Quotes New

Audio

Forum

Read

Contests

Language


Write

Sign in
Wohoo!,
Dear user,
ସାବତ ମା'
ସାବତ ମା'
★★★★★

© Prasant Kumar Nath

Drama

4 Minutes   14.3K    17


Content Ranking

ମା' ନାମରେ ହିଁ ଭରି ରହିଥାଏ ପବିତ୍ରତା । ମା'ସ୍ନେହମୟୀ କରୁଣାମୟୀ । ଯାହାର ପଣତ କାନୀର ଛୁଆଁ ସନ୍ତାନ ଦେହରେ ଖେଳାଇ ଦିଏ ଏକ ମମତମୟୀ ସ୍ପର୍ଶ । ଯାହାର ସ୍ନେହ ମମତା ବିନା ଜୀବନ ନିରର୍ଥକ । ମା'ର ମମତା ସ୍ରୋତ ଠାରୁ ପ୍ରଖର ସାଗର ଠାରୁ ଗଭୀର । ଦୁନିଆଁ ରେ ଏମିତି କିଛି ଶବ୍ଦ ନାହିଁ ଯାହା ମା'ସହିତ ତୁଳନୀୟ । ଯିଏ ନିଜ ଜୀବନକୁ ଉର୍ଚ୍ଚଗିକୃତ କରିଦେଇଥାଏ ନିଜର ସନ୍ତାନ ଲାଗି ।

କିନ୍ତୁ ପିଲାଟି ବେଳରୁ ଯଦି କୌଣସି କାରଣରୁ ପିଲାଟି ମା ଛେଉଣ୍ଡ ହୋଇଯାଏ ତେବେ ସେ ମା ସ୍ନେହ ପାଇବାରୁ ବଞ୍ଚିତ ହୋଇଥାଏ । ଅନେକ ଜାଗାରେ ଦେଖାଯାଏ ଯେ ପିଲାଟି ମା ଛେଉଣ୍ଡ ହେଲା ପରେ ପିତା ଅନ୍ୟତ୍ର ବିବାହ କରିଥାଏ ପିଲାଟିର ଲାଳନପାଳନ କରିବା ସହିତ ମା ର ସ୍ନେହ ମମତା ମଧ୍ୟ ମିଳି ଯାଇଥାଏ । କିନ୍ତୁ ଅନେକ ସ୍ଥଳରେ ଦେଖାଯାଏ ଯେ ମା ହୋଇ ଆସିଥିବା ନାରୀଟି ପିଲାଟି ଉପରେ ନାନା ଅତ୍ୟାଚାର କରିଥାଏ । ଆଉ ନିଜର ଜନ୍ମିତ ଶିଶୁକୁ ଅଗ୍ରାଧିକାର ଦେଇଥାଏ । ଯାହାକୁ ଦୁନିଆଁ କୁହେ ସାବତ ମା ।

ସେଦିନ୍ ମଧ୍ୟ ରାମନାଥ ବାବୁଙ୍କ ସ୍ତ୍ରୀ ସମସ୍ତଙ୍କୁ ଛାଡି ଆରପରିକୁ ଚାଲିଗଲେ । ଲେବର୍ ପେନ ହେବାରୁ ତାଙ୍କୁ ଡାକ୍ତରଖାନାକୁ ନିଆ ଯାଇଥିଲା । ଯେଉଁଠି ସିଏ ଲୋକେଶ କୁ ଜନ୍ମ ଦେଇ ସବୁଦିନ ପାଇଁ ଆଖି ବୁଜି ଦେଇଥିଲେ । ଯେତେବେଳେ ପିଲାକୁ ମା କ୍ଷୀର ନିହାତି ଆବଶ୍ୟକ ସେତେବେଳେ ସେ ଭୋକ ବିକଳରେ ଯେତେ କୁଆଁ କୁଆଁ କାନ୍ଦିଲେବି ମା କ୍ଷୀର ଟିକେ ପାଇନଥିଲା। ଡବା କ୍ଷୀରରେ ପେଟ ସିନା ପୁରି ଯାଏ ।ହେଲେ ମନ କଣ ବୁଝେ ? ପିଲା ପାଇଁ ମାର ପରଶ ଅତୁଳନୀୟ । ମା ହାତର ଛୁଆଁରେ ପିଲାଟି ଅନୁଭବ କରେ ସ୍ୱର୍ଗସୁଖ ।

ଅନେକ ଲୋକ ରମାନାଥଙ୍କୁ ବାଧ୍ୟକଲେ ଦ୍ୱିତୀୟ ବିବାହ କରିବା ପାଇଁ । କିନ୍ତୁ ସାବତ ମା ମାନଙ୍କର କାର୍ଯ୍ୟକଳାପ ଦେଖି ରାମନାଥ ରାଜି ହେଉନଥିଲେ । କିନ୍ତୁ ଲୋକେଶର ମୁହଁକୁ ଚାହିଁ ଶେଷରେ ରାଜି ହୋଇଥିଲେ ଦ୍ୱିତୀୟ ବିବାହ କରିବା ପାଇଁ । ସୁମିତ୍ରା ନାମୀ ଜଣେ ଝିଅ ଲୋକେଶର ସାବତ ମା ସାଜି ଆସିଥିଲେ ।

ସବୁ ଝିଅ ମାନେ ନିଜ ଭବିଷ୍ୟତକୁ ନେଇ କେତେ ସ୍ୱପ୍ନ ଦେଖିଥାନ୍ତି । ସୁମିତ୍ରା ମଧ୍ୟ ଏକ ସୁଖୀ ପରିବାରର ସ୍ୱପ୍ନ ଦେଖିଥିଲା । ସୁମିତ୍ରାର ବାପା ଥିଲେ ବହୁତ ଗରିବ । ଆଜିକାଲି ଯୌତୁକ କଥା ନକହିଲେ ଭଲ। ପୁଅ ପଛେ ବେକାର ହୋଇଥାଉ ଅଡ଼ି ବସେ ଅନେକ ଯୌତୁକ । ସତେ ଯେମିତି ଆଜିକା ପୁଅ ମାନେ ଏକ ଅମୂଲ୍ୟ ସମ୍ପତ୍ତି ଯାହାକୁ କନ୍ୟାପିତା ତାର ଝିଅ ପାଇଁ କିଣିବ । ସେଇଥି ପାଇଁ ତ ଆଜିକାଲି ଲୋକ ମାନେ ଝିଅ ଜନ୍ମ କରିବାକୁ ଡରୁଛନ୍ତି । କାହିଁକିନା ଯୌତୁକ ରୂପକ ରକ୍ଷାସ୍ତି ତାଙ୍କୁ ଯେମିତି ଏକ ସତର୍କ ଘଣ୍ଟି ଦେଉଛି । ଏ ଦୁନିଆଁରେ କେବେ ଯୌତୁକ ମୁକ୍ତ ବିବାହ ହେବ କେଜାଣି । ଯଦି ଝିଅଟି ଗରିବ ତାହେଲେତ କଥା ସରିଲା । ବିବାହ କରିବା ତା ପାଇଁ କାଠିକର ପାଠ ହୋଇ ଯାଉଛି । ସାଧାରଣତଃ ଯେଉଁମାନେ ଦ୍ୱିତୀୟ ବିବାହ କରନ୍ତି ସେମାନେ ବିନା ଯୌତୁକରେ ହିଁ ବିବାହ କରନ୍ତି । ଯେଉଁଥି ପାଇଁ ସୁମିତ୍ରା ରାମନାଥଙ୍କ ଦ୍ୱିତୀୟ ପତ୍ନୀ ହୋଇ ଘରକୁ ଆସିଥିଲା । ତଥାପି ଏକ ସୁଖୀ ପରିବାରର ଆଶା ଟିକକ ଭାଙ୍ଗି ଯାଇ ନଥିଲା ।

ତା ଜୀବନର ପ୍ରଥମ ରାତିରେ ହିଁ ସେ ତାର ସ୍ୱାମୀଙ୍କୁ କହିଥିଲା ସବୁ ସାବତ ମା ମାନଙ୍କୁ ଦୁନିଆଁ ଏକ ଭିନ୍ନ ଦୃଷ୍ଟିରେ ଦେଖେ । ସେ ତାର ସନ୍ତାନ ମାନଙ୍କର ଯେତେ ଯତ୍ନ ନେଲେବି ଯେତେ ସ୍ନେହ ଶ୍ରଦ୍ଧା ଦେଲେବି ସାମାନ୍ୟ କଥାରେ ବି ତାକୁ ନନା ଅପବାଦ ସହିବାକୁ ପଡେ । ପଡେ ପଡେ କଥାରେ ସାବତ ମା ସାବତ ମା ବୋଲି ଗୋଟିଏ ଶବ୍ଦ ତାକୁ ଆକ୍ଷେପ କରେ । ତୁମେ ମୋତେ ବିବାହ କରିଛ ଲୋକେଶ କୁ ଏକ ମା ମିଳିଯାଉ ବୋଲି ଆଉ ମୁଁ ମଧ୍ୟ ସ୍ୱପ୍ନ ଦେଖିଛି ଏକ ସୁଖୀ ପରିବାର । ସୁଖୀ ପରିବାର ତାକୁ ହିଁ କୁହନ୍ତି ଯେଉଁଠି ଥାଏ ବିଶ୍ୱାସ ଓ ଭଲପାଇବାର ଏକ ମଜବୁତ ସମ୍ପର୍କ । ଆଉ ସେହି ବିଶ୍ୱାସ ଓ ଭଲପାଇବାକୁ ମଜବୁତ କରିବାକୁ ସ୍ନେହ ମମତା ପ୍ରେମ ପବିତ୍ରତାର ଆବଶ୍ୟକ ନିହାତି ଜରୁରୀ । ମୋର ଏକ ଛୋଟ ଅନୁରୋଧ ରଖିବ । ତୁମେ ଯଦି ଅନୁମତି ଦେଵ ଆମେ ଆଉ ପିଲା ଜନ୍ମ ନକରି ଆମ ଲୋକେଶକୁ ଏକ ଭଲ ମଣିଷ କରିବା । ଆମ ଦୁହିଁଙ୍କର ସ୍ନେହ ମମତାର ହିଁ ଗଢା ହେବ ତାର ଏକ ସଫଳ ଜୀବନ । ଆଉ ମୁଁ ମଧ୍ୟ ସାବତ ମାଆ କଳଙ୍କର ଅପବାଦ ରୁ ରକ୍ଷା ପାଇବି । କାହିଁକିନା ଟିକେ ଟିକେ କଥାରେ ଲୋକ ମାନେ ଖୁଣ୍ଟା ଦେବେ ତା ଛୁଆକୁ ଭଲ ଦେଖୁଛି କିନ୍ତୁ ସାବତ ପୁଅକୁ ଭଲ ଦେଖୁନି । ସେତେବେଳେ କଣ ଆମ ପରିବାର ଏକ ସୁଖୀ ପରିବାର ହୋଇ ରହି ପାରିବ ?

ରାମନାଥ ବହୁତ ଖୁସି ହୋଇ ଯାଇଥିଲେ । ଆଉ ନିଜେ ଭାବୁଥିଲେ ସେ ଦ୍ୱିତୀୟ ବିବାହ କରିବାକୁ ରାଜି ହେଉନଥିଲେ । କିନ୍ତୁ ଭଗବାନ ତା ଜୀବନରେ ଏମିତି ଏକ ହୃଦୟାବନ ସ୍ତ୍ରୀ ଆଉ ଲୋକେଶକୁ ଏମିତି ଏକ ମମତମୟୀ ମା ଦେବେ ବୋଲି ସେ କେବେବି ଭାବି ନଥିଲେ ।

ସେହିଦିନ ଠାରୁ ସୁମିତ୍ର ଲୋକେଶକୁ ନିଜର ଆଖିର ଜ୍ୟୋତି କରି ରଖିଲେ । ନିଜର ପଣତକାନିରେ ଏମିତି ଢାଙ୍କି ରଖିଲେଯେ ଲୋକେଶ ମାକୁ ଛାଡି ମୁହୂର୍ତ୍ତଟେ ବି ରହି ପାରିଲା ନାହିଁ । ଲୋକେଶ ଆଜି ବହୁତ ବଡ଼ ହୋଇ ସାରିଛି ବିବାହ ମଧ୍ୟ କରି ସାରିଛି । ଆଜି ଯାଏ କେବେବି ସେ ଉପଲବ୍ଧି କରିନିଯେ ତାର ମା ଜଣେ ସାବତ ମା । ଆଉ ସୁମିତ୍ରା ମଧ୍ୟ ବହୁତ ଖୁସି ହେଉଥାନ୍ତି ଯେ ତାଙ୍କର ସ୍ୱପ୍ନ ଆଜି ସାକାର ହୋଇଛି । ଆଉ ତାଙ୍କୁ ମିଳି ଯାଇଛି ଏକ ସୁଖୀ ପରିବାର । ରାମନାଥ ଆଜି ଭାବୁଛନ୍ତି ସେ ଦ୍ୱିତୀୟ ବିବାହ କରି ଭୁଲ୍ କରି ନାହାନ୍ତି ।

ଆଉ ସେମାନଙ୍କ ହସ ଖୁସି ଭରା ପରିବାରକୁ ଦେଖି ସମସ୍ତେ କହୁଛନ୍ତି ସତରେ ସୁମିତ୍ର ଦେବୀ ମହାନ ।

ସୁମିତ୍ରା ପ୍ରମାଣିତ କରିଦେଇଛନ୍ତି ମା ମାନେ ହିଁ ମା । ତେଣିକି ସିଏ ଜନ୍ମଦାତ୍ରୀ ମା ହେଇଥାନ୍ତୁ କି ସାବତ ମା ।

ପ୍ରଶାନ୍ତ କୁମାର ନାଥ

ସୁନ୍ଦରପୁର,ଉତ୍ତରକୂଳ ହାଟ୍,ପ୍ରୀତିପୁର,ଯାଜପୁର ।

ରାମନାଥ ମା ଲୋକେଶ

Rate the content


Originality
Flow
Language
Cover design

Comments

Post

Some text some message..