Quotes New

Audio

Forum

Read

Contests


Write

Sign in
Wohoo!,
Dear user,
ଅପ୍ରତ୍ୟାଶିତ
ଅପ୍ରତ୍ୟାଶିତ
★★★★★

© Soumya Shubhadarshinee

Others Tragedy

4 Minutes   7.1K    17


Content Ranking

ଅନୁଶାସନ ପର୍ଯ୍ୟାପ୍ତ ନୁହେଁ ଗଢିବାକୁ ଇଛିତ ଅପତ୍ୟ ଆଜିର ସମୟରେ। ଲୋଡ଼ା ଗୋଟେ ସମ୍ବେଦନଶୀଳ ବନ୍ଧୁ ....

ଗାଡିର ଗତି ଦ୍ରୁତରୁ ଦ୍ରୁତତର ହେଉଥିଲା ଆଭାର।

ହୃତସ୍ପନ୍ଦନ ଥିଲା ଅସମ୍ଭବ ଭାବେ ଅସ୍ଥିର। ଭାବନା ସବୁ ଥିଲେ ଅହେତୁକ ଭାବେ ବିକ୍ଷିପ୍ତ ।

ପୋଲିସ ଷ୍ଟେସନ୍ ରେ ଆକୃତି କଣ ପାଇଁ????

ଓଃ ! କି ଭୟଙ୍କର ବିଡମ୍ବନା! ପୋଲିସ ଅଫିସର ବି କିଛି କହିଲେନି । କେବଳ ଜଣେଇଲେ ଆସନ୍ତୁ ଝିଅ ଆପଣଙ୍କର ଅଛି ପୋଲିସ ଷ୍ଟେସନରେ!!

ଆଃ ଆକୃତି ମୋ ଗେଲ୍ହା ଝିଅ ! ତାର ହସ କାନ୍ଦକୁ ନେଇ ମୋ ପୃଥିବୀ। କଣ ତୁ ଅଛୁ କିଛି ଭୟଙ୍କର ବିପଦରେ। ତା' ପରିବାରରେ ଆଜି ଯାଏଁ କେହି କେବେ ଛୁଇଁନି ପୋଲିସ ଷ୍ଟେସନର ମାଟି। ଝିଅ ମୋର, ତୁ କେମିତି ପହଁଚିଲୁ ସେଠି ???......

ଆଭା ଆଉ ଅରୂପ ଉଭୟ ନିଜର କର୍ତ୍ତବ୍ୟକୁ ନେଇ ବହୁତ ସଚେତନ। ଶିକ୍ଷିତ, ସମ୍ପନ୍ନ, ସମ୍ଭ୍ରାନ୍ତ ପରିବାର । ଅନୁଶାସନକୁ ନେଇ ଆଭା ସବୁବେଳେ ଦାୟିତ୍ୱସମ୍ପନ୍ନ। ଝିଅକୁ ଉଚିତ ଶିକ୍ଷା ଓ ମୂଲ୍ୟବୋଧ ଦେବାରେ ଟିକିଏ ବି କାର୍ପଣ୍ୟ କରିନାହିଁ । ତଥାପି କେମିତି ଝିଅ ସେଠି !!!!!

ଅରୂପ ନାହାନ୍ତି ଗୋଟେ ବିଜନେସ୍ ଟୁର୍ ରେ ବହାରକୁ ଯାଇଛନ୍ତି। ଏଇ ଭୟଙ୍କର ବିପର୍ଯ୍ୟୟର ସାମ୍ନା କରିବାକୁ ହେବ ଆଭାକୁ ଏକାକୀ !!

ପହଞ୍ଚିଗଲା ଆଭା ସେଇ ନିଷିଦ୍ଧ ସ୍ଥାନରେ ଯେଉଁଠି ପାଦ ଦେବା ତା' ପରିବାର ପାଇଁ ଲଜ୍ଜାର ବିଷୟ ! କିନ୍ତୁ ସେ ନିରୁପାୟ।

" କହ ଆକୃତି ତୁ କଣ କରୁଛୁ ଏଠି ?

ଏକରକମ ପାଗଳି ପରି ଆଭାର ସ୍ୱର। ଆଖି ଲୁହ ଟଳମଳ , ପାଦ ଅସ୍ଥିର। ଯେମିତି ଏଇ କିଛି ମୁହୂର୍ତ୍ତରେ ବୋହି ଯାଇଛି ଗୋଟେ ଝଡ଼।

- " ମାମା ପ୍ଲିଜ ଡୋଣ୍ଟ୍ ଆସ୍କ!"

ଝିଅର ଏ କି ଅଦ୍ଭୁତ ଉତ୍ତର ! ନିଜ ମା କୁ କହିବାକୁ ଚାହୁଁନି ନିଜର ସମସ୍ୟା । ଅଶ୍ଵର୍ଯ୍ୟ ହେଉଥିଲା ଆଭା କେବେ ହେଇଗଲା ଝିଅ ଆଉ ତା ଭିତରେ ଏତେ ଦୂରତ୍ୱ???

ଇନିସ୍ପେକ୍ଟର ଦାସ କହିଲେ ଆକୃତି ଆସିଛି ଶୁଭମ ନାମକ ପିଲା ବିରୁଦ୍ଧରେ କରିବାକୁ ଗୋଟେ ମିସିଂ କେସ୍ । ପୋଲିସ ଖୋଜୁ ତାକୁ । ଶୁଭମ କିଏ ସେ ସଂକ୍ରାନ୍ତରେ କିଛି କହୁନି ଝିଅଟି?? ପୋଲିସର ସନ୍ଦେହ କିଛି ଅନ୍ୟ ଅଘଟଣ ହେଇଛି।

ଗୋଟିଏ ଛୋଟ ଝିଅର ଏକାକୀ ଏପରି ଅଭିଯୋଗ ପୁଲିସକୁ କରିଛି ବ୍ୟସ୍ତ ।ତେଣୁ ସତ୍ୟା ସତ୍ୟ ଜାଣିବାକୁ ଖୋଜା ଯାଇଛି ପିତା ମାତାଙ୍କୁ।

ପାଦ ତଳୁ ଖସିଗଲା ମାଟି ଆଭାର ! ଷ୍ଟାଣ୍ଡାର୍ଡ଼ ଏଇଟ୍ ରେ ପଢ଼ୁଥିବା ଝିଅ ହଠାତ୍ ଲାଗିଲା ଖୁବ୍ ବୟସ୍କ ! କିଏ ଶୁଭମ କାହିଁକି ଖୋଜୁଛି ଝିଅ ? ଗୋଟେ ଭୟର ବଳୟ ଭିତର ଆଭା - କିଛି ଅଘଟଣ ଘଟିନି ତ ଆଉ ????

ଝିଅକୁ ପଚାରିଲା ସେ ଭାରି ବିକଳ ହେଇ , '' ସ୍କୁଲ ବନ୍ଦ କରି ଏକା ଏଠିକୁ କେମିତି ଆସିଗଲୁ ତୁ ? କିଏ ଏ ଶୁଭମ , କଣ ପରିଚୟ ତାର? ଯଦି କିଛି ସମସ୍ୟା ଅଛି ପାପା କି ମାମା ଙ୍କୁ ନଜଣେଇ କେମିତି ଆସିଗଲୁ ଏକା ?"

ଝିଅର ଦୃଢ଼ ଘୋଷଣା " ଡୁ ୟୁ ହାଭ୍ ଟାଇମ୍ ? ନୋ ମାମା ୟୁ ଡୋଣ୍ଟ୍"।

ସଭିଏଁ ସ୍ତବ୍ଧ, ମା' ଟେ ପାଖେ ଏତିକି ବି ସମୟ ନାହିଁ , ଯେ ବୁଝିବ ନିଜ ଏକମାତ୍ର ଝିଅର ଦୁଃଖ!

ଆଭା କାନ୍ଦିବାକୁ ଆରମ୍ଭ କଲା। କାହିଁକି ଏମିତି ବିଦ୍ରୋହର ଭାଷା ଆକୃତିର ??

ସହରର ବେଷ୍ଟ ଟିଉଟର୍ , ମ୍ୟୁଜିକ୍ କ୍ଲାସ, ଡ୍ୟାନ୍ସ କ୍ଲାସ, ପେଣ୍ଟିଂ କ୍ଲାସ ସବୁକିଛିର ସୁବନ୍ଦୋବସ୍ତ କରାଯାଇଛି। ମା ଭାବେ ସବୁବେଳେ ତାଗିଦ କରିଛି ଝିଅକୁ ଆଭା । ଶିଖେଇଛି ଶୃଙ୍ଖଳିତ ଜୀବନ , ଦେଇଛି ଜୀବନରେ ଗୋଟେ ସମ୍ପନ୍ନ ମଣିଷ ହେବାର ଟାର୍ଗେଟ । ଆଉ ଅଧିକ କଣ କରିବେ ବାପା ଓ ମା? କଉଠୁ ଆଉ ଆଣିବେ ଅଧିକ ସମୟ?? ତାଙ୍କର ଅଫିସ ଅଛି , କର୍ମକ୍ଷେତ୍ରରେ ଦାୟିତ୍ୱ ଅଛି। ନିଜର ସ୍ୱାଧୀନ ଅସ୍ତିତ୍ୱକୁ ପ୍ରତିଷ୍ଠା କରିବାକୁ ଯାଇ କଣ ଏକମାତ୍ର ଝିଅକୁ ହରେଇ ବସିଛନ୍ତି ସେ ଦୁହେଁ ??

ଆଭା ଜଣେଇଲା ଏପରି କିଛି ଘଟଣା ଘଟିନାହିଁ । ଶୁଭମକୁ ସେ ଜଣେନି କୌଣସି କେସ୍ କରିବାର ନାହିଁ। ପୋଲିସ ଅଫିସର ବୁଝୁଥିଲେ ଗୋଟେ ମା' ର ଅସହାୟତା । ଆକୃତିକୁ ତାଗିଦ କଲେ ଅଫିସର। ଆଭାକୁ କହିଲେ ନେଇ ଯିବାକୁ ଝିଅକୁ । ଆକୃତି କିନ୍ତୁ ନିଜ ଜିଦ୍ ରେ ଅଟଳ ତାର କେସ୍ ଫାଇଲ୍ ହେବ । ଶୁଭମକୁ ଖୋଜିବ ପୋଲିସ। ଶୁଭମ ଖୁବ୍ ଲୋଡ଼ା।

'' ଆଇ ନିଡ଼୍ ହିମ୍ , ଆର୍ ୟୁ ଲିସନିଂ ମାମା , ଆଇ ନିଡ୍ ହିମ୍!" .

ବିକଳ ହେଉଛି ଏଇଟ୍ କ୍ଲାସର ଝିଅ , ବଡ଼ ହେଇଯାଇଛି ଖୁବ୍!!

ବହୁତ ବୁଝେଇ ସୁଝେଇ ଆଣିଲା ଆଭା ଆକୃତିକୁ ଘରକୁ। ଝିଅର ଉଦ୍ଧତ ପାଦ ଚାଲିଗଲା ନିଜ ରୁମକୁ ।ଦରଜା ବନ୍ଦ କରିଦେଲା ଆଗାମୀ ପିଢୀ ! ଝିଅର ଲୋଡ଼ା ଏକାନ୍ତ ମା' ଠାରୁ !!

ଆଭା କବାଟରେ ଆଘାତ କଲା ଖୁବ୍ ସାନ୍ତର୍ପଣରେ।

" ଖୋଲ ଟିକେ ଗେଲ୍ହା କଥା ହେବି ମୁଁ ପ୍ଲିଜ। ମୋତେ ଟିକେ ବୁଝିବାକୁ ଦେ କଣ ସମସ୍ୟା? କିଏ ଶୁଭମ ? ସତରେ କଣ କିଛି ଅଘଟଣ କରିଛି ସେ ? ପ୍ଲିଜ କହ ମୋତେ ।"

ଆକୃତି ଖୋଲିଲା ଦରଜା। କାନ୍ଦୁଥିଲା ସେ ଅସମ୍ଭବ ଭାବେ , କହିଲା " ମାମା ଟ୍ରଷ୍ଟ ମି, ଖୋଜି ଆଣ ଶୁଭମ୍ କୁ ମୋର ଖୁବ୍ ଜରୁରୀ। ତୁମ ପାଖେ ,ପାପାଙ୍କ ପାଖେ ମୋ ଲାଗି ନାହିଁ ସମୟ । ତୁମେ ବ୍ୟସ୍ତ ନିଜ ଅଫିସ, ମୀଟିଂ, ଟାର୍ଗେଟ, ଟୁରରେ । ଶୁଭମ ମୋ ରିଅଲ ଫ୍ରେଣ୍ଡ ".....

ଆଭାର ଆଖିରେ ଆଶ୍ଚର୍ଯ୍ୟ , " କେବେ ଏତେ ବଡ଼ ହେଇଗଲା ଝିଅ? ଭରିଗଲା ଏମିତି ଦୂରତା !

କାନ୍ଦୁଥିବା ଝିଅ କହୁଛି ବାରମ୍ବାର ସେ ଶୁଭମ ଆସୁନି କିଛି ଦିନ ହେଲା । କେମିତି ଖୋଜିବ ତାକୁ ସେ । ଜାଣିନି ଝିଅ ତା'ର ଠିକଣା । ଅଭିଯୋଗ କଲେ ହିଁ ପୋଲିସ ଖୋଜିବ ତାକୁ । ଆଉ ମିଳିଯିବ ହଜିଥିବା ଫ୍ରେଣ୍ଡ.....

ସୌମ୍ୟା

ଅନୁଶାସନ ଆକୃତି ଶୁଭମ

Rate the content


Originality
Flow
Language
Cover design

Comments

Post

Some text some message..