Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

ଓଡିଆ ଶିଶୁ ଗପ

Children

3  

ଓଡିଆ ଶିଶୁ ଗପ

Children

କୁମ୍ଭୀର, ମାଙ୍କଡ କଥା

କୁମ୍ଭୀର, ମାଙ୍କଡ କଥା

3 mins
7.7K


ସମୁଦ୍ର କୂଳରେ ଏକ ବଡ ଜାମୁ କୋଳି ଗଛ ଥିଲା । ସେହି ଗଛରେ ବର୍ଷସାରା ଜାମୁକୋଳି ଫଳିଥାଏ । ସେହି ଗଛରେ ରକ୍ତମୁଖ ନାମକ ମାଙ୍କଡ ବାସ କରୁଥାଏ । ଦିନକର କଥା, କରାଳମୁଖ ନାମକ ଏକ କୁମ୍ଭୀର ସମୁଦ୍ରର ଢେଉ କାଟି କାଟି ସେହି ଗଛ ମୂଳରେ ଆସି ପହଁଚିଲା । ମାଙ୍କଡଟି କୁମ୍ଭୀରକୁ ଦେଖି ମନେ ମନେ ବହୁତ ଖୁସି ହୋଇଗଲା । ସଂଗେ ସଂଗେ ତା’ ସହିତ ବନ୍ଧୁତା ଜମାଇ ଦେଲା । କିଛି ସମୟ ପରେ ତା’ସହିତ କଥାବାର୍ତ୍ତା କରିବାପରେ, ତାକୁ ସେହି ଗଛରେ ପାଚିଥିବା ଜାମୁକୋଳି ଖାଇବାକୁ ଦେଲା । କୁମ୍ଭୀରଟି ମନ ଆନନ୍ଦରେ ଜାମୁକୋଳି ଖାଇ, ମାଙ୍କଡକୁ ବହୁତ ପ୍ରଶଂସା କଲା ।

ଏହିପରି ପ୍ରତିଦିନ କୁମ୍ଭୀର ଜାମୁକୋଳି ଗଛ ନିକଟକୁ ଆସେ । ମାଙ୍କଡ ତାକୁ ଜାମୁକୋଳି ଦିଏ । ସେ ମନ ଆନନ୍ଦରେ କୋଳି ଖାଇଥାଏ । ଉଭୟେ ଦୀର୍ଘ ସମୟ ଏହି ବୃକ୍ଷ ତଳେ ଗପସପ କରନ୍ତି । ଦିନକୁ ଦିନ ଏମାନଙ୍କ ମଧ୍ୟରେ ବନ୍ଧୁତା ବଢିଲା । କୁମ୍ଭୀରଟି ନିଜେ କୋଳି ଖାଇବା ସଂଗେ ସଂଗେ ପ୍ରତିଦିନ ତା’ର ସ୍ତ୍ରୀ ପାଇଁ ମଧ୍ୟ କିଛି କୋଳି ନେଇଯାଏ । ସ୍ତ୍ରୀ ତ କେବେହେଲେ ଏପରି ସ୍ୱାଦିଷ୍ଟ କୋଳି ଖାଇନଥିଲା । ଦିନେ ସ୍ୱାମୀଙ୍କୁ ପଚାରିଲା ତୁମେ ଏତେ ସ୍ୱାଦିଷ୍ଟ କୋଳି କେଉଁଠାରୁ ପାଇଲ? କୁମ୍ଭୀରଟି ଉତ୍ତର ଦେବାକୁ ଯାଇ କହିଲା, “ମୋର ଏକ ଘନିଷ୍ଠ ବନ୍ଧୁ ସମୁଦ୍ର କୂଳରେ ଥିବା ଜାମୁକୋଳି ଗଛରେ ରହୁଛି । ସେ ମୋତେ ପ୍ରତିଦିନ ଏହି ଜାମୁକୋଳି ଖାଇବାକୁ ଦିଅନ୍ତି । କୁମ୍ଭୀରର ସ୍ତ୍ରୀ ତା’ର ସ୍ୱାମୀଙ୍କୁ ପଚାରିଲା, “ତୁମ ବନ୍ଧୁ ତ’ ତା ହେଲେ ସବୁଦିନ ଏହି କୋଳି ଖାଉଥିବେ । ତାଙ୍କର କଲିଜାଟା କେତେ ସ୍ୱାଦିଷ୍ଟ ହୋଇନଥିବ”? କାହିଁକି କେଜାଣି ମୋର ସେଇ ମାଙ୍କଡ ବନ୍ଧୁଙ୍କ କଲିଜା ଖାଇବାକୁ ବହୁତ ଇଚ୍ଛା ହେଉଛି । ତୁମେ ମୋତେ ତାଙ୍କରି କଲିଜା ଆଣି ଖାଇବାକୁ ଦେବ ନା? ସେହି ମାଙ୍କଡର କଲିଜା ଖାଇବା ପରେ ମୋ ଦେହରୁ ସମସ୍ତ ରୋଗ ବୈରାଗ ଦୂର ହୋଇଯିବ ।

ସ୍ତ୍ରୀର କଥାଶୁଣି କରାଳମୁଖ କହିଲା, ପ୍ରିୟେ! ତୁମେ ସେପରି କଥା କୁହନାହିଁ । ମୁଁ ମୋର ବନ୍ଧୁଙ୍କୁ ପ୍ରାଣଭରି ଭଲପାଏ ଏବଂ ଆଜି ପର୍ଯ୍ୟନ୍ତ ତାଙ୍କୁ ଏକ ଭାଇ ଦୃଷ୍ଟିରେ ଦେଖି ଆସିଛି । ସେ ମୋ ପ୍ରତି ଅତ୍ୟନ୍ତ ଦୟାବାନ୍ । ପ୍ରତିଦିନ ସେ ମୋତେ ସ୍ୱାଦିଷ୍ଟ କୋଳି ଖାଇବାକୁ ଦିଅନ୍ତି । ଆମ ଦୁଇଜଣଙ୍କ ମଧ୍ୟରେ ଭାତୃତ୍ୱ ଭାବ ଏତେ ବଢିଯାଇଛି ଯେ ମା’ ପେଟର ଭାଇଠାରୁ ମଧ୍ୟ ଆମ ଦୁଇଜଣଙ୍କ ମଧ୍ୟରେ ସମ୍ପର୍କ ନିବିଡ । ତେଣୁ ତୁମେ ଦୟାକରି ଏପରି କଥା କୁହ ନାହିଁ । କୁମ୍ଭୀରର କଥା ଶୁଣି ତା’ର ସ୍ତ୍ରୀ ଭୀଷଣ ରାଗିଗଲା ଓ ତା’କୁ ନାନାଦି କଟୁକଥା କହି ଭର୍ସିନା କଲା । କୁମ୍ଭୀର ତା’ର ସ୍ତ୍ରୀକୁ ଯେତେ ବୁଝାଇଲେ ମଧ୍ୟ ସେ ବୁଝିବାକୁ ନାରାଜ । ତା’ର ଏକାଜିଦ୍ ଯେ ସେ ମାଙ୍କଡ କଲିଜା ଖାଇବ ହିଁ ଖାଇବ । ଯଦି ସେ ମାଙ୍କଡ କଲିଜା ନଖାଏ, ତା’ହେଲେ ସେ ବଂଚିବ ନାହିଁ ।

ବିଚରା କୁମ୍ଭୀର କରିବ କ’ଣ? ଏପଟେ ବନ୍ଧୁର ବନ୍ଧୁତ୍ୱକୁ ଚାହିଁବ ନା’, ସେପଟେ ପତ୍ନୀର ସ୍ନେହ ପ୍ରେମକୁ ଚାହିଁବ । ତହିଁଆରଦିନ ମୁହଁ ଶୁଖାଇ ମାଙ୍କଡ ନିକଟରେ ଯାଇ ପହଁଚିଲା । ବନ୍ଧୁର ଡେରି ହେବାର ଦେଖି ମାଙ୍କଡ ଡେରିର କାରଣ ଜାଣିବାକୁ ଚାହିଁଲା । କୁମ୍ଭୀର କହିଲା, ‘ବନ୍ଧୁ’! କ’ଣ କହିବି ତୁମ ଭାଉଜଙ୍କୁ, ସେ ମୋ ସହିତ ଲଗାଇଛନ୍ତି ତୁମ କଲିଜା ଯେମିତିହେଲେ ସେ ଖାଇବେ । ତେଣୁ ଆଜି ତୁମକୁ ମୋ ସହିତ ଘରକୁ ଯିବାକୁ ପଡିବ । କୁମ୍ଭୀରର କଥାଶୁଣି ମାଙ୍କଡ ଆନନ୍ଦ ପ୍ରକାଶ କରି କହିଲା, ‘ବନ୍ଧୁ’! ତୁମେ କହୁଛ ଯେତେବେଳେ ମୁଁ ନଯାଇ କ’ଣ ରହିପାରିବି । ମୋର ଭଉଣୀ ତା’ହେଲେ ଠିକ୍ କଥା କହୁଥିଲା । ବନ୍ଧୁତ୍ୱ ସଂପର୍କରେ ଛଅ ପ୍ରକାରର କଥା ରହିଛି । ବନ୍ଧୁଠାରୁ ସବୁ ସମୟରେ କିଛି ଆଣିହୁଏ ନାହିଁ । ବନ୍ଧୁଙ୍କୁ ମଧ୍ୟ କିଛି ଦେବାକୁ ପଡିଥାଏ । ବନ୍ଧୁଙ୍କୁ ଯାହା ଶୁଣାଇବା କଥା ତାହା ଶୁଣାଇବ ଏବଂ ଯାହା ଗୁପ୍ତ ରଖିବା କଥା ତାହା ଗୁପ୍ତ ରଖିବ । ଆବଶ୍ୟକ ସମୟରେ ବନ୍ଧୁଙ୍କୁ ମଧ୍ୟ ଖୁସି କରିବା ପାଇଁ ଚେଷ୍ଟା କରିବ ।

ଏହା କହିସାରି ମାଙ୍କଡଟି କହିଲା, ‘ବନ୍ଧୁ’! ମୁଁ ତ’ ହେଲି ଗୋଟିଏ ଜଙ୍ଗଲୀ ପଶୁ । ତୁମର ଘରତ ପାଣି ମଝିରେ । ମୁଁ ସେଠାକୁ ଯିବି କିପରି? ମାଙ୍କଡର ଉତ୍ତର ଶୁଣି କୁମ୍ଭୀର କହିଲା, ‘ସମୁଦ୍ର ମଝିରେ ଏକ ଦ୍ୱୀପ ଅଛି । ସେହି ଦ୍ୱୀପ କୂଳରେ ମୁଁ ବସାକରି ରହୁଛି । ତେଣୁ ତୁମେ ଚିନ୍ତାନକରି ମୋ ପିଠି ଉପରେ ବସିପଡ । ମୁଁ ପହଁରି ପହଁରି ତୁମକୁ ନେଇ ସେଠାରେ ପହଁଚିବି । ଆଦୌ ଭୟ ନକରି ମୋ ପିଠି ଉପରେ ବସିପଡ । କୁମ୍ଭୀରର କଥା ଶୁଣି ମାଙ୍କଡଟି କହିଲା, “ଯଦି ଏହି କଥା, ତା’ ହେଲେ ଆଉ ଡେରି କାହିଁକି? ମୁଁ ସଂଗେ ସଂଗେ ବାହାରୁଛି । ଏହା କହି ମାଙ୍କଡ ସଂଗେ ସଂଗେ ଯାଇ କୁମ୍ଭୀରର ପିଠି ଉପରେ ବସିପଡିଲା ।


Rate this content
Log in

Similar oriya story from Children