ଭିନ୍ନ ମତ
ଭିନ୍ନ ମତ
ନଣନ୍ଦଙ୍କ ଶ୍ୱଶୁର ମରିଗଲେ l
ସମସ୍ତଙ୍କ ସହିତ ମୁଁ ବି ଯାଇଥିଲି ଶଙ୍ଖୁଳିବା ପାଇଁ l କାନ୍ଦି କାନ୍ଦି ଅଣାୟତ୍ତ ହେଇଯାଉଥିବା ନଣନ୍ଦଙ୍କ ନଣନ୍ଦଙ୍କୁ କେହି କେହି ଆଶ୍ୱାସନା ଦେଇ ନ କାନ୍ଦିବା ପାଇଁ କହୁଥିଲେ ଏବଂ ନଣନ୍ଦଙ୍କ ଶ୍ୱଶୁର ପୁଣି ତାଙ୍କ ପୁଅ ହୋଇ ଆସିବେ ବୋଲି ପ୍ରବୋଧନା ଦେଉଥିଲେ l ସେତେବେଳକୁ ସେ ପ୍ରଥମ ସନ୍ତାନ ଅପେକ୍ଷାରେ ଥିଲେ l
ଏହାର କିଛି ବର୍ଷ ପରେ ମୋ ଶାଶୁ ମରିଗଲେ l ନଣନ୍ଦ ଆସିଥିଲେ ତାଙ୍କ ଝିଅକୁ ନେଇ l ସେତେବେଳକୁ ସେ ବି ଦ୍ୱିତୀୟ ସନ୍ତାନ ଅପେକ୍ଷାରେ l କିନ୍ତୁ କେହି ଜଣେ ବି ତାଙ୍କୁ ପ୍ରବୋଧନା ଦେଇ କହୁ ନ ଥିଲେ ଯେ ବୋଉ ତାଙ୍କର ଝିଅ ହୋଇ ପୁଣି ଥରେ ଜନ୍ମ ନେବେ ବୋଲି l
ଏତେ ଦୁଃଖରେ ବି ମୋତେ ହସ ଲାଗିଲା l