Quotes New

Audio

Forum

Read

Contests


Write

Sign in
Wohoo!,
Dear user,
ମହାଭାରତ (୫୦)
ମହାଭାରତ (୫୦)
★★★★★

© Krupasindhu Mishra

Classics

2 Minutes   1.3K    9


Content Ranking

ମହାଭାରତ (୫୦)

କୃପାସିନ୍ଧୁ ମିଶ୍ର 

ରାଜା ଦ୍ରୁପଦ ସବୁ ଶୁଣି ଭାବିଲେ, ମୋ ଝିଅକୁ ଆଉ କିଏ ହୋଇଥିଲେ ମୁଣ୍ଡରେ ବସାଇଥାଆନ୍ତା, ଏମାନେ କେତେ ସମର୍ଥ ହୋଇଥିବେ ଯେ ୟାଙ୍କ ପାଦତଳେ ମୋ ଝିଅ ଶୋଇଛି ! ନିଶ୍ଚୟ ୟା ମଧ୍ୟରେ କିଛି ରହସ୍ୟ ଅଛି । ସେ ନିଜେ ‍‌‍‌ଆସିଲେ ପାତ୍ରମନ୍ତ୍ରୀଂକୁ ଧରି । ଚକ୍ରୀ କରୁଣାକର ଓ ତାଙ୍କର ପତ୍ନୀ କୁନ୍ତୀଙ୍କୁ ଉଠାଇ 'ରାଜା ତାଙ୍କ ଦ୍ୱାରକୁ ଆସିଛନ୍ତି' ବୋଲି କହିଲେ । ପତ୍ନୀ ରିଷିତା ଦ୍ରୌପଦୀଙ୍କୁ ସୁବାସିତ ଜଳରେ ସ୍ନାନ କରାଇ ପ୍ରସାଧନ କରାଇଦେଲେ । ଯୁଧିଷ୍ଠିର ସ୍ମରଣ କଲେ କୃଷ୍ଣ, ବଳରାମ ଓ ବ୍ୟାସଙ୍କୁ । ସେମାନେ ଆସିବାରୁ ସସ୍ତ୍ରୀକ ଦେବତାମାନେ ଓ ସବୁ ପ୍ରସିଦ୍ଧ ମୁନିଋଷି ଓ ଧୌମ୍ୟ ପୁରୋହିତ ପ୍ରଭୃତି ଆସି ପହଞ୍ଚିଲେ । ଦ୍ରୁପଦ ବାହାରୁ ଥାଇ ଡାକୁଥାନ୍ତି, "ଲାଖବିନ୍ଧା ପଣ୍ଡା କିଏ ଆସ, ମୁଁ ମୋ କନ୍ୟାଦାନ ପାଇଁ ତୁମକୁ ବରଣ କରିବାକୁ ଆସିଛି ।" ବାରମ୍ବାର ଡାକିବା ପରେ ପାଞ୍ଚଜଣଯାକ ହାତ ଧରାଧରି ହୋଇ ବାହାରିଲେ । ଦ୍ରୁପଦ ଆଶ୍ଚର୍ଯ୍ୟ ହୋଇ ଚାହିଁଲେ । କୃଷ୍ଣ, ବଳରାମ, ବ୍ୟାସ ପ୍ରଭୃତି ଅଦୃଶ୍ୟ ଭାବରେ ଥାନ୍ତି । ମାତା କୁନ୍ତୀ ପାଞ୍ଚଭାଇଯାକ ଏକା ଦ୍ରୌପଦୀଙ୍କୁ ବିବାହ କରିବେ ବୋଲି କହିବାରୁ ଦ୍ରୁପଦ ବିସ୍ମୟ ପ୍ରକାଶ କଲେ ।  ସେ କହିଲେ, “ଏହା କିପରି ସମ୍ଭବ ହେବ ?” ଧୃଷ୍ଟଦ୍ୟୁମ୍ନ ଓ ଶିଖଣ୍ଡୀ ମଧ୍ୟ ଏ କଥାରେ କ୍ରୋଧ ପ୍ରକାଶ କରି "ଏହା ଅସମ୍ଭବ" ବୋଲି କହିଲେ । କିନ୍ତୁ ଯୁଧିଷ୍ଠିର "ମାତୃଆଦେଶ" ଆମେ ଲଙ୍ଘିପାରିବୁ ନାହିଁ ବୋଲି କହିବାରୁ ଦ୍ରୁପଦ ତାଙ୍କୁ ଦରିଦ୍ର ବ୍ରାହ୍ମଣ ଭାବି କଟୁବାକ୍ୟ ପ୍ରୟୋଗ କରିବାକୁ ଆରମ୍ଭ କଲେ । ଏହା ଦେଖି ବାସୁଦେବ ବ୍ୟାସଙ୍କୁ କହିଲେ, "ଆପଣ ଏବେ ପ୍ରକଟ ହୋଇ ସମସ୍ୟାର ସମାଧାନ କରନ୍ତୁ, ନହେଲେ ଅଚିରେ ବୀର ଭୀମସେନର କ୍ରୋଧ ଯେକୌଣସି ଦୁର୍ଘଟଣା ଘଟାଇପାରେ ।" ଋଷି ବ୍ୟାସଙ୍କୁ ଦେଖି ଦ୍ରୁପଦ ତାଙ୍କୁ ଯଥାବିଧି ସମ୍ମାନ କଲେ ଓ ଉପସ୍ଥିତ ସମସ୍ୟା ବିଷୟରେ କହିଲେ । ସେ କହିଲେ, "ଆପଣ ନିଜେ ତାକୁ ଯଜ୍ଞରୁ ଜାତ କରାଇଛନ୍ତି । ମହାଦେବଙ୍କ ଅନୁଗ୍ରହରୁ ଜନ୍ମଲାଭ କରିଥିବା ମୋର ଏହି ଅଲିଅଳୀ କନ୍ୟାର ଭାଗ୍ୟରେ କ'ଣ ଏଇଆ ଲେଖା ଥିଲା ?"

(କ୍ରମଶଃ) 

 

ମହାଭାରତ (୫୦)

Rate the content


Originality
Flow
Language
Cover design

Comments

Post

Some text some message..