ଈଶ୍ୱରଙ୍କ ଠିକଣା
ଈଶ୍ୱରଙ୍କ ଠିକଣା
ସ୍କୁଲରେ ଶିକ୍ଷକ ପିଲାଙ୍କୁ ପଚାରିଲେ,"ଆଛା ,ପିଲେ କହିଲ,ଈଶ୍ୱର କେଉଁଠି ରହନ୍ତି ?"
ରାଜୁ ହାତ ଟେକିଲା।ଖୁସି ହୋଇ ଶିକ୍ଷକ ପଚାରିଲେ "ତୁମେ ଜାଣିଛ ଈଶ୍ୱରଙ୍କ ଠିକଣା ?କୁହ।"
" ସାର୍, ଭଗବାନ ତିନିଟା ଜାଗାରେ ରୁହନ୍ତି।"
ଅତିଶୟ ଆନନ୍ଦରେ ଶିକ୍ଷକ କହିଲେ, "ମନ,ହୃଦୟ ଓ ମନ୍ଦିର ରେ ତ "?
ନାସ୍ତିସୂଚକ ମୁଣ୍ଡ ହଲାଇ ରାଜୁ କହିଲା, "ବୟସ ଥିଲା ପର୍ଯ୍ୟନ୍ତ ଈଶ୍ୱର ଘରେ ରୁହନ୍ତି, ବୁଢ଼ା ବୁଢ଼ୀ ହୋଇଗଲେ ଈଶ୍ୱର ,ବୃଦ୍ଧାଶ୍ରମରେ ରୁହନ୍ତି ଓ ମରିଗଲେ ଈଶ୍ଵର ଫଟରେ ରହି ଫୁଲମାଳ ସହ ପୂଜା ପାଆନ୍ତି ।"
ଶିକ୍ଷକ ଜଡ ପାଲଟି ଯାଉଥିଲେ।