Quotes New

Audio

Forum

Read

Contests


Write

Sign in
Wohoo!,
Dear user,
ବିକ୍ରମ ବେତାଳ - ୫୨
ବିକ୍ରମ ବେତାଳ - ୫୨
★★★★★

© ଓଡିଆ ଶିଶୁ ଗପ

Children

3 Minutes   6.7K    9


Content Ranking

ବେତାଳ ଗୁପ୍ତ ରହଣୀ

ସନ୍ଧ୍ୟା ଆଗମନ ହୋଇ ରାତ୍ରି ହେଲା । ଦାସୀମାନଙ୍କୁ ନିଜ ନିକଟରୁ କମଳିନୀ ବିଦାୟ ଦେଲା । ତାପରେ ସ୍ୱର୍ଗର ଗନ୍ଧର୍ବ ଚିତ୍ରରଥପାଇଁ ନାନା ପ୍ରକାର ସୁଖାଦ୍ୟ ସଜାଡି ରଖିଲା । ନିଜର ଶୟନ ମନ୍ଦିରର ଏସମସ୍ତ ଦରବ ଠୁଳ କଲା । ନିଜେ ଅଭିସାରିକା ବେଶରେ ସଜାଇ ହୋଇ ଚିତ୍ରରଥର ଆଗମନକୁ ପ୍ରତିକ୍ଷା କଲା । ତାଳ, ବେତାଳ ଗୃହ ମଧ୍ୟରେ ଲୁଚିଥିଲେ । ରାଜଜେମାର ବ୍ୟଭିଚାରିଣୀ କର୍ମ ଦେଖି ଚିତ୍ରରଥ ଲାଗି ରଖିଥିବା ସୁସ୍ୱାଦୁ ଖାଦ୍ୟଦ୍ରବ୍ୟକୁ ଭକ୍ଷଣ କରି ବିଭିନ୍ନ ପାତ୍ରରେ ପଚାପାଣି ରଖିଲେ । ତା’ପରେ କ’ଣ ଘଟିବ ଅପେକ୍ଷାରେ ରହିଲେ । ଚିତ୍ରରଥ ଗନ୍ଧର୍ବ ଏହି ସମୟରେ ପ୍ରବେଶିଲା । କମଳିନୀ ତା’ର କରଧରି ତାକୁ ଘେନିଗଲା । ଜଳରେ ପଦରଖି ଧୋଇଦେଲା । ନିଜ ହସ୍ତରେ କମଳିନୀ ତାକୁ ଖୁଆଇ ଦେଲା । ଗନ୍ଧର୍ବ ଥୁ ଥୁ କରି ପାଟିରୁ ପକାଇ ଦେଲା । କହିଲା ଆଲୋ ଚଣ୍ଡାଳୁଣୀ ମୋ ମୁଖରେ ବିଷ୍ଠା ଭରି ଦେଲୁ । ଚିତ୍ରରଥ ଗନ୍ଧର୍ବର କଥା ଶୁଣି କମଳିନୀ ଚକିତ ହେଲା । ଚିତ୍ରରଥ ଜଳପାନ କରିବାକୁ ଉଦ୍ୟମ କରନ୍ତେ ତାହା ଘୋଡା ମୂତ ପରି ଲାଗିଲା । ଘୃଣାରେ ସମସ୍ତ ଦ୍ରବ୍ୟ ଗନ୍ଧର୍ବ ବର୍ଜନ କଲା । ଚିତ୍ରରଥ ତାମ୍ବୁଳ ଖାଆନ୍ତେ ହାଲିଆ ହେଲା । କ୍ରୋଧାନ୍ୱିତ ହୋଇ କମଳିନୀ କାନ୍ଦି କାନ୍ଦି କହିଲା । ମୁଁ ସମସ୍ତ ଭଲ ପଦାର୍ଥ ରଖିଥିଲି । ଏପରି ହେବାଟା କଥା ମୁଁ କିଛି ଜାଣିନାହିଁ ।

ଚିତ୍ରରଥ କହିଲା ମୁଁ ଜାଣେ । ନୂତନ ସ୍ୱାମୀକୁ ପାଇ ତୁ ମୋତେ ଭୁଲି ଗଲୁଣି । ପରନାରୀ ପ୍ରୀତି ଭଲ ନୁହେଁ । ଏପରି ବଚନ ତା’ଠାରୁ ଶ୍ରବଣ କରି କମଳିନୀ ତା’ର ପାଦ ଧରିଲା । କହିଲା ତୁମ୍ଭ ବ୍ୟତିତ ଅନ୍ୟ କେଉଁ ପୁରୁଷକୁ ମୁଁ ନୟନରେ ଦେଖିନାହିଁ । ମୋ ଠାରେ ବିଶ୍ୱାସ ରଖି ମୋତେ କ୍ଷମାକର । ମୋର ଅଲକ୍ଷରେ କେହୁ ଏପରି କୁକର୍ମ ଆଚରଣ କରିଛି । କାଲିଠାରୁ ମୁଁ ସାବଧାନ ହେବି । ମୋର ଦୋଷ କ୍ଷମାଦିଅ । ତୁମ୍ଭ ଯୋଗୁଁ ମୋର ବିବାହିତ ସ୍ୱାମୀଙ୍କ ମୁଖ ମୁଁ ଅବଲୋକନ କରିନାହିଁ । ଦାସୀମାନଙ୍କୁ ମୋ ସ୍ୱାମୀ ନିତି କହୁଛନ୍ତି, ହେଲେ ମୁଁ କିଛି ଶୁଣୁ ନାହିଁ । ଏପରି ନାନା ଚାଟୁ ବଚନ କରି କମଳିନୀ ଗନ୍ଧର୍ବକୁ ଭୁଲାଇଲା । ଚିତ୍ରରଥ କମଳିନୀକୁ କୋଳରେ ବସାଇ ଚୁମ୍ବନ ଦେଲା । ତା’ପରେ ଆରମ୍ଭ ହେଲା ରତିକ୍ରୀଡା । ଶେଷରେ ଗନ୍ଧର୍ବ ସ୍ୱର୍ଗକୁ ଗଲା । ତାଳ ବେତାଳ ଦୁହେଁ ବିକ୍ରମାଦିତ୍ୟଙ୍କ ନିକଟରେ ପ୍ରବେଶି ଗତ ରାତ୍ରିର ଯାହା ଘଟଣା ସମସ୍ତ କହିଗଲେ । ବିକ୍ରମାଦିତ୍ୟ କମଳିନୀ କଥା ଶ୍ରବଣ କରି ନିଘୋଡ ନିଦ୍ରାରେ ଶୟନ କଲେ । ଦାସୀମାନେ ବିକ୍ରମାଦିତ୍ୟଙ୍କୁ ଉଠାଇବାରୁ ଉଠିଲେ । ପୁନର୍ବାର ଦାସୀଙ୍କୁ କହିଲେ ମୁଁ ଭଲ ସ୍ୱପ୍ନ ଦେଖୁଥିଲି । ତୁମ୍ଭେ ମୋତେ ଉଠାଇ ଦେଲ । ଦାସୀମାନେ କହିଲେ ହେ ରାଜନ କୁହନ୍ତୁ ଆମ୍ଭେମାନେ ଶୁଣିବୁ ।

ବିକ୍ରମାଦିତ୍ୟ କହିଲେ ଆଜି ରାତ୍ରି ସ୍ୱପନରେ ଦେଖିଲି ତୁମ୍ଭ ଜେମା ଖାଦ୍ୟଦ୍ରବ୍ୟ ରଖି ସ୍ୱର୍ଗର ଗନ୍ଧର୍ବ ଚିତ୍ରରଥକୁ ଅପେକ୍ଷା କରିଥିଲେ । ଚିତ୍ରରଥ ପ୍ରବେଶନ୍ତେ ତାଙ୍କର ପାଦଧୋଇ ପଲଙ୍କରେ ବସାଇଲା । ପ୍ରେତଗଣ କାମିନୀର ଖାଦ୍ୟ ପଦାର୍ଥ ବଦଳାଇ ଦେଇଥିଲେ । ପ୍ରତ୍ୟେକ ଖାଦ୍ୟ ଖାଇ ମଳ ମୂତ୍ର ଭରି ଦେଇଥିଲେ । ସେ ଖାଦ୍ୟ ଖାଇ ଗନ୍ଧର୍ବ କ୍ରୋଧାନ୍ୱିତ ହୋଇ ତୁମ୍ଭ ରାଜଜେମାଙ୍କୁ ନିସ୍ତୁକ ମାଡ ମାରିଲା । ବହୁତ ବିନୟ ହୋଇ ରାଜଜେମା ତା’ର ପାଦ ଧରନ୍ତେ ତାଙ୍କୁ ଆଲିଙ୍ଗନ କରି ରତିକ୍ରୀଡା କରି ପଳାଇଗଲା । ଆଜି ସ୍ୱପ୍ନରେ ଏ ସମସ୍ତ କଥା ମୁଁ ଦେଖିଲି । ପରିଚାରୀଗଣ ବିକ୍ରମାଦିତ୍ୟଙ୍କଠାରୁ ଏକଥା ଶୁଣି କମଳିନୀ ପାଖକୁ ଗଲେ । କମଳିନୀ ମୁଖ ବିବର୍ଣ୍ଣ ଦିଶୁଥିଲା । ଏମାନେ ସମସ୍ତେ କମଳିନୀକୁ ଦେଖି ହସି ଦେଲେ । ହସିବାର କାରଣ କମଳିନୀ ପଚାରନ୍ତେ ଦାସୀମାନେ ବିକ୍ରମାଦିତ୍ୟଙ୍କ ଠାରୁ ଶୁଣିଥିବା ସମସ୍ତ ଘଟଣା କହିଗଲେ । କମଳିନୀ ସମସ୍ତ ଶୁଣି ମନରେ ଚିନ୍ତାକରି କହିଲେ, ମୋର ସ୍ୱାମୀ ସାଧାରଣ ମାନବ ନୁହଁନ୍ତି ଦେବତା । ମୁଁ ଏବେ ତାଙ୍କ ସମ୍ମୁଖକୁ ଯିବି କିପରି? କୁମାରୀ ବ୍ରତ ମୋର ପୂର୍ଣ୍ଣ ହେଲେ ତାଙ୍କ ଚରଣ ତଳେ ମୁଁ ଖଟିବି । ସେ ବିଟପି ନାଗରୀ ଏପରି କହି ଚାଲିଗଲା ।

ଆଗମନ ଚିତ୍ରରଥ ରାଜନ

Rate the content


Originality
Flow
Language
Cover design

Comments

Post

Some text some message..