ପରଳ

ସମୟର ଅବିଶ୍ରାନ୍ତ ଧୂଳି ଖେଳ ପରେ , ପେଣ୍ଡୁଲମ ପରି ଓହଳି ଯାଇଥିଲା ଗୋଟେ ଅନୁଭବୀ ଟାଣୁଆ ଚମଡାର ଅତିରିକ୍ତ ବାଚଳତା ।

କଥା କୁହା ଚଢ଼େଇର ନିଶବ୍ଦ ବସାରୁ ଭାସି ଆସୁଥିଲା କିଛି

ବେତାଳିଆ କିଚିରି ମିଚିରି ସଙ୍ଗୀତ ।

ପାପରୁ ପୁଣ୍ୟ ଯାଏ ଦୋହଲୁଥିବା ଗୋଟେ ଧୁସରିଆ ଅଳନ୍ଦୁ ତଳେ ଫିକା ପଡିଗଲା ଶୁଖିଲା ଆଖିର ଜଳଜଳ କାଚବିନ୍ଦୁ ।

ତତଲା କାନରେ ତଥାପି , ବାଜି ଉଠୁଥିଲା ବିଦେଶୀ କଠଉଟା ଠକ ଠକ ହେଇ , ଏକ ନିଛାଟିଆ ଖରାବେଳେ

ଶ୍ରାବଣର ପଣତରେ ଆଖି ପୋଛି ଦେଇ , ହାତ ଠାରି ବାଉଳି ଚାଉଳି ହେଉଥିଲା , ପାଗଳୀ ବୁଢୀଟା |

ତୁ ଆସିଗଲୁ ଧନ !!!

ମୁଁ ଜାଣିଥିଲି , ତୁ ନିଶ୍ଚୟ ଆସିବୁ ,,,,