରେଧିରେ ବାଗୁଡ଼ି, ଚୋର ପୁଲିସ, ପୁଚ୍ଚି, ବୋହୁ ବୋହୁକା ଭଳି ଅନେକ ଖେଳ ଲୋପ ପାଇଗଲାଣି । ଯଦିଓ କେତେକ ଖେଳର ପ୍ରତିରୁପ ଲଟୁ ବଦଳରେ ବେଣ୍ଟେନ୍ ଓ ଡ଼ାବୁଲ୍ ପୁଆ ବଦଳରେ କ୍ରିକେଟ ପ୍ରଭୁତି ଖେଳ ମାନ ଆଦୃତ ହେଲାଣି । ଆହୁରି ମଧ୍ୟ ପିଲାମାନଙ୍କ ମଧ୍ୟରେ ଭିଡ଼ିଓ ଗେମ ଓ ମୋବାଇଲରେ ଗେମ୍ ଖେଳିବାର ଆଗ୍ରହ ବି ବଢ଼ିଲାଣି ତତ୍ ସଙ୍ଗେସଙ୍ଗେ ମଧ୍ୟ ପିଲାମାନଙ୍କର ଚଷମାର କାଚ ବି ମୋଟା ହେବାରେ ଲାଗିଲାଣି ।

ବର୍ତ୍ତମାନର ଏ ପ୍ରତିଯୋଗିତା ପୂର୍ଣ୍ଣ ବ୍ୟସ୍ତ ବହୁଳ ଜୀବନ ଭିତରେ ଗୋଟିଏ ପିଲାକୁ ମିଳେ କ’ଣ ! ଏ ପାଠ ପଢ଼ାର ବୋଝରେ ସେ ନିଜେବି ଜାଣିପାରେନି କେତେବେଳେ ସେ ଶୈଶବ ଡ଼େଇଁ ଜୌବନରେ ଉପନିତ ହୁଏ । ଆଜିର ଅଭିଭାବକ ମାନେ ସ୍ୱାସ୍ଥ୍ୟ ବଦଳରେ ପାଠକୁ ଓ ସଂସ୍କାର ବଦଳରେ ଜ୍ଞାନକୁ ଦେଉଥିବା ଏ ଗୁରୁତ୍ୱର ପରିଣାମ ଯେ କ’ଣ ଏ ସବୁ ପ୍ରତି କାହାର ନିଘା ନାହିଁ । ଶୈଶବକୁ ଚାପି ଦେଇ ପିଲାର ଭବିଷ୍ୟତ କ’ଣ ସତରେ ସୁଦୃଢ଼ ହୋଇ ପାରିବ । ଏ ସବୁ ପ୍ରଶ୍ନ ମୋ ଭିତରେ ଉଙ୍କି ମାରିବାର କାରଣ ମୋ ଭିତରେ ବି ଗୋଟେ ଛୋଟ ପିଲା ଅଛି ।

ନାନାବାୟା ବେଲୁନ୍ ଶୈଶବ

Rate the content


Originality
Flow
Language
Cover design

Comments

Post

Some text some message..