ଏଲ୍ ଇଡି ବଲ୍
ଏଲ୍ ଇଡି ବଲ୍
ଘରେ ଘରେ ଉଁକିଆ ଯୋଜନା ଥି କହପାନି ଗାଁନେ ଲାଇନ୍ ଲାଗଲା ଉତାରୁ ଜହ ଉଷତ ହଉଥାଏ ରଏବାରି । ଭୋଟ୍ ସମିଆଁ ପାସକେ ଆସୁଥାଏ । ଗାଁ ଛକେ ପାଁଚ ଲୋକ୍ କଥା ହଉଥାନ । କଏଁଟୁ ଶୁନି ଆଏଲା ଆରୁ ଘର ନିଢୁକି ଥିଲାନ ଆଉ ଅଧା ବାଟୁ କହେଲା - ଏ ନେଗା ବାବୁର ମା ଶୁନୁଛୁ କାଏଁ କାହିଁ ଗଲୁରେ .....ରଏବାରି ଚୁଲହା ସାଲେ ଥାଏଟା ବାହାରି ଆଏଲା ।
କଏଁଟୁ କହେଲା - ଏ ସରକାର ପରେ ପଂଚାଏତ ଠାନେ ଏଲଇଡି ବଲ୍ ଦେବା ମଜା ଜଲାବୁ ଘର ଉଁକିଆ ଦିସବା । ଦରକାର୍ ନାଇଁ ପଡେ ଆରୁ ବଏଠା ।
- ସଥେଁ
- ପଂଚାଏତ ଗଲେ ସିନେ ଯାନବୁ ଯେ ।
ୱାର୍ଡ ମେମ୍ବରର କହତି ରଏବାରି ପଂଚାଏତ ଯେଇଥିଲା । ବଲ୍ ଆନଲା ଘର ପାସର ପ୍ରମୋଦ କେ ଲଗେଇ କହେଲା ।
କଏଁଟୁ ମଦ ଥୁରେ ଢେଁକଲି ଆଏଲା ବେଲବୁଡା । ପାୱାର କଟ୍ ହଇଥେ ।
ପଏସା ମାଗଲା ରଏବାରିକେ ନିହେଲେ କହୁଥିଲା ଦେ ହେ ଏଲଇଡି ବଲ୍ ଗୁଟେ । ବୋଧେ ଆଉ ମଦ ପିଇ ଥିତା କାଏଁ । ଦୁହି ଜନକର ଭିତରେ ଝଗଡ଼ା ମୁଲ ହେଲା । ବଏଠାର ତେଲ୍ ସରି ଆସୁଥିଲା କାଏଁ ? ଲିଭ୍ ଲିଭ୍ କରୁଥିଲା ବଏଠା । ରଏବାରିର ଘରେ ଅଂଧାର କେ ସେନତା ଅଂଧାର ଦିସୁଥିଲା ।
ଶୁଭମ ନାଏକ
ତସଲାଡିହି, ସୁନ୍ଦରଗଡ଼,ଓଡିଶା