✿ ବର୍ଷାର ପ୍ରେମରେ ✿
✿ ବର୍ଷାର ପ୍ରେମରେ ✿
{୧}
- ଗୋଟାପଣେ ଭିଜିଯାଇଛୁ ?
- ଭିଜିବିନି ? ଛତା କି ବର୍ଷାତିଟେ' ତ ନାହିଁ ମୋର !
- କେଉଁଠି ଟିକେ ରହିଯାଇଥାନ୍ତୁ ଭଲା ! ବୁଦ୍ଧିଶୁଦ୍ଧି ନାହିଁ ?
ଶାଢୀ ପଣତରେ ପୋଛିପକାଇଲା ମା ଝିଅର ଦେହମୁଣ୍ଡକୁ ।
{୨}
- ଆଜି ପୁଣି ଭିଜିଭିଜି ଆସିଛୁ ?
- ସରି ମାମା ! ଛତା ନେବାକୁ ଭୂଲିଯାଇଥିଲି ।
- ତୋ' ମନ ନା ଆଉକଣ ? କେଉଁଠି ଟିକେ ରହିଯାଇଥାନ୍ତୁ ଭଲା ! ବୁଦ୍ଧିଶୁଦ୍ଧି ନାହିଁ ? କାଲି ଗଲାବେଳେ ମନେପକାଇ ନେବୁ ।
ଶାଢୀ ପଣତରେ ପୋଛିପକାଇଲା ମା ଝିଅର ଦେହମୁଣ୍ଡକୁ ।
{୩}
- ଇସ୍ ! ଏମିତି କିଏ କଣ ତିନ୍ତନ୍ତି ? ପୁରା ଜଡ଼ସଡ ? ଥଣ୍ଡା , କାଶ , ଜ୍ୱରକୁ ନିଘା ନାହିଁ ? ତୋତେ ପାରି ହେବନି । ରହ ଦଉଛି !
ଟାୱେଲ୍ ଖୋଜିବାରେ ମା' ବ୍ୟସ୍ତ ଥିଲାବେଳେ , ଫିକ୍ କରି ହସିଦେଇ ମା' ଗାଲରେ ସରୁଚୁମାଟେ ଆଙ୍କିଦେଇ ପଢାଘରକୁ ଚାଲିଗଲା ମାମୁନି ।
ଏଥର ଯାଇ ବିଚାରୀ ମା'କୁ ବୁଝାପଡିଲା ଯେ ବର୍ଷା ପ୍ରେମରେ ପଡିଯିବା ଭଳି ବୟସ ହୋଇସାରିଲାଣି ଝିଅକୁ !
ତା' ଆନମନା ମନକୁ ଆୟତ୍ତ କରିବାର ଲକ୍ଷେ ଯୋଜନା ପାଞ୍ଚିବାରେ ଲାଗିପଡ଼ିଲା ମାଆଟି'
✿ ଅମିୟ ବେଜ୍ , ଘଟଗାଁ , କେନ୍ଦୁଝର ✿